ကၭၥလံၬၥၫ့ခၫလၧအဘၪထိး ဆၧဆၫဝံစဲၩလဂၩနီၪ အၪ့ကံၩ့ဘၩဆိၪဖၪထၪ့ဆၧလၧ Bp.Fulton J Sheen အီၪ

အီၪလၧအမ့ၫရံကၫ့ထံၪခး Fr.Jeffery Montz နီၪ ဘၪထိးဝ့ၫဒၪဆၧဆၫဝံစဲၩနီၪလီၫႉ အဝ့ၫယီၩ ထိးဘၠၩ့ အၥၭလၧ လီၩ့ချူၭထီဘဲၫယီၩအဆၧဘၠၩ့လဖၪလါနၫ့ မွဲဆၧလ့ၩထၪ့လ့ၩထီၫလအီၪဘၪနးမံၩ့နီၪလီၫႉ ဆၧနီၪအကၠီၩ့ အဝ့ၫယီၩ ကဘၠၩ့ထဲၩ့ဝ့ၫလၧ ယွၩအဆၧဘၠၩ့အကၠီၩ့ အၪ့ကံၩ့ဘၩဆိၪဖၪထၪ့ဝ့ၫလၧ Bp. Fulton J Sheen အအီၪနီၪ လီၫႉ
လၧကၭၥလံၬဆၧအီၪကီၪ့ဖၧၩ့ယီၩနီၪ ၦၡၩကကဲၪထၪ့ၦဆံၫ့ဎံၪကဂၩအဂး အီၪက့ၪထၬဝ့ၫဒၪ ဆၧ၄ဆၫ့နီၪ လီၫႉ ၦလၧကဘၪထိးရွံထၪ့အၥၭ ဘဲၫၦဆံၫ့ဎံၪကဂၩအၥိၭနီၪ အဆိၪထုၬ အီၪက့ၪထၬဝ့ၫလၧ ကဆါယွၩ အဎီးအ ၡၩအဆၫ့ႇ နံၫဆၫ့လဆၫ့နီၪ ၦကြၨၭယူၭယၪ့ဝ့ၫဒၪအဆၫ့ႇ ၥၧၫ့ဆၫ့လဆၫ့နီၪ ၦဂ့ၩၦဘွၩအဆၫ့ ဒဲ လခဲၫ့ထုၬ လံဆၫ့ လဆၫ့နီၪဘိၭ မွဲလၧၦဆံၫ့ဎံၪအဆၫ့နီၪလီၫႉ
Fr.Jeffery Montz အၪ့ကံၩ့ဘၩဆိၪဖၪဝ့ၫဒၪ Bp.Fulton J Sheen ယီၩနီၪ ၥံၫဖီၩ့ခွံၬဂီၩ့ ကကဲၪထၪ့ဘၪ ၦဆံၫ့ဎံၪအဂး မွဲန့ထၬဘၪ ၦကြၨၭယူၭယၪ့ဝ့ၫဒၪအဆၫ့ ၥၫ့ခိၪဒိၪကဂၩနီၪလီၫႉ လၧအဖီၩ့ခွံၬလၩအိၩ ၥၫ့ခၫယီၩ အၪ့ကံၩ့ဘၩဆိၪဖၪဆၧလၧ ၥၫ့ခိၪဒိၪယီၩအအီၪအဂဲးနီၪ ကွ့ၭထံၭလၫ့ထၬလံၬလၧ ၦဝံဖဲၫ့ဆံၫ့ဎံၪခရၧၫ့ အPageဖၫ့ ခိၪဂီၩ့ လီၩဖ့ၪၥ့ၪယၫထၬ ၦခမျၧးလဖၪနီၪလီၫႉ အဝ့ၫဘၪကွ့ၭထံၭလၫ့ထၬလံၬဘဲၫယီၩနီၪ အဝ့ၫယီၩအ့ၪမွဲအၪ့ ကံၩ့ဘၩဆိၪဖၪဆၧ လၧၫ့ဎွ့ၩထၪ့စွါဘဲၫ မုလါဝ့ၫလၧ ၦၡၩကိၭဂၩကၥ့ၪယၫဘၪ ၥၫ့ခိၪဒိၪအစီၩ့အမၩ့အကၠီၩ့နီၪလီၫႉ ၥၫ့ခိၪဒိၪယီၩအ့ၪမွဲမၩဘျၪထဲၩ့ ၥၫ့ခၫအဆၧဆၫယီၩန့စွါဘဲၫ ကကဲၪထၪ့ဘၪၦဆံၫ့ဎံၪအဂး ကဂဲၫလၩ့ဘူၭထၪ့ထဲၩ့ ကဆံၭနီၪလီၫႉ
အဝ့ၫယီၩအဆၧဆၫဝံစဲၩနီၪအီၪဝၫ့ဒၪ၂ဆၫ့လဆၫ့အဂဲး လၧအဖီၩ့ခွံၬ လၩကဘံၪ့ဒၪအိၩ လီၩၥ့ၪယၫထၬဝ့ၫ နီၪလီၫႉ ဂီၩ့နီၪအဝ့ၫယီၩ မွဲကဘၪဖ့ၪနဲၪထဲၩ့အၥၭလၧ ဆရၫလဖၪဒဲ ကဘၪမၩခွါယိထဲၩ့အဝ့ၫ အဆၧဆၫအဂဲးနီၪ လီၫႉ ဆၧနီၪအကၠီၩ့ ၦခမျၧးလဖၪအၪ့ကံၩ့ဘၩဆိၪဖၪအ့ၪအဝ့ၫအဂး ဘဲၫၥိၭကထဲၩ့အီၪမၧၫ့ဘၪအၥၭထီၫထီၫဒဲ က ထဲၩ့ဖီၪ့ထၪ့ဖံၭထၪ့ဘၪယွၩအဆၧဖံၭဆၧမၩအဂးနီၪလီၫႉ