ခးပယၩ့ဆၧဎူၫဆၧဎၩ့အဂး ခးဖံလံပဲၫ့ ကဲၬၥလံၬၥၫ့ခိၪဒိၪခရၧၫ့ အီၪက့ၪထၪ့ဘၪ ဆၧအၪ့ကံၩ့ဘၩဆိၪဖၪဆၧမုနံၩ

ဘဲၫခးပယၩ့ကန့ထၪ့ဘၪ ဆၧဎူၫဆၧဎၩ့အဂး ခးဖံလံပဲၫ့ကဲၬၥလံၬၥၫ့ခိၪဒိၪခရၧၫ့ခိၪနါဒိၪနီၪ အၪ့ယၫထၪ့ ထံၫခးဖၧၩ့အီၪဝ့ၫဒၪ ဆၧအီၪကီၪ့လဖၪ ဘဲၫကလုထၪ့မံဆၩဆၧလုထၪ့ဂီၩ့ ကအၪ့ကံၩ့ ဘၩဆိၪဖၪအ့ၪ ခးပယၩ့အဂးနီၪလီၫႉ

ခးဖံလံပဲၫ့ကဲၬၥလံၬၥၫ့ခိၪဒိၪခရၧၫ့ ခိၪနါဒိၪ ရိၫမူၩလိၫဘၫလဲယီၩ အီၪက့ၪထၪ့ဘၪလၩမ့ၫ၃၀ ၥၫ့နီၪ မွဲမုနံၩလၧ ခးပယၩ့အဂးႇ အကၧၩ့ဒိၪထုၬ ခးပယၩ့ကဲၬၥလံၬဆၧအီၪကီၪ့အဂး အဝ့ၫၥံၪအ ထံၪခးဖိၪလဖၪ ကအၪ့ကံၩ့ဘၩဆိၪဖၪထၪ့ဆၧအဂးမုနံၩနီၪလီၫႉ

မုနံၩအနီၪ ဘၪလၩ့ဎိၭလၧ နၫ့ဆါၥၧၫ့ဂၩယွၩလဂၩဘိၪ့မုနံၩဂီၩ့ ခးပယၩ့ဖၧၩ့ ဆၧဘံၪဘူၪထၪ့ ဒၩလဖၪ ဘဲၫကဂီၩ့ခွံၬဖျဲၪဖျဲၪအဂးဒဲ ၦလၧအလိၪဘၪ ဆၧဎူၫဆၧဎၩ့လဖၪအဂး ပကအၪ့ကံၩ့ဘၩ ဆိၪဖၪကၠၭအဂဲး လၧအဖီၩ့ခွံၬ ပူၭတပၠါမုနံၩအိၩ ၥၫ့ခိၪဒိၪဘၫလဲယီၩ ထုၬထၪ့လံၬဂီၩ့ နၫ့ဆၫ့ထွ့ၪ အၥိၪလဖၪနီၪလီၫႉ

လၧလွဲၫ့ကီၫဆၧအီၪကီၪ့ ကယၩ့ၥၫယၫၥရိၬအဖၧၩ့ ၦၡၩဘၪထိးခၭၥၭဂီၩ့ ၥၫ့ခိၪဒိၪယီၩ ထုၬ ထၪ့ဘၪလံၬအယီၩနီၪလီၫႉ လၧလၩဖ့ၫဖီၫဝၫရံၫ၆ၥၫ့ဒၪအိၩဆ့ ခးဖံလံပဲၫ့ကဲၬၥလံၬၥၫ့ခိၪဒိၪခရၧၫ့နီၪ ကွ့ၭၥိၫ့စိၩလံၬလၧ ကၫဒံၫနဲၫခၠၩမီၫ့ဘိၫအအီၪကဘံၪ့ဒံၭနီၪလီၫႉ လၧလံၬဖၧၩ့နီၪဘိၭ ကွ့ၭလၩ့ထၪ့ဝ့ၫ ဒၪ လၧဆၧကၪဆၧဂဲၩဆၧၫ့ထီဖၧၩ့ယီၩ ပဝ့ၫၥံၪလဖၪ ပအီၪလၧခးပယၩ့ဖိၪလဖၪကကဲၩ့ဎးလီၫအဂဲးႇ ပအၪ့ကံၩ့ဘၩဆိၪဖၪန့အ့ၪ ခးပယၩ့အဂးအဂဲး ကွ့ၭလၩ့ထၬဝ့ၫဒၪနီၪလီၫႉ

နးအဲၪဖီၫဘွၩ