ဆၧမၩလၩမၩဖၩ့ၡီၩ့စ့ၩဘျံၭယူၩဘလံၫလၧထံၫခိၭဖံးဆၧအီၪကီၪ့အဂဲး

နံၪ့၂၀၂၂နံၪ့ လၩဇၫ့နဝ့ၩရံၫ ၁၄ၥၫ့ လဂီၩ၈နၩရံၫအခံၫ့နီၪ ဘၪဆၧမၩလၩမၩဖၩ့ၡီၩ့ဝ့ၫဒၪ ဆၧကဲၪထၪ့ Sr အီၪထၪ့ဘၭဝ့ၫဒၪ အနံၪ့၂၅နံၪ့ စ့ၩဘျံၭယူၩဘလံၫနီၪလီၫႉ

ယူၩဘလံၫနီၪမၩလၩမၩဖၩ့ဝ့ၫဒၪလၧ မၠီၩ့မၠၭဝံးဒီၪ့ ထံၫခိၭဖံးဆၧအီၪကီၪ့ ထံၫခိၭဖံးတဝၫ့ႇ st.Joseph ၥရိၬ လးဝၩ့ဖၧၩ့နီၪလီၫႉ

၂၀၂၂နံၪ့အဖၧၩ့ စ့ၩဘျံၭယူၩဘလံၫန့ဝ့ၫဒၪ Srလဖၪအီၪဝ့ၫဒၪ ၁၀ဂၩလါနၫ့ လၧဆၧမၩလၩမၩဖၩ့ယီၩအဖၧၩ့ ယူၩဘလံၫဆါလဖၪ ဂဲၫထၪ့ဝ့ၫဒၪန့၅ဂၩနီၪလီၫႉ ၦလၧအဂဲၫထၪ့ဝ့ၫဒၪ စ့ၩဘျံၭယူၩဘလံၫ Srလဖၪနီၪ မွဲဝ့ၫဒၪ Sr. Marie Stella, Sr.Assumpta Mary Tin Tin Mu, Sr.Mary Mocica, Sr.Martha San Kyi ဒဲ Sr. Mary Thein လဖၪနီၪလီၫႉ

ၦလၧအလ့ၩခိၪလ့ၩနါ စ့ၩဘျံၭယူၩဘလံၫမံဆၩဆၧလုထၪ့နီၪ မွဲဝ့ၫဒၪလၧFr.ဂျော်ကင်းနီၪလီၫႉ ၦလၧအ ထိးဆၧၫ့ဒိၭန့ဘၪ စ့ၩဘျံၭယူၩဘလံၫSrလဖၪယီၩ ၂၅နံၪ့အထးဖၧၩ့ အဝ့ၫၥံၪဘၪဂဲၫထဲၩ့ဒၪဆၧၫ့ယၫလၧ ဆၧကၪ ဆၧဂဲၩ ဆၧၡၪ့ဆၧယၬ အၪအၪဂီဂီအဖၧၩ့ အဝ့ၫၥံၪယီၩ ဂဲၫထဲၩ့ဖ့ၪလၫ့လၩ့ၥၭလၧယွၩဂီၩ့ ကနံၩယီၩအဝ့ၫၥံၪ စံၭခိး စံၭတၩထဲၩ့ ကဆါယွၩမံဆၩဆၧလုထၪ့အဖၧၩ့ ဂဲၫမၩလၩမၩဖၩ့ဘၪဝ့ၫကၠၧၫ့ကၠၧၫ့နီၪ စံၭခိးစံၭတၩဘၪကဆါယွၩအဂဲး Fr.ဂျော်ကင်း စံၭဝ့ၫဒၪဘဲၫနီၪအၥိၭနီၪလီၫႉ

လကၭဒံၭဘၪ ၦလၧအရွံထၪ့ ဘိၪ့ခိၪၥၫ့ခၫႇ Bro & Sr အဆၧၥၭမၧၫ့လဖၪနီၪ ကဘၪၥူၪထၪ့ၥၪထၪ့ နးၥၭအဆၧၥၪ၁၂မံၩ့အဂဲးႇ ကနံၩယီၩၦလၧအထိးဆၧၫ့ဒိၭန့ထၪ့ ယူၩဘလံၫလဖၪယီၩ ၂၅နံၪ့အထးဖၧၩ့ ဂဲၫထဲၩ့ၥူၪ ၥၪထၪ့ နးၥၭအဆၧၥၪ၁၂မံၩ့ယီၩ န့ဝ့ၫအကၠီၩ့ ပမၩလၩမၩဖၩ့အဝ့ၫၥံၪနီၪ မွဲလၧဆၧအကြၨၭအဘၪအဂဲးႇ ၥၫ့မုၥၫ့ခၫႇ Bro, Sr လဖၪနီၪ ကဘၪကဲၪဝ့ၫဒၪ ၦလၧအၥိၫ့ထၪ့ ၦၡၩလၧကဆါယွၩအအီၪအဂဲးႇ ကဲၪဘၪၦလၧအမၩစဲၪ့ထၪ့ ထဲၩ့ၦၡၩ လၧကဆါယွၩအအီၪအ့ၬႇ ကဲၪထၪ့ဘၪဎ့ၬလၧအတီၩ့ထ့ဖၭထၬ ယွၩဒဲၦၡၩလဖၪအ့ၬႇ မွဲကဘၪကဲၪထၪ့ ဝ့ၫဒၪ ၦလၧအဒုၭဘူၭထၪ့ၦၡၩလၧကဆါယွၩလဖၪအဂဲး Fr.မောရစ်ညွန့်ဝေနီၪစံၭဘၪဝ့ၫနီၪလီၫႉ

ဂီၩ့နီၪ ယူၩဘလံၫဆါလဂၩမွဲဝ့ၫ ထံၫခိၭဖံးဆၧအီၪကီၪ့ဖိၪ Sr.Monie နီၪ စံၭခိးစံၭတၩထဲၩ့ကဆါယွၩႇ စံၭခိးစံၭတၩထဲၩ့မိဖါလၧအအီၪဖျဲၪထၪ့န့အဝ့ၫၥံၪလဖၪႇ စံၭခိးစံၭတၩထဲၩ့ ၦလၧအဂဲၫ မၩလၩမၩဖၩ့ ယူၩဘလံၫလဖၪႇ ဘဲၫယူၩဘလံၫကကဲၪထၪ့မုၬမုၬလၩလၩအဂး ၦလၧအဂဲၫမၩဆၧၩ့ဎိၭလၩ့ဆၧလဖၪထီးလူၬနီၪ အဝ့ၫစံၭခိးစံၭတၩဘၪ ဒိၪဒိၪအၪအၪဒ့ၭအဂဲး ချဲၩ့ခိးချဲၩ့တၩဘၪဝ့ၫလီၫႉ

လၧယူၩဘလံၫမံဆၫဆၧလုထၪ့အဖၧၩ့ ဘိၪ့ခိၪၥၫ့ခၫႇ Bro, Sr ဒဲ ၦဆူၩနဲၩဖိၪလဖၪထီးလူၬ ဂဲၫထၪ့ဝ့ၫဒၪ ကအီၪဖိၭဘိၭအဂၩ၁၀၀၀အဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ

နးအဲၪဖီၫဘွၩ

၁၇ႉ၁ႉ၂၀၂၂

Add new comment

10 + 0 =