ၥၭဆုးလီၩ့ဝ့ၫဒၪ ဖီၫလဖၪ (၁)

ထၧၫ့ဖုဝဲမုၪခွၫၥံၪဧ့ ဘဲၫယီၩ ချံၫ့မုၬၡူၪဘၩ နဲၩ့ဎီၩ့အဎံၫလၩ ဆၧထံၪလၩ့ဒီၪလၩ့အဖၧၩ့ ယမိအဲၪဒိၭလီၩအ့ၪ ဘၪနၥံၪ ဖီၫလဖၪ မၩဎံၫလၩထၪ့ ပဂၪ့ခိၪချိၫ့ ဘဲၫၥ့ၪလဲၪအဂဲးနီၪလီၫႉ

ထၧၫဖုဝဲမုၪခွၫၥံၪဧ့ ဆၧလၧဖီၫလဖၪနီၪ ပအီၪၥၭမၧၫ့ဂၪ့ခိၪချိၫ့ယီၩ ၥၭဆုးလီၩ့မၩဎံၫမၩလၩထၪ့ဝ့ၫနဲၩ့ဎီၩ့ အရ့ၩဒိၪဝ့ၫဒၪ ကဆံၭကခ့ၭနီၪလီၫႉ

ဖီၫလဖၪနီၪ မွဲအထံၭလၧအၥၭချံၫအီၪ အကဲၩ့အခီၫကဒုၩလီၫႉ ဆၧအၥၭချံၫယီၩ မၩကဲၪထၪ့ထဲၩ့ အထံၭအၥၫ့လဖၪအၪမၬလီၫႉ ဖီၫလဖၪနီၪ အလွ့အီၪဝ့ၫအမံၩ့မံၩ့ႇ အပိၫ့အပၩ့အီၪဝ့ၫအမံၩ့မံၩ့ႇ အစီၩ့အမံၩ့မံၩ့ႇ အဎိၩအဆံၭအီၪဝ့ၫအမံၩ့မံၩ့လီၫႉ ဖီၫထီးအလူၬနီၪ မွဲလနၧၩ့ကၠၪဘၪဒဲ လနၩ့နၩ့နီၪ အစီၩ့နၧၫ့မုၬအ့ၬနီၪလီၫႉ

ဆၧလၧဖီၫလဖၪနီၪ အၥၭချံၫကန့အဂး ဖီၫကဖိၪဖီၫမုၬဒဲ ဖီၫထိဖၫအဂူၫဂၩကဖိၪနီၪ ကဘၪလဲးမွံၩအၥၭလီၫႉကဲၪထၪ့ဘဲၫယီၩၥိၭနီၪ ပကိၭဝ့ၫဒၪလၧ ဖီၫမုၬဆီးနီၪလီၫႉ

ဖီၫကဖိၪဖီၫမုၬနီၪ လၧအဂူၫဂၩကဖိၪ ဖီၫထိဖၫအီၪအလးနီၪ န့ၫႇ ဒူၩလၫႇ ထိၪဒဲ ဖျၪခၭနၫ ဆၧလဖၪၥံၪယီၩ လ့ၩန့အ့ၪဝ့ၫဒၪလီၫႉ ဆၧကဲၪထၪ့ဘဲၫယီၩၥိၭနီၪ ပကိၭဝ့ၫဒၪလၧ ဖီၫမုၬဆီးနီၪလီၫႉ ဖီၫမုၬဆီးအ့ၪဝ့ၫဒၪ ဆၧဖိၪဆၧဎါလဖၪ ဘဲၫကဂဲၫအဂး ဖီၫလဖၪအစီၩ့ ဘၪနၧၩ့မၧၫ့ဝ့ၫဒၪနီၪလီၫႉ မွဲဆၧဘဲၫနီၪ ဖီၫလဖၪနီၪ ထုၭန့ၥၭပၧၩ အလွ့အမံၩ့မံၩ့ အစီၩ့အမံၩ့မံၩ့ဒဲ အပိၫ့အပၩ့အမံၩ့မံၩ့နီၪလီၫႉ