ဂံၪ့ဒီၪ့ကဖျိၪ့အဖၧၩ့ ဒိၭန့ဘၪဆၧဒိၪစီၩ့ဒိၪမၩ့နီၪ ၥၫ့ဎွၩဖရၫ့စံထိးဆၧၫ့

Daniel & Michelle Schachle အထၧၫ့မၫဝၩနံၫဂၩအီၪနီၪ ဒၧၩ့ထၪ့န့၁၃ဂၩလဂၩအဖိၪအ ထီ ၥ့ၪယၫဘၪဆၧပရၧၫ့ကမံၩ့နီၪလီၫႉ ဆၧပရၧၫ့နီၪမွဲလၧ အဝ့ၫၥံၪဒၧၩ့ထၪ့န့ဖိၪၥၪဘဲၫယီၩနီၪ မွဲလၧ အခိၪနူၬလလၧၫ့ဎွ့ၩဘၪဒဲ ဆၧဆီၪ့ဆၧချဲၫ့လဂ့ၩဘၪအဂဲးနီၪလီၫႉ

ဆၧနီၪအကၠီၩ့ ၥံၪ့ဎွံၫဆရၫလဖၪ အၪ့မၧၫ့အဝ့ၫၥံၪ မၩလၩ့ထ့ၬဎွံၪခွံၬဖိၪၥၪယီၩနီၪလီၫႉ လါနၫ့ တခၩကကဲၪဆၧနးမံၩ့ အဝ့ၫၥံၪအထၧၫ့မၫဝၩယီၩ လမၩလၩ့ထ့ၬဎွံၪဘၪဖိၪ၁ၪယီၩဒဲ ကအၪ့လုဝ့ၫဂဲး ထိၪတွၭထၬဝ့ၫနီၪလီၫႉ မိဖါလဖၪနီၪ ကယဲကဘၪဆၧနးမံၩ့ မွဲကဘၪအၪ့လုအဖိၪအဒံၪလဖၪနီၪ လီၫႉ

ဆၧနီၪအကၠီၩ့မိဖါနံၫဂၩယီၩ အၪ့ကံၩ့ဘၩဆိၪဖၪဆၧလၧ Fr.Michael McGivneyအီၪ ဘဲၫ ၥိၭကယိလၩ့ခွါလၩ့အ့ၪအဝ့ၫၥံၪအဖိၪအဂးနီၪလီၫႉ ဂီၩ့နီၪအဝ့ၫၥံၪအထၧၫ့မၫဝၩနံၫဂၩယီၩ ဘဲၫ အဆၧၥၭအုၭလဖၪကလၩ့ၡၩအဂး လ့ၩစဲၪ့လၫ့ဂၬကွ့ၩစိၩလၧ အုရီၩပၭႇ ဘၫတံၫကၫ့ ဒဲ ဖၫတံၫမၫ မိမၫရံၫ အလိးအိၩအီၪဝ့ၫအလးနီၪလီၫႉ

အဝ့ၫၥံၪဂဲၫထဲၩ့ထီၩ့ဂီၩ့ လယံၬလမီးဘၪအထီနီၪ အဖိၪအီၪဖျဲၪထၪ့ဝ့ၫဒၪနီၪလီၫႉ အဝ့ၫၥံၪ ယီၩ ဆူၩနဲၩဝ့ၫလၧ Fr.Michael McGivney ဖ့ၪလၫ့ဘၪအဝ့ၫၥံၪအဖိၪဆၧ၁ၭမၧၫ့အကၠၠီၩ့ ဖ့ၪလၫ့ ထၬအဖိၪနီၪ အမံၩ့လၧ Mikey နီၪလီၫႉ ဆၧနီၪအကၠီၩ့ ၂၀၂၀နံၪ့ လၩမ့ၫဒၪအိၩ ၥၫ့ဎွၩဘိၭဘၪၥ့ၪယၫ ထၪ့ဘၪ မွဲလၧ Fr.Michael McGivney အစီၩ့အမၩ့အကၠီၩ့ Mikey ယီၩ ထိးဆၧၫ့န့ဘၪ အခိး အတၩအဂဲးနီၪလီၫႉ လကၭဒံၭဘၪ နံၪ့အယီၩကလူၬထီကိနီၪ မိကဲၭၥလံၬဆၧအီၪကီၪ့ယီၩနီၪ ကဖ့ၪ လၫ့ဘၪ  Fr.Michael McGivneyလဂၩ လၧၦဆံၫ့ဎံၫအလးအလၩအဂဲး ပၥ့ၪယၫဘၪနီၪလီၫႉ

နးအဲၪဖီၫဘွၩ