စံၭအၧၩ့စံၭၥၫ့ ဆၧဘိၪ့ဆၧဘၩဂူၪဂၩလဖၪနီၪ အီၪပထုၬခွံၬကထံၪဎးအဂဲး ဆၧဘိၪ့ဆၧဘၩ ထီးလူၬခရၧၫ့ အၪ့ယၫထၪ့ဝ့ၫဒၪ

လၧအဖီၩ့ခွံၬမုနွ့ၫဒၪအိၩ ဘံၩဂလၩဒ့ၭထံၪခး ဆၧဘိၪ့ဆၧဘၩထီးလူၬခရၧၫ့လဖၪနီၪ ဒၪဎိၭ လၩ့လိၬၥၭလၧ Dhakaဝံး Gulshan ၦအီၪထုၪ့လးနီၪလီၫႉ

ဆၧဒၪဎိၭလၩ့ကဘျၩ့နီၪအဖၧၩ့ ဆၧလီၩ့စံၭအၧၩ့စံၭၥၫ့ ဆၧဘိၪ့ဆၧ ဘၩဂူၪဂၩလဖၪဆၧမၩနီၪ ဘဲၫၦလဖၪကအီၪပထုၬခွၬကထံၪဎးအဂး အဝ့ၫၥံၪအၪ့ယၫထၪ့ဘၪနီၪလီၫႉ မုဆၫကနံၩယီၩ ဆၧ ဘိၪ့ဆၧဘၩခိၪနါလဖၪနီၪအီၪကၠၭယံၩယံၩၡီၩ့ၡီၩ့လါနၫ့ဂ့ၩ လၧၦဆၧဘိၪ့ဆၧဘၩလးလဖၪႇ လၧပဆၧ လီၩလၩ့လါလၩ့လဖၪအဖၧၩ့ ပလီၩ့စံၭအၧၩ့စံၭၥၫ့ ဆၧဘိၪ့ဆၧဘၩဂူၪဂၩလဖၪနီၪ မွဲလၩ့ၥၭအုၭဝ့ၫဒၪဒိၪ ဒိၪဒ့ၭအဂဲးႇ ဆၧအယီၩနီၪ လမွဲဘၪကဆါယွၩအဖၧၩ့ၥၭအဂဲးႇ ဆၧအဂဲးဘဲၫနီၪၥိၭလဖၪ ကြၨၭလ ကဲၪထၪ့ဘၪအဂဲး အံၫဂလံၫကၫ့ၥၫ့ခိၪဒိၪ Sourav Pholia နီၪစံၭဝ့ၫဒၪနီၪလီၫႉ

လၧဆၧအီၪကီၪ့ကဘျၩ့နီၪအဖၧၩ့ မိၫဆလံၫႇ ဟံၫ့ဒူၫႇ ဘူၭဒၭဒဲ ၦဎြံၬဖိၪ ဆၧဘိၪ့ဆၧဘၩ ခိၪနါလဖၪထီးလူၬ ဂဲၫထၪ့ဝ့ၫ ကအီၪဝ့ၫဖိၭဘိၭ အဂၩ၂၅၀နီၪလီၫႉ လၧဘံၩကလၭဒ့ၭထံၪခးအဖၧၩ့ ဆၧဘိၪ့ဆၧဘၩခိၪနါလနၩ့နၩ့နီၪ ဆၧဘိၪ့ဆၧဘၩကဖၨၪဒဲကဖၨၪအကျၩမၩဂုထၪ့အၪထၪ့ ဆၧမ့ၬလဲၩ လဖၪႇ လၧမံၫဒံၫယၫလဖၪအဖၫ့ခိၪ စံၭအၧၩ့စံၭၥၫ့ဒဲ စီၪဆံၭဆၧဘိၪ့ဆၧဘၩဂူၪဂၩလဖၪႇ  ဆၧဘိၪ့ ဆၧဘၩအဖၨၪလၧအဂဲးဆီၪ့လဖၪနီၪ မၩနၧၩ့မၩစၪ ဆၧဘိၪ့ဆၧဘၩအဖၨၪလၧအဂဲးဆါလဖၪ အီၪဝ့ၫ နီၪလီၫႉ

ဆၧဒၪဎိၭလၩ့ကဘျၩ့ယီၩ အဆၧထိထီၫနီၪမွဲဝ့ၫဒၪ (Interfaith Unity for Peace and Harmony)နီၪလီၫႉ ဆၧဘိၪ့ဆၧဘၩခိၪနါလဖၪ အမူၩဒၩနီၪ မွဲဝ့ၫဒၪ ကဘၪၥီၪ့ၥၫ့အထံၩအဖျဲၥံၪ ဆၧဘိၪ့ဆၧဘၩအဂဲး ဒဲ ဘဲၫအထံၩအဖျဲၥံၪ ယူၭယၪ့ဆၧဘိၪ့ဆၧဘၩဂူၪဂၩကၥ့ၪ အဂဲးနီၪလီၫႉ လၧ လယံၭလမီးဒံၭဘၪအထီအိၩ မံၫဒံၫယၫကဒုၩအဖၫ့ခိၪ မိၫဆလံၫဒဲ ဟံၫ့ဒူၫဆၧဘိၪ့ဆၧဘၩနံၫဖၨၪ အကျၩ ဆၧဘံၪဘူၪထၪ့ဒၩကဲၪထၪ့ဝ့ၫဂီၩ့ ၦအၥံၫအဆၫအီၪထၪ့ဝ့ၫနီၪလီၫႉ မုဆၫကနံၩယီၩ ဆၧ အဂဲးဘဲၫယီၩၥိၭလဖၪ ကဲၪထၪ့ဝ့ၫဒၪ ခိၭမၬခိၭမၬနီၪ မွဲကဲၪထၪ့ဆၧအၪ့ထၩလၧ ဆၧဘိၪ့ဆၧဘၩအ ကျၩဆၧဎူၫဆၧဎၩ့လဖၪနီၪလီၫႉ

လၧဘံၩကလၩဒ့ၭထံၪခးဖၧၩ့ ဆၧဘိၪ့ဆၧဘၩအဎိၩထုၬအဖၨၪနီၪ မွဲဝ့ၫဒၪလၧ မိၫဆလံၫအ ကၠီၩ့  ဆၧဘိၪ့ဆၧဘၩဂူၪဂၩဖိၪလဖၪနီၪ ဘၪထိးအဝ့ၫၥံၪ အဆၧမၩနၧၩ့မၩစၪ ခိၭမၬခိၭမၬဒ့ၭနီၪလီၫႉ လၧၡၩခမျၧးအခွးအယၬဆၧရၫ့အဖၧၩ့ စၭထၪ့လၧ၂၀၁၃နံၪ့နီၪ မိၫဆလံၫလဖၪ ထၪ့ဒုၪဒၩ ဟံၫ့ဒူၫ ဆၧဘိၪ့ဆၧဘၩဖိၪ အီၪဝ့ၫအဘျၩ့ ၃၆၀၀ႇ အမူၭအရး၅၅၀နီၪမွဲဝ့ၫလၧ ဎူလၫ့ဂံၪ့လဖၪ လီၩ့မၩဂၭဂီၩ့ ဆၧၥုၪ့ဆၧဒီၩ့လဖၪႇ အမူၭအရး ၄၄၀နီၪဘိၭ မၩဂၭဂီၩ့ဆၧအၪ့ဆၫဆၧလးလဖၪႇ ၦမၩခီၫ့ၡၩလး လဖၪ ဒဲ အမူၭအရး၁၆၇၀နီၪဘိၭ မိၫဆလံၫလဖၪနီၪ လီၩ့မၩဂၭဂီၩ့ဆိၫ့ခွံၬ ဟံၫ့ဒူၫဆၧဘိၪ့ဆၧဘၩ လးလဖၪ ဒဲ ကလိၭကလၬအလးလဖၪအဂဲး ထုၬဖျီၪထၪ့ထၬဝ့ၫနီၪလီၫႉ

နးအဲၪဖီၫဘွၩ                                                                                 

၁၆ႉ၁၂ႉ၂၀၂၁