ၦၡၩဒဲ ၥံၪ့ထံၭၥံၪ့ဘီၩ့ (လမွဲဘၪ) ၦလၥ့ၪယၫဘၪ အခိးအတၩလဖၪ (၃)

မုဆၫလနံၩယီၩ စဲၭၥံၪရိၩ့ၥံၪအဆၧဖံၭဆၧမၩလဖၪအဖၧၩ့ ထုၬထၪ့ဝ့ၫကၫပိၫဒဲၫ့အီၭစဲၭစီၩ့အခူၫနီၪအကၠီၩ့ႇ ဂၪ့ခိၪချိၫ့ဘၪခိထၪ့ဝ့ၫနီၪလီၫႉ မွဲၦၡၩၥံၪအဂး လလိၫ ဘၪဝ့ၫကၧပိၫဒဲၫ့အီၭစဲၭစီၩ့အခူၫနီၪ ၥံၪ့ထံၭၥံၪ့ဘီၩ့လဖၪနီၪ စွံၬထၪ့ထဲၩ့ဝ့ၫလီၫႉ ဆၧမၩအၥၭဘဲၫနီၪၥိၭတၭႇ ဖ့ၪထၪ့ၦၡၩၥံၪဆၧအၧၩ့ဆၧၥၪ့ဆၧနိၫ့ဆၧနၭနီၪ ၥံၪ့ထံၭၥံၪ့ဘီၩ့လဖၪနီၪ မၩဖီၩ့ဖျ့ၭထၪ့အ့ၪဝ့ၫလီၫႉ

အဲၪကွံၩဘၪၦခိၭနၪဆၧဖိၪၥံၪဧ့ႇ ၦယီၩဘၪဆၧဖိၪ မၫမၫအ့ၩ “တိုင်းရင်းသားစည်းလုံးညီညွတ်ရေး“ ဆၧယီၩဘၪနီၪ ၦကိၭဂၩဒ့ၭ ကနါဂၧၫ့ယုၩယါဝ့ၫလီၫႉၥံၪ့ထံၭၥံၪ့ဘီၩ့လဖၪနီၪ လဆၨၩဎးႇ လပိၫ့ဎး လထံၭဒဲလထံၭ ဒုၭနဲၩ့လိၬၥၭန့စွါဘိၩႇ လံၩမုၬလဖုၬဒၫ့နီၪဆ့ႇ ထိးဝ့ၫန့နီၪအကၠီၩ့ႇ မွဲတၡါလီၫႉ ဒဂုံဝံးဒီၪ့ ၥုၪ့ထၪ့ဝ့ၫအဆိၪထုၬအထီဒံၭၥၪအီၩႇ အီၪဒံၭၥၪ ဆၧပျၩ့ပျၩ့အလးလီၫႉ ၥုၪ့ထၪ့ဝ့ၫဒံၭၥၪ ဂံၪ့လနၩ့နၩ့ဂီၩ့ ဂံၪ့ခိၪအဖၫ့ခိၪ ဖၩ့ယဲထၪ့ဝ့ၫဒၪလၧၡါဘွၩလဖၪနီၪလီၫႉ မုကနံၩနီၪတၭ လံၩၥဝံၭလၩ့ဝံၫနီၪတၭ ၡၩဘွလဖၪဘၪယုၩထၪ့ဝ့ၫလၧမူၭဖိၭဖၫ့ဒဲဂၪ့ခိၪယုဒိၩ့ဝံၩ့လဖၪထီးလူၬ ဂၩဘျုၬထၪ့ဝ့ၫနီၪလီၫႉ အဆၧအယီၩ လၩ့ၥၭမဲၪဝ့ၫအၪမၭနီၪလီၫႉ ၦခိၭနၪဆၧဖိၭၥံၪဧ့ႇ ဘၪလဘၪႇ ၥံၪ့ထံၭၥံၪ့ဘီၩ့အီၪဝ့ၫအၪအၪစွါဘိၩႇ ကအၧၩ့နၭထၪ့ဆၧဘဲၫနီၪၥိၭ လကဲၪၥ့ၪဘၪနီၪလီၫႉ ဆၧအယီၩနးဆ့ႇ ၥံၪ့ထံၭဘီၩ့ၥံၪဖ့ၪထၪ့ဆၧ အခိးအတၩလဖၪနီၪလီၫႉ