စံၫ့ဂၠိၩဇဲၭမံၭထၭမုၪလဖၪ လ့ၩမၩဘိၪ့ဆၧအၪ့ဆၧအီၩလဖၪအဂဲး

၂၀၂၁နံၪ့ လၩအ့ၫဖြံၫ၁၃၁ၫ့ တၩလၩ့ဝ့ၫအဆိၪထုၬကနံၩ လဂီၩ၄နၩရံၫ အခံၫ့နီၪ အီၪလၧဝံး မၫ့တၨၭဖၧၩ့ႇ အောင်မြေသာစံဝံးႇ မြောက်နွားခြံကုန်း ဝၩ့ဒီၪ့နီၪ မ့ၪအၪ့အကၠီၩ့ ဂံၪ့အဖျိၪ့၂၉ဖျိၪ့ ၦၡၩအဂၩ(၁၈၁) ဂၩနီၪ ဘၪဒၪဆၧၫ့ ယၫလၧမ့ၪအၪ့ဆၧ ဆၧကၪဆၧဂဲၩနီၪလီၫႉ ၦလဖၪနီၪလိၪဝ့ၫဒၪဆၧမၩဆၧၩ့လဖၪအဂး ၦလၧအမၩဘိၪ့ဆၧလဖၪ အီၪဝ့ၫအကၠီၩ့ လၩအ့ၫဖြံၫ၁၄ၥၫ့လဂီၩခီၫနီၪ စံၫ့ဂၠိၩဇဲၭမံၭထၭမုၪလဖၪဒဲ အီၪလၧမစိုးရိမ်ကျောင်းတိုက်ဗုဒ္ဓၥၫ့ခၫလဖၪ လ့ၩမၩဘိၪ့စိၩဘၪအဝ့ၫၥံၪ ဒံၪ့ၥိၪႇ ဂုဆၫႇ ကိၪဆွဲၩ့ႇ ဘီစကစ်ႇ ၥၧၫ့ခိၥၪႇ ယၫတလၫႇ ဓာတ်ဆားႇ ချၫၥိၪ ဒဲ ဆၧကီၩ့ဆၧၥိၭလဖၪနီၪလီၫႉ အၥၭအီၪဝ့ၫဒၪ၇၀ ဖံၫကဂၩနီၪ [အၪ့န့ဆၧချုၭနးမံၩ့အ့ၬ ဂံၪ့ထၧၫ့ဖျိၪ့ယၫ မ့ၪအၪ့ခွံၬထီးလူၬအဂဲးႇ ကဘၪစၭထၪ့ထဲၩ့ဝ့ၫလၧအခၪ့ထံၭအဂဲး] စံၭဝ့ၫဒၪ နီၪလီၫႉ အၥၭအီၪဝ့ၫဒၪ၁၅နံၪ့ ၥၭဘၪ့ဖိၪကဂၩနီၪဆ့ စံၭဝ့ၫဒၪ [အယီၩယဂံၪ့ ဘီၪႉ မ့ၪအၪ့ထဲၩ့ပၫခွံၬလူၬၥၪ ပမၩဆၧၩ့လိၬၥၭချုၭနးဂၩအ့ၬႉ

ပဂံၪ့နဲၩ့ထံၭ ဖၫထံကဂၩနီၪ စဲၪ့ထၪ့လခီၫလဖျ့ၭလၧၩ့ဘၪအကၠီၩ့ ဘၪနုၬလၩ့အီၪလၧ ထံၫကမၫဖၧၩ့ မ့ၪအၪ့ဆၧဂီၩ့မၬ ဂဲၫထဲၩ့စဲၪ့လၫ့ထဲၩ့န့မၬဆံၭအဂဲး] စံၭဝ့ၫဒၪ နီၪလီၫႉ ဂံၪ့ကဖျိၪ့အခိၪဖၫ့ခိၪနီၪ ဆၧလၩ့ထ့ၭဒိၭကမံၩ့ဂီၩ့ ဂဲထုၪ့ဖီးဖၭတၭ မ့ၪဂဲ ထုၪ့အၪ့ဆၧအဂဲးႇ မ့ၪအၪ့ဆၧယီၩလၩ့ဆၫ့ဝ့ၫဒၪအဂဲးႇ အဝ့ၫၥံၪကျ့ၭစၨၭမၩၥံၪ မ့ၪနီၪလါနၫ့ မ့ၪနီၪလလၩ့ဖံၭဘၪဂီၩ့ အဂဲးဂဲၫဆီၪ့ထၪ့နီၪဆ့ လၩ့မဲၩဝ့ၫအဂဲး ၦခမျၧးလဖၪ စံၭဝ့ၫဒၪနီၪလီၫႉ ထီဘဲၫယီၩနီၪဘိၭ ဆၧမၩဆၧၩ့န့ဝ့ၫအကၠီၩ့ အဝ့ၫၥံၪအဂး အီၪဘၪလါ နၫ့ လၧယၫခီၫအဂး ဆၧမၩဆၧၩ့ကလိၫထၪ့နီၪလီၫႉ မုဆၫခီၫနီၪအဝ့ၫၥံၪယီၩ အီၪကၠၭလၧ ဓမ္မာရုံဖၧၩ့ဂီၩ့ မုနၩခီၫနီၪဘိၭ အဝ့ၫၥံၪဘၪလီၩ့ဂၭမံၫလၧ အထံၩ ၥိၭဘူၭထံးလဖၪအဂံၪ့အဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ ၦလၧအ လီၩလၩ့ဆၧပရၧၫ့ယီၩနီၪ မွဲဒၪယၧၩ နးအဲၪဖီၫဘွၩနီၪလီၫႉ