ဆိၩဒဲ နဲၫ့ရိၫဘံၫ ဆၧအီၪကီၪ့လဖၪအဂး ၥၫ့ဎွၩဖရၫ့စံၭ ရွံထၪ့ဘၪ ၥၫ့ခိၪဒိၪလဖၪအဂဲး

လၧလယံၭလမီးဒံၭဘၪအထီအိၩ တီၫ့ကိၫရံၩယၩထံၫခး ဆိၩဝံးဒဲ က့ၫညၫထံၪခး နဲၫ့ရိၫဘံၫ ဝံးလဖၪအဖၧၩ့ မိကဲၬၥလံၬဆၧအီၪကီၪ့လဖၪအဂး ၥၫ့ဎွၩရွံထၪ့ဝ့ၫဒၪ ၥၫ့ခိၪဒိၪလဖၪနီၪလီၫႉ

ဆိၩဆၧအီၪကီၪ့အဂး ၥၫ့ဎွၩရွံထၪ့ကၫမဲၫလဲဘိၪ့ခိၪၥၫ့ခၫ Fr. Peter Chung Soon-Taick ဂီၩ့ အဝ့ၫနီၪ ဂဲၫထဲၩ့ဖီၪ့ထၪ့ဖံၭထၪ့ဆၧဖံၭဆၧမၩလၧ ဆိၩၥၫ့ခိၪဒိၪကၠၧၫ့ကၠၧၫ့စၭထၪ့လၧ၂၀၁၃နံၪ့အိၩ နီၪလီၫႉ အဝ့ၫယီၩနီၪအၥၭအီၪဝ့ၫဒၪ၆၀ဂီၩ့ အဝ့ၫယီၩနီၪ လၧ၁၉၉၂နံၪ့အိၩ ကဲၪထၪ့ဘိၪ့ခိၪၥၫ့ခၫ နီၪ လီၫႉ

လကၭဒံၭဘၪအဝ့ၫယီၩန့ထၬဘၪ ဆၧနဲၪ့လၩဖၩ့လၧ လံၬမၩလိၪအံၫဂၠံၫနံၫယၫဒဲ ဘၪထွ့ၪ လၧ လံၬဆံၫ့ဎံၪအဂဲးအဖးနီၪ အဝ့ၫလ့ၩထၪ့မၩလိၪဘၪလၧ ဝံးရီၩမၭ (Pontifical Biblical Institute (Biblicum) ဘျၪ့ကိၪ့ဒိၪနီၪလီၫႉ အဝ့ၫယီၩဘၪထိးရွံထၪ့ယံၩယါအၥၭလၧ ကၫမဲၫလဲ ခရၧၫ့ခိၪနါဒဲ၂၀၀၉နံၪ့-၂၀၁၃အထီနီၪဆ့ ဘၪလ့ၩဖီၪ့ထၪ့ဖံၭထၪ့ယွၩအဆၧဖံၭဆၧမၩလၧ ဝံးရီၩမၭ ကၫမဲၫလဲ ဘိၪ့ခိၪၥၫ့ခၫခရၧၫ့လးမိထုၪ့ကၠီးဒံၭနီၪလီၫႉ

လၧဆိၩဆၧအီၪကီၪ့လးဝၩ့ဖၧၩ့နီၪၦဆူၩနဲၩဖိၪကဲၬၥလံၬအဆၧဝံဆၧနၬကအီၪဝ့ၫဖိၭဘိၭ(၁ႉ၅)

ခွးနီၪလီၫႉ

ဘဲၫနီၪအၥိၭ က့ၫညၫထံၪခး နဲၫ့ရိၫဘံၫဆၧအီၪကီၪ့အဂးဆ့ ၥၫ့ဎွၩရွံထၪ့ဘၪ ၥၫ့ခိၪဒိၪ Philip A.Anyolo နီၪလီၫႉ အဝ့ၫယီၩနီၪ အၥၭအီၪဝ့ၫဒၪ ၆၅နံၪ့ဒဲ စၭထၪ့လၧ၂၀၁၅နံၪ့နီၪ ကဲၪထၪ့ က့ၫညၫထံၪခး ကဲၬၥလံၬၥၫ့ခိၪဒိၪလဖၪ ခိၪနါဒိၪထုၬကဂၩနီၪလီၫႉ လကၭဒံၭဘၪ ၁၉၉၆-၂၀၀၃နီၪ အဝ့ၫယီၩ ကဲၪထၪ့ဘၪ Kericho ဆၧအီၪကီၪ့ၥၫ့ခိၪဒိၪကဂၩနီၪလီၫႉ အခံၫ့နီၪဒၪအိၩ အဝ့ၫယီၩအၥၭအီၪဝ့ၫဒၪ (၃၉)နံၪ့ဒံၭနီၪလီၫႉ လၧ၂၀၁၃-၂၀၁၈နီၪ အဝ့ၫကဲၪထၪ့ထဲၩ့Homa Bay ဆၧအီၪကီၪ့ၥၫ့ခိၪဒိၪနီၪလီၫႉ လၧ၁၉၈၃နံၪ့နီၪအဝ့ၫယီၩ ကဲၪထၪ့ဘၪ ဘိၪ့ခိၪၥၫ့ခၫလဂၩနီၪလီၫႉ လၧ၂၀၁၉နံၪ့ ဆၧရၫ့အဖၧၩ့ နဲၫ့ရိၫဘံၫဝံးနီၪ ၡၩခမျၧးဆၧဝံဆၧနၬအီၪဝ့ၫ၃ႉ၈ခွးတၭ ၅၀ယၩဒုၩနီၪ မွဲဝ့ၫဒၪ ကဲၬၥလံၬဆၧဘိၪ့ဆၧဘၩဖိၪလဖၪအဂဲး ပန့ဘၪဆၧပရၧၫ့ ဘဲၫယီၩအၥိၭနီၪလီၫႉ

နးအဲၪဖီၫဘွၩ

၁၁ႉ၁၁ႉ၂၀၁၃