အဲၪဒိၭဝ့ၫၥ့ၪလါဆ့ၭ (၃)

အထီလၧယၫ ကထီၩ့ဝ့ၫနံၪ့အဆၧၫ့အထီ မုနံၩမၪ့ၥၫ့နီၪ ကအၧၩ့နၭထၪ့ဝ့ၫနီၪအကၠီၩ့ စီၪဝ့ၫနီၪလီၫႉ အထီလၧယၫအဂး ကထိၪတွၭထုၬထၪ့ထၬ ဂၫ့ခိၪအဆၧၫ့အတီဆၧပရၧၫ့နီၪမၬကဲၪလၥ့ၪလၧၩ့ဘၪနီၪအကၠီၩ့ႇ နယူၩဇံၫလၫ့ စဲၩ့ယၫ့ၦကိၪ့ဘၪကိၪ့ၥ့ၪစံၭထၪ့ဝ့ၫဘဲၫယီၩၥိၭနီၪလီၫႉ

ၦၡၩၥံၪ ဂဲၩဝၬထၪ့ဆၧအဂဲးလဖၪနီၪအကၠီၩ့ႇ ဂၪ့ခိၪလုၫလါအနဲၩ့အဎီၩ့နီၪ ဘၪဂၭဂီၩ့ဂၭစၪဝ့ၫတၭ ဂၪ့ခိၪချိၫ့ခိထၪ့ဝ့ၫဆၧအၧၩ့ဆၧနၭလဖၪနီၪအကၠီၩ့ႇ ထီၩ့ဝ့ၫဒၪဆၧဂၭဂီၩ့ဂၭစၪအလး ဂၪ့ခိၪချိၫ့နီၪ အ့ၪဘၪစံၭထၪ့လၧအဒီၩ့အထ့ၬလမံၩ့မံၩ့စွါဘိၩႇ မွဲဝ့ၫၦခမျၧးၥံၪအၪမၬထၪ့ထုၬထၬလဲၪ့ၥိၩဖၭဒိၪလဖျိၪ့နီၪဘရံၬဖိးဝ့ၫတၭ လၩ့ထ့ၬဝ့ၫဒၪလၧ ခိၪလီၩ့ဖၭဒိွအဖၫ့ခိၪနီၪအၥိၭ ဘၪအီၪပဒၩ့ထၪ့ထၬအဂးကၪဂဲၩဝ့ၫအဆၧၫ့အထီနီၪလီၫႉ ကဲၪထၪ့ဝ့ၫဘဲၫနီၪၥိၭလါနၫ့ဂ့ၩႇ ၦၡၩလဖၪနီၪ ဂၪ့ခိၪချိၫ့ဘၪဂၭဂီၩ့ဂၭစၪထၪ့ဝ့ၫအဆၧဖံၬဆၧမၩလဖၪနီၪ ဆုးမၩထၪ့ဝ့ၫဒံၭဒၪလထံဎးႇ လဘီၩ့ဎးနီၪတၭပဝ့ၫၥ့ၪလဖၪယီၩ ပအီၪပဒၩ့ဖျါပတုၪ့ထၬ ဆၧဂဲးဆၧဖးလဖၪနီၪ လန့ဘၪနီၪတၭ ပအီၪက့ၪထးထၬပဖိၪခွၫ လံၫ လါၩလၧ ဆၧအၧၩ့ဆၧၥၫ့ ဆၧနိၫ့ဆၧနၭအထီဖၧၩ့ယီၩစွါဘဲၩ ဆၧၥုၪ့အုၬၥၭအုၭကအီၪထၪ့ဝ့ၫအၪမၬလီၫႉ

မွဲဘဲၫနီၪၥိၭတၭႇ ၦၡၩၥံၪအၥၭနၫဂါတရၩလဖၪနီၪ အီၪပဒၩ့ထၬ ဖီၪ့ဂုးထၪ့ဝ့ၫလန့ဘၪစွါဘိၩႇ ကကဲၪထၪ့ဝ့ၧဒၪ ပဖၧၫ့လၩ့ၥံၫ့ဎွံၫနီၪအကၠီၩ့ ကဘၪဒၪဆၧၫ့ယၫထဲၩ့ဒၪ ဆၧနိၫ့ဆၧနၭနီၪလီၫႉ ဂၪ့ခိၪချီၫ့ယီၫ ၦၡၩၥံၪဘၪအီၪဖျဲၪထၪ့ဝ့ၫနီၪ ဘဲၫၥၭကျူၩၥၪထၪ့ဝ့ၫအၥိၭ ၥၭကျူၩအၥၭနီၪအကၠီၩ့ အထံၭဘၪၥံၪဝ့ၫအဂဲးအဖးနီၪ ဘဲၫလဒၪဆၧၫ့ယၫထၪ့ဘၪအဂး တီၩလီၩ့ဝ့ၫဆၧဎိၭထံၪဎိၭဒီၪလဖၪ မၩထၪ့ဂီၩ့လမွဲလတီၩလၧၩ့ဘၪ အဆၧၫ့အထီကဲၪထၪ့ဆၧနီၪ ဘဲၫအီၪပဒၩ့ထၬဝ့ၫဆၧၫ့ဂ့ၩထီဘၪကန့အဂး ကျ့ၭစၨၭဂဲၩဝၬထၪ့ဆၧဆၧဖံၬဆၧမၩလဖၪနီၪ ကြၨၭထုၬဖျီၪထၪ့ယူၭနီၪလီၫႉ