စဎွၩၥၧၫ့ဂၩၥရိၬနီၪကဲၪထၪ့ကိၫဘံစၫ့တၫအဂဲး

အီၪလၧဝံးတခိၩ့ကဲၬၥလံၬဆၧအီၪကီၪ့ႇ ခဝဲခြံ လးဝၩ့ဖၧၩ့ စဎွၩၥၧၫ့ဂၩၥရိၬနီၪ ဘဲၫယီၩ ၦၡၩ ဘၠၩ့ထဲၩ့ ကိၫဘံဆၧဆၫဆါလဖၪနီၪလီၫႉ အဝ့ၫၥံၪယီၩ ဆုးကျိၭလိၬၥၭလၧ နယ်သာလန် NGO ဂီၩ့မၩကဲၪထၪ့ဆၧယီၩအဂဲး ပၥ့ၪယၫဘၪနီၪလီၫႉ

‘ထံၫဂဲးခးဂဲးဆၧတုၩ့ထၪ့တုၩ့လၩ့ဒဲ ကိၫဘံဆၧဆၫကဲၪထၪ့ဝ့ၫအထီယီၩ ခီၫခီၫပကဖိၭဘံၭ ထၬၥရိၬအတရၫ့နီၪ ပကဝဲထၪ့ဂီၩ့ ပကမၩထၪ့ဆၧဖံၭဆၧမၩလၧ ခိးတၩအီၪလဖၪအဂး ပအၪ့ဎၬ ထၪ့ဘၪဘနီၪဂီၩ့ ပစၭထၪ့ ဆၧမၩယီၩနီၪလီၫႉ

လၧအဂုအိၩနီၪ ပအီၪက့ၪထၬ ၦၡၩအဂၩ ၂၀အဂး ကွၫရၫ့တ့ၩစၫ့တၫ လၧမိမၫရံၫအလးဒၩ ဖၫ့ခိၪနီၪလီၫႉ အထီနီၪ မွဲလၧ ၥၫ့ခိၪဒိၪ ဂၠိၫ့စီၩယီၩဟၫ့ အဆၧမၩဆၧၩ့အဖၧၩ့ ပဆုးကျိၭလိၬၥၭန့လၧ နယ်သာလန် NGO ဂီၩ့ ဆၧဆၫဆါလၧ အလိၪအောက်စီဂျင်လဖၪနီၪ ပဖ့ၪလၫ့အ့ၪန့ဂီၩ့ လခဲၫ့ ဆၧအလးယီၩ ကဲၪထၪ့ထဲၩ့ ၦဘၠၩ့ကိၫဘံဆၧဆၫအလးနီၪလီၫႉ

ပမၩထၪ့ဆၧယီၩ ဆၧထိစိၩနီၪဘိၭဆၧကၪဆၧဂဲၩအီၪအထီ ခီၫခီၫပကဖိၭဘံၭထၬ ၥရိၬအတ ရၫ့လဖၪနီၪ ၦခမျၧးလဖၪအဂး လၧအခိးအတၩကန့ဝ့ၫနီၪ ပထိစိၩဂီၩ့ပမၩထၪ့နီၪလီၫႉ  ဘၪထွ့ၪ လၧ ဆၧဆၫဆါၥံၪ အဆၧအၪ့ဆၧအီၩ ၥံၪ့ဎွံၪဖၭစီၩ့အဂးနီၪ လၧအဂုအိၩနီၪ အပျီၩလါနၫ့ဂ့ၩ ဘဲၫယီၩ နီၪ ဆၧအနံၪ့ထၪ့ကိၭမံၩ့အကၠီၩ့ ဆၧဆၫဆါၥံၪဘၪဖ့ၪလၫ့ဝ့ၫဒၪဖိၭဖၪ့နီၪလီၫႉ

လၧအဂုအိၩနီၪ မ့ၪၥံၫအထီ ၦလၧဘၪၥွံၭ အောက်စီဂျင် လဖၪနီၪ အ၁ၭဘၪၥံၫခွံၬအီၪဝ့ၫဒၪ လါနၫ့ ဘဲၫယီၩနီၪ ဘၪထွ့ၪလၧ မ့ၪဆၧကၪဆၧဂဲၩလအီၪလၧၩ့ဘၪနီၪလီၫႉ ၦၡၩကၭအကၠီၩ့ အလး အကျဲၩ့ လလၧၫ့ဘၪ ဆၧကၪထၧဂဲၩအီၪထၪ့ဝ့ၫကဆံၭတၭ ပကဘၪဝဲထၪ့ထဲၩ့ စၫ့တၫအၥၫ့ကဖျိၪ့ နီၪလီၫႉ ၦလၧအဂဲၫမၩဘိၪ့မၩဆၧၩ့ဆၧလဖၪဆ့အီၪဝ့ၫဒဲ ကဆါယွၩအဆၧမၩဆၧၩ့အဖၧၩ့ ကိၭအမံၩ့ နီၪ မွဲအီၪဘၪဒၪဆၧအဂဲး ဆၧမၩအယီၩ မွဲဝ့ၫဆံၭခိၭဖိၪလီၫလါနၫ့ မၩဖီၩ့ဖျ့ၭၦၡၩအၥၭမၧၫ့ လၧဆၧ ၥံၫကျၩန့ဝ့ၫအၪမၬယူၭအဂဲးႇ စၫ့တၫအယီၩနီၪ စၭထၪ့မၩဝ့ၫကအီၪဖိၭဘိၭ လၩကဘံၪ့ဘျဲၪယူၭ အဂဲးႇ ၦဘၠၩ့ဆၧၥံၪ့ဎွံၪဆရၫလဖၪႇ ဆရၫမုၪလဖၪဒဲ Volunteer လဖၪ ထီးအလူၬ ဖိၭဘိၭအဂၩ ၃၀နီၪ ဘၪယိဆၧဆၫဆါလဖၪအဂဲး’’ ခဝဲခြံ စဎွၩၥၧၫ့ဂၩၥရိၬအဂး ၦလၧမူၩဒၩအီၪ ဘိၪ့ခိၪၥၫ့ခၫ Fr.Marcian Ther Kyaw အဆၧလီၩၥ့ၪယၫအဖၧၩ့ ပန့ဘၪဆၧပရၧၫ့ ဘဲၫယီၩအၥိၭနီၪလီၫႉ

နးအဲၪဖီၫဘွၩ