Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ခးပယၩ့RVAဆၧရၩလၩ့ ထီးလူၬလဖၪ အရိၩ့လးမိထုၪ့နီၪ ဘၪဆၧဝဲထၪ့ထဲၩ့လၧ CBCMအဂဲး
ခးပယၩ့ RVA ဆၧရၩလၩ့ ထီးလူၬလဖၪ အရိၩ့လးမိထုၪ့နီၪ ဘၪဆၧဝဲထၪ့ထဲၩ့လၧ ဝံးတခိၩ့ ပၠံၫဖၧၩ့ၥၭႇ ကၭၥလံၬ ၥၫ့ခိၪဒိၪလဖၪ ခရၧၫ့လးဝၩ့ဖၧၩ့ CBCMနီၪလီၫႉ ဆၧဝဲထၪ့ရိၩ့ဆၧထံၪလၩ့ဒီၪလၩ့နီၪ ပမၩဝ့ၫဒၪလၧ ၂၀၂၄ နံၪ့ လၩယူၫ၉ၥၫ့ အဂၫလၩ့ ၅နၩရံၫခီၫ အခံၫ့နီၪလီၫႉ
ၦလၧအလ့ၩခိၪလ့ၩနါဝဲထၪ့ ရိၩ့လးမိထုၪ့ဆၧထံၪလၩ့ဒီၪလၩ့ယီၩနီၪ မွဲလၧ ခးအ့ၩၡၩထၧၫ့ဘံၪ့ယၫ ဒဲ ခးပယၩ့ ၥၫ့ခိၪဒိၪလဖၪခရၧၫ့ ခိၪနါဒိၪထုၬ ကာဒီနယ်ချားလ်(စ်)ဘိုနီၪလီၫႉ လကၭဘၪ ၥၫ့ဎွၩအၥီၫ့ မွန်ဆီညော် Msgr. Andrea Ferente ၊ ခးပယၩ့ ၥၫ့ခိၪဒိၪလဖၪႇ RVAခိၪနါဒိၪလဖၪ ဒဲ ၦမၩဆၧဖိၪလဖၪႇ ၥၫ့မုၥၫ့ခၫ ဒဲ မံၭထၭမုၪ လဖၪႇ ၦမၩဘိၪ့ဆၧဆါ အဂံၪ့ဒီၪဖိၪလဖၪ ဒဲ ၦမွံၩၦထံၪလနၩ့နၩ့နီၪ ဂဲၫထၪ့ဖ့ၪဂဲးဖ့ၪဘၭဝ့ၫဒၪနီၪလီၫႉ
ခးပယၩ့RVA ရိၩ့လးမိထုၪ့ယီၩ ဘဲၫကကဲၪထၪ့အဂး ၦလၧအမၩဘိၪ့ ထီးအကုၬ၃၅၀နီၪ မွဲလၧဂျွန်ဦး အောင်ဇော်ဦး ဒဲ ဒေါ်အေမီခိုင်သဇင်စိုး အဂံၪ့ဒီၪ့နီၪလီၫႉ
ဆၧထံၪလၩ့ဒီၪလၩ့နီၪ ပဝဲထၪ့ဝ့ၫလၧ ဆၧဖ့ၬထ့ၬဖျုၩဖဲးနီၪလီၫႉ ၦလၧအဖ့ၬထ့ၬ ဖျုၩဖဲးလဖၪနီၪ မွဲလၧ ကၫဒံၫနဲၫခၠၩစဘိၫႇ မီၫလမၠဲၫ့ဆၧအီၪကီၪ ့ၥၫ့ခိၪဒိၪမောရစ်ညွန့်ဝေ ဒဲ ဒေါ်အေမီခိုင်သဇင်စိုး လဖၪနီၪလီၫႉ ဂီၩ့နီၪ ခးပယၩ့RVAရိၩ့လးမိထုၪ့ ၦဖ့ၪကိၪ့ဖ့ၪတဲၩ့ဆၧ ခိၪနါဒိၪလဂၩ မွဲဝ့ၫ Rev. Fr.Bernard Dashi Tang Ji ဒဲ RVA ဖျိၩ့ၡၩ့ ဆၧထံၪလၩ့ဒီၪလၩ့ခိၪနါဒိၪ Rev. Fr. Saw Hubert ၥံၪနီၪ ကၠူၭထၪ့ဖျုၩဂီၩ့ ဝဲထၪ့လံၬဘိၭပၪနီၪလီၫႉ
ဂီၩ့နီၪ ကၫဒံၫနဲၫခၠၩစဘိၫ ဆိၪဂ့ၩဆိၪဘွၩ မၩဆံၫ့ဎံၪထၪ့ ရိၩ့လးမိထုၪ့ ဒဲ ဆၧကွ့ၭနဲၪ့လံၬဘံၪ့ နီၪလီၫႉ Msgr. Andrea Ferrenteႇ ခးပယၩ့ RVA ရိၩ့လးမိထုၪ့ ၦဖ့ၪကိၪ့ဖ့ၪတဲၩ့ဆၧ ခိၪနါဒိၪလဂၩ မွဲဝ့ၫ Rev. Fr.Bernard Dashi Tang Ji ဒဲ ခးပယၩ့ RVAရိၩ့လးမိထုၪ့အဂး ၦအမူၩဒၩအီၪ Rev. Fr. Patrick Soe Htunလဖၪနီၪ ထၪ့ချဲၩ့လၩ့ဝ့ၫဒၪ ဆၧမၪလူၬထွ့ၫလဖၪဒဲ ဆၧစံၭခိးစံၭတၩဆၧချဲၩ့လဖၪနီၪလီၫႉ
ဂီၩ့နီၪ ပဒိၭန့ဘၪ ၥၫ့ခိၪဒိၪလဖၪ အဆၧဆိၪဂ့ၩဆိၪဘွၩဂီၩ့ ပဒိၪကၠၭဆၧဂၩ့ထီးနဲၪ့ ဒဲ ပအီၪပထုၬခွံၬ ဆၧဝဲထၪ့ရိၩ့လးမိထုၪ့ ဆၧထံၪလၩ့ဒီၪလၩ့ယီၩ လၧမုနၩဆၧအၪ့နီၪလီၫႉ
ဘၪဆၧဝဲထၪ့ ရိၩ့လးမိထုၪ့ယီၩအဖၧၩ့ ၦလၧအဘၪဒိၪထၬဆၧဂၩ့ ဒဲဆၧဂၩ့မၧၫ့လဖၪနီၪ မွဲလၧ CBCM-OSC director Rev. Fr. Paulinus Myat Kyaing ဒဲ RVAဖျိၩ့ၡိ ဒဲ ဖျိၩ့ၡၩ့ ၦမၩဆၧဖိၪလဖၪႇ ၦလၧအဘၪ ကၠၧၩ့ကၠီၩ ရိၩ့ဆၧဎံၪဆၧလၩလဖၪနီၪ မွဲလၧစိန့်ဖရန့်စစ်ဇေးဗီးယား မံၭထၭမုၪလဖၪ ဒဲ ၦလၧအဘၪကဲၪ ဆၧထံၪ လၩ့ဒီၪလၩ့ အဂးခိၪနါနီၪ မွဲလၧ Sr. Lucia Thandar Aung, SJA နီၪလီၫႉ
ခးပယၩ့ဖၧၩ့ အီၪဝ့ၫဒၪRVAဆၧရၩလၩ့ လဖၪနီၪ မွဲဝ့ၫလၧ RVA ပယၩ့အလၨႇ RVA ဖျိၩ့ၡိအလၨႇ RVA ဖျိၩ့ၡၩ့အလၨႇ RVA ဂျိန်းဖောအလၨႇ RVA ရ၀မ် အလၨႇ RVA လီဆူး အလၨႇ RVA ချိုချင်း (မင်းတပ်) အ လၨႇ RVA တီးတိန်အလၨ ႇ RVA ဟားခါးအလၨ ဒဲ RVA ဖလမ်းအလၨလဖၪနီၪလီၫႉ ခးပယၩ့ဖၧၩ့ RVA ဆၧရၩလၩ့လူအီၪဝ့ၫဒၪ ထီးလူၬ၁၀မံၩ့နီၪလီၫႉ ရိၩ့ဖိၪ၁၀ဒီၪ့ယီၩ ကဘၪဆုးကျိၭ မၩလၩ့ဎိၭဆၧမၩလၧ ရိၩ့လးမိထုၪ့ယီၩ နီၪလီၫႉ
Add new comment