Daily Reflection

Tuesday, July 06, 2021

ယ့ၫရှူၬစဲၪ့ဝံၩ့ဝၩ့ကိၭဒိၩ့ကိၭတဝၫ့တၭ, ၥီၪ့ထဲၩ့ဆၧလၧအဝ့ၫၥံၪ အၥရိၬဖၧၩ့တၭ, လီၩလၩ့လၬလၩ့ ဘၩ့မုးအဆၧၥၭထိၬအပရၧၫ့တၭ, မၩဘျၪထဲၩ့ကယဲဆၧဆၫ, ဒဲဆၧဆီၫ့ကိၭဆီၫ့ကဲၩ့ထီးအလူၬလီၫ.

ၦအခိၪလဂၩအဖိၪမုၪဒဲ ၦမုၪလၧအထိၭဘၪယ့ၫရှူၬအဖၬဘဲၩ့.

Monday, July 05, 2021

ယ့ၫရှူၬကၠၪထဲၩ့အၥၭတၭ, ဒၪဘၪဝ့ၫနီၪစံၭဝ့ၫဒၪ, ဖိၪမုၪဧ့, မွဲနၥၭဎွံၫထၪ့ဘီၪ, နဆၧနဲၩနီၪ မၩဘျၪထဲၩ့နၧၩယူၭ. ၦမုၪနီၪဘျၪထဲၩ့ဝ့ၫလၧနၩရံၩနီၪလီၫ.

ယ့ၫၡုၬဒဲစထီမၭ.

Saturday, July 03, 2021

ယ့ၫၡုၬစံၭအဝ့ၫ, မွဲနဒၪဘၪယၧၩအ ကၠီၩ့တၭနနဲၩနဝ့ၫ, ၦလၧအလဒၪဘၪဝ့ၫလါနၫ့ဘိၩ နဲၩဝ့ၫလဖၪဘၪဆိၪဂ့ၩဝ့ၫဒၪလီၫ.

ၦနၭဇရ့ၭဖိၪလထိးဆၧၫ့နဲၩထဲၩ့ဘၪယ့ၫၡုၬ.

Saturday, July 03, 2021

ယ့ၫၡုၬစံၭၦလဖၪနီၪ, မီၪနီၪ, အ့ၪလမွဲဘၪလၧအထံၫအခးဒၪဝ့ၫ, ဒဲလၧအဘူၭအထံးအကျၩ, ဒဲလၧအဂံၪ့ဖၧၩ့ဒၪဝ့ၫနီၪ, အလၩအဖၩ့အီၪဝ့ၫလီၫ.

ယ့ၫရှူၬကိၭန့စမၭၥုၫ.

Friday, July 02, 2021

ၦလၧ အအီၪဆီၪ့အီၪချဲၫ့လဖၪ မၩၥံၪ [ၥံၪ့ဎွံ] ဆရၫအလးအီၪအ့ၬ. မၩဝ့ၫအလးအီၪန့ၫၦလၧအဆၫလဖၪလီၫ.

ယ့ၫရှူၬမၩဘျၪထဲၩ့ၦၥံၫလခီၫဖၩလဂၩ.

Thursday, July 01, 2021

အဝ့ၫဒၪဂဲထုၪ့တၭ, ထဲၩ့ထဲၩ့ဝ့ၫလၧအဂံၪ့လီၫ. ၦခမျၧးဒၪဘၪဝ့ၫနီၪ, ထီၫမံၫထီၫမၪတၭ, စံၭထၪ့အၪ့ အူၭယွၩလၧအဖ့ၪလၫ့ၦၡၩ အစီၩ့အမၩ့ဒိၪန့ၫနီၪလီၫ.

ယ့ၫရှူၬမၩဘျၪထဲၩ့ၦလၧဆၧနၪအီၪအလီၩ့နံၫဂၩ.

Wednesday, June 30, 2021

ယိခွါ, အဝ့ၫၥံၪကိၭၡၭထၪ့ဝ့ၫတၭ, စံၭဝ့ၫဒၪ, ယွၩအဖိၪခွၫဧ့, ဆၧဘၪဆဲၫ့လိၬပၥၭလၧပၧၩဒဲနၧၩ, မွဲဆၧနီၪလဲၪ. အမုအလၩလဘၪဒံၭဘၪတၭ, မွဲနဂဲၫမၩအၧၩ့မၩနၭပၧၩဆ့ဧၪ.

စပံတၧၫလီၩဖျီၪထၪ့ဘၪဆဲၫ့ဎရံၬအဂဲး.

Tuesday, June 29, 2021

စစဲမၧၫ့ပံတၧၫချဲၩ့ဆၧၫ့ဆၧ တၭ, စံၭဝ့ၫဒၪ, နဝ့ၫဒၪယီၩနမွဲဎရံၬနီၪ, ယွၩလၧအမၧၫ့ဝ့ၫလဂၩအဖိၪခွၫလီၫ.- ယ့ၫရှူၬချဲၩ့ဆၧၫ့ဆၧတၭ, စံၭဝ့ၫဒၪ, စဲမၧၫ့ဘၫယိနၫဧ့, နဘၪဆိၪဂ့ၩနဝ့ၫဒၪလီၫ.