ခးအမ့ၫရံကၫ့ခးဒိၪ ဂၠိၩဘဲၫ့ဒၫ့ ဘဲၫကထိးဆၧၫ့ဒိၭန့အၪ့ထဲၩ့ဘၪ ကိၪဘိၪ့ဆံၫ့ဎံၫအဂး ယိလါဝ့ၫအဂဲး

အမ့ၫရံကၫ့ထံၪခး ခးဒိၪဂၠိၩဘဲၫ့ဒၫ့နီၪ မွဲလၧကဲၬၥလံၬဆၧဘိၪ့ဆၧဘၩဖိၪကဂၩနီၪလီၫႉ အဝ့ၫယီၩနီၪ မွဲအီၪဂဲၫလၧ ပၫတံၫအဖ့ၪဂဲးဖ့ၪဘၭ ဆၧမၩလၩ့ထ့ၬဎွံၪဖိၪၥၪနီၪလီၫႉ ဆၧနီၪအကၠီၩ့ အဝ့ၫယီၩဆ့ မွဲခးဒိၪလၧအဖ့ၪဂဲးဖ့ၪဘၭ ဆၧမၩလၩ့ထ့ၬဎွံၪဖိၪၥၪ ခးဒိၪကဂၩနီၪလီၫႉ

မိကဲၬၥလံၬဆၧအီၪကီၪ့ယီၩနီၪ ဘၪထွ့ၪလၧဆၧပဒၩ့ထၬဖိၪၥၪႇ ဆၧမၩလၩ့ထ့ၬဎွံၪဖိၪၥၪ ဆၧမၩယီၩနီၪ မွဲလထိးဆၧၫ့ဘၪဝ့ၫနးဆံၭနီၪလီၫႉ ဆၧနီၪအကၠီၩ့ ၦလၧအဖ့ၪဂဲးဖ့ၪဘၭဆၧမၩယီၩ ထံၪခးခိၪနါလဖၪဒဲ အလးအလၩထီၫဝ့ၫဒၪ ခိၪနါလဖၪနီၪ လဖ့ၪလၫ့လၧၩ့ဘၪဝ့ၫ ကိၪ့ဘိၪ့ဆံၫ့ ဎံၪအဂဲး ဘိၭဘၪၥ့ၪယၫထၬဝ့ၫနီၪလီၫႉ လကၭဒံၭဘၪ ၥၫ့ခိၪဒိၪလဖၪနီၪ နၫ့ဆၫ့ထွ့ၪထၬဘၪ ၦလၧအဘၪဖီၪ့ထၪ့ဖံၭထၪ့ ထံၪခးခိၪနါလဖၪဒဲ ၦမၩဆၧဖိၪ ကဲၬၥလံၬဆၧဘိၪ့ဆၧဘၩဖိၪလဖၪ ဘဲၫၥိၭကလီၩ့ဖိၬခိၭနၪဘၪ မိကံၬၥလံၬဆၧအီၪကီၪ့ အဆၧၥီၪ့ဆၧၥၫ့လဖၪအဂးနီၪလီၫႉ

ခးဒိၪဂၠိၩဘဲၫ့ဒၫ့ယီၩနီၪ ဖ့ၪဂဲးဖ့ၪဘၭ ဆၧမၩလၩ့ထ့ၬဎွံၪဖိၪၥၪဆၧမၩနီၪ လကၭဘၪ ဖ့ၪလၫ့ မၩဆၧၩ့ဝ့ၫဒၪ လၧကျိၪစ့ၩဒံၭနီၪလီၫႉ ကဲၬၥလံၬဆၧဘိၪ့ဆၧဘၩဖိၪလဖၪနီၪ အ့ၪမွဲဖ့ၪဂဲးဖ့ၪဘၭ ဆၧမၩလၩ့ထ့ၬဎွံၪဖိၪၥၪဆၧမၩ ဒဲ ဘဲၫၦၡၩကမၩလၩ့ထ့ၬဎွံၪအၥိၭလီၩ့အၪ့မၧၫ့ၦၡၩ ၦလဖၪနီၪ မိ ဆၧအီၪကီၪ့ယီၩ မွဲလဖ့ၪလၫ့လၧၩဘၪ ကိၪဘိၪ့ဆံၫ့ဎံၪအဂဲး ပန့ဘၪဆၧပရၧၫ့ ဘဲၫယီၩအၥိၭနီၪ လီၫႉ

နးအဲၪဖီၫဘွၩ