ဒိၩ့ပၥံၫ့ဆၧအီၪကီၪ့ကဲၬၥလံၬဘိၪ့ခိၪၥၫ့ခၫဖိၪလဖၪအဂး နံၩၥၫ့ဖၨၪၥဖၠးအီၪဝ့ၫဒၪအဂဲး

စၭထၪ့လၧနံၪ့၂၀၂၂နံၪ့လၩအီဂၭ၂၉ၥၫ့ဒဲထီၩ့စိၩလၧ၃၁ၥၫ့နီၪ ၦအကဲၪထၪ့ဘိၪ့ခိၪၥၫ့အီၪထၪ့ဘၭဝ့ၫဒၪ ၁၀နံၪ့ဒဲ၁၀နံၪ့ အဖၫ့လၬ ၥၫ့မုၥၫ့ခၫလဖၪအဂး Ongoing Formation အီၪဝ့ၫဒၪ ဝံးပၥၫ့ စံၫ့ပံတၧၫ့ကၥံၫဒြဲၫၥရိၬလးဝၩ့ဖၧၩ့ ဆၧအီၪကီၪ့ဒူၭ လးနီၪလီၫႉ
ၥဖၠးစၭထၪ့အဂုထုၬကနံၩ မံဆၩဆၧလုထၪ့နီၪ Fr.Henry Eikhlein လ့ၩခိၪလ့ၩနါဝ့ၫဒၪနီၪလီၫႉ လၩအီဂၭ၂၉ၥၫ့ လဂီၩခီၫ ၉နၩရံၫဒဲ ထီးစိၩလၧ ၁၂နၩရံၫအခံၫ့နီၪ Fr.အဲလ်ဘက် ညာဏ်စိုးငြိမ်း ၥီၪ့အ့ၪဘၪ လံၬဆံၫ့ဎံၪဆၧၥၭထိၬပရၧၫ့ (Scripture)ဂီၩ့ လဂၫလၩ့၂နၩရံၫ ထီးစိၩလၧ ၅နၩရံၫနီၪ Fr.Florence Aung Kyaw Oo ၥီၪ့အ့ၪဘၪ ဆၧအီၪကီၪ့ အဆၧၥီၪ့ ဆၧၥၫ့ (Dogmatic Theology) အဂဲးလဖၪနီၪလီၫႉ
လၩအီဂၭ၃၀ၥၫ့ လဂီၩခီၫနီၪFr.အိုင်စီဒို အၪ့နၩ့ဖ့ၪၥ့ၪယၫလၩ့ ဘၪထွ့ၪလၧ ဆၧအီၪကီၪ့ဆၧဖံၭဆၧမၩလဖၪအဖၧၩ့ ၦဆူၩနဲၩဖိၪၥံၪအဆၧဂဲၩဖျုဂဲၩဝၭအဂဲးလဖၪဂီၩ့ လဂၫခီၫနီၪ Fr.Florence Aung Kyaw Oo ဆုးထဲၩ့ ၥီၪ့အ့ၪဘၪ ဆၧအီၪကီၪ့ အဆၧၥီၪ့ဆၧၥၫ့ (Dogmatic Theology) အဂဲးလဖၪနီၪလီၫႉ
လၩအီဂၭ၃၁ၥၫ့လဂီၩခီၫနီၪ Fr.Raymond Kyaw Aung အၪ့နၩ့ဖ့ၪၥ့ၪယၫဘၪ ဆၧဖီၪ့ထၪ့ဖံၭထၪ့ဆၧအီၪကီၪ့ ဆၧဖံၭ ဆၧမၩအဂဲးဒဲ လဂၫခီၫနီၪ Fr.Florence Aung Kyaw Oo ကဆုးထဲၩ့ အၪ့နၩ့လၩ့ဘၪ ဆၧအီၪကီၪ့အဆၧၥီၪ့ဆၧၥၫ့ အဂဲးနီၪ လီၫႉ ၥၫ့ခၫဖိၪထီးလူၬအီၪ၁၆ဂၩအဖၧၩ့ ၁ဂၩနီၪ ဘၪလ့ၩထၪ့ဆၧမၩလိၪလၧ ထံၪယဲၩ့ခးယဲၩ့အကၠီၩ့ အီၪထး၁၅ဂၩနီၪ ဂဲၫထၪ့ဘၪ ၥဖၠးယီၩအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ
ဆၧပရၧၫ့ (ရေမွန်မန်းကျော်)
ကွ့ၭကျိၭထဲၩ့ နးအဲၪဖီၫဘွၩ