ဂၪ့ခိၪထၧၫ့ဘံၪ့ယၫ ၥၭဘၪ့ဖိၪၥံၪအဘိၪ့မုနံၩအဂး စပံၫ့ထံၪခးနီၪ ကဖျါလၩ့စိၩ ၥၭဘၪ့ဖိၪၥံၪအအၪထုၬအဂဲး

ဂၪ့ခိၪထၧၫ့ဘံၪ့ယၫ ၥၭဘၪ့ဖိၪၥံၪအဘိၪ့မုနံၩ ကထီၩ့စိၩဝ့ၫအဂးလိၪဒၪမုကနွ့ၫဆါဆါဒၪလီၫႉ ၦၡၩကမၩလၩ မၩဖၩ့ ၥၭဘၪ့ဖိၪၥံၪအဘိၪ့မုနံၩနီၪလၧ ပီၫတူၫဂံၫထံၪခး လံစဘိၩ့ဝံးနီၪလီၫႉ ဘိၪ့မုနံၩကိ စပံၫ့ထံၪခးယီၩ ဘဲၫၥိၭ ၥၭဘၪ့ဖိၪၥံၪ ကလ့ၩန့အအၪထုၬအဂးနီၪ ဆၫ့ထွ့ၪဘၪအၥၭဘၪ့ဖိၪၥံၪလီၫႉ အဝ့ၫၥံၪယီၩ ကဖျါလၩ့စိၩ ၥၭဘၪ့လဖၪ ဖိၭဘိၭအဂၩ ၇၅၀၀၀ဒဲ လၧစရၫ့ဖၧၩ့ဆ့ စပံၫ့ထံၪခးၥၭဘၪ့ဖိၪၥံၪ ကလ့ၩဝ့ၫဒၪဖိၭဘိၭအဂၩ ၇၅၀၀၀နီၪလီၫႉ လၧၥၭ ဘၪ့ဖိၪၥံၪအဘိၪ့မုနံၩဖၧၩ့ ၥၫ့ဎွၩဖရၫ့စံၭ ကဂဲၫပၫဝ့ၫဒၪဒဲ ၥၭဘၪ့ဖိၪၥံၪအဘိၪ့မုနံၩနီၪ ကမၩလၩမၩဖၩ့ဝ့ၫဒၪလၧ လၩအီ ဂၭ(၁-၆)အထီနီၪလီၫႉ

စပံၫ့ထံၪခး ၥၫ့ခိၪဒိၪ၇၁ဂၩနီၪ လၧအဝ့ၫၥံၪအထံၪခးၥၭဘၪ့ဖိၪၥံၪကၠၧၫ့ကၠၧၫ့ မွဲကလ့ၩထၪ့ ခးၥဲၫထၧၫ့ဘံၪ့ ယၫ ၥၭဘၪ့ဖိၪၥံၪအဘိၪ့မုနံၩနီၪလီၫႉ လၧၥၫ့ခိၪဒိၪ၇၁ဂၩအကျၩ ၂၅ဂၩနီၪ စပံၫ့အလၨခီၫ ဆၧလီၩလၩ့လၬလၩ့ဆၧဖၧၩ့ ပၫဝ့ၫဒၪနီၪလီၫႉ စပံၫ့ကၭၥလံၬၥၫ့ခိၪဒိၪခရၧၫ့နီၪ ကနံၪ့ယီၩၥၭဘၪ့ဘိၪ့မုနံၩဖၧၩ့ မွဲဘၪအၪ့န့မူၩဒၩလၧ ၦၡၩအဂဲၫ ဘၩယွၩ ၥၭဘၪ့ဖိၪၥံၪဒဲ ဖိၪၥၪဆံၭဖိၪၥံၪအဂးနီၪလီၫႉ

လၩယူၫလဲၫ့၃၁ၥၫ့နီၪ ဘိၪ့မုနံၩယီၩအဂး ဆၧအီၪကီၪ့ဎိၭလၩ့ကအီၪဝ့ၫဒၪအကၠီၩ့ ၥၭဘၪ့ဖိၪၥံၪအဂၩ ၃၇၃၇ ၅နီၪ ကထၪ့ဆၧအီၪကီၪ့ယီၩနီၪလီၫႉ အဝ့ၫၥံၪယီၩမွဲကလ့ၩထၪ့ဝ့ၫဒၪဆၧအီၪကီၪ့ယီၩလၧ စပံၫ့ထံၪခးဆၧအီၪကီၪ့၆၇ ဒီၪ့အလးႇ ၦအကဲၪၥၫ့မုၥၫ့ခၫဒဲမံၭထၭမုၪခရၧၫ့၃၂ခရၧၫ့အလးႇ ထံၪခးဖၧၩ့ဒဲ ထံၪယဲၩ့ခးယဲၩ့ခရၧၫ့၁၁ခရၧၫ့အလး လဖၪနီၪလီၫႉ

ဆၧအီၪကီၪ့ယီၩနီၪ ကမၩဝ့ၫဒၪလၧ အဆၫ့၃ဆၫ့နီၪလီၫႉ အဆိၪထုၬကဆၫ့နီၪ ၥၭဘၪ့ဘိၪ့မုနံၩအဂး ဆၧမၩ ဆိၫထၬဝဲၩဆၧဖံၭဆၧမၩဆၧၫ့ထီဖၧၩ့ န့ဝ့ၫဒၪဆၧဒၪခီၩ့ခၫ့ဖျီၪအဂဲးလဖၪနီၪ ကဘၪအၪ့နၩ့လၩ့ဝ့ၫဒၪနီၪလီၫႉ ဆၧအီၪ ကီၪ့ အ့ၪဂီၩ့အခၫ မွဲလၧဘၫစံၩလိၪနၫကၫဒံၫနဲၫ ဒဲ မွဲဒံၭလၧ စပံၫ့ထံၪခးၥၫ့ခိၪဒိၪထုၬလဂၩ ကၫဒံၫနဲၫ Juan Jose Omellaနီၪ ကလ့ၩခိၪလ့ၩနါ လုထၪ့မံဆၩဆၧလုထၪ့နီၪလီၫႉ လခဲၫ့ထုၬအဆၫ့နီၪ ကအီၪပထုၬခွံၬ ဆၧအီၪကီၪ့ဎိၭ လၩ့နီၪလၧ “ဂၬဖၭကၠၧၫ့ကၠၧၫ့ လၧၥၭဘၪ့ဖိၪ” ဆၧထံၪလၩ့ဒီၪလၩ့နီၪလီၫႉ

နးအဲၪဖီၫဘွၩ