အလၩဒူၩဒဲအစုၪအဖျါ အဆၧတုၩ့ထၪ့ဆၧ (၄)

ၦခမျၧးၥံၪ ဖီၪ့ထၪ့ဖံၬထၪ့ဆၧလၥ့ၪဘၪ ကၠီးခ့ၭအထီအိၩ  အလၩဒူၩအဖၫ့လၬဖၧၩ့ အီၪၥၭမၧၫ့ဝ့ၫန့ၡူၪၡူၪဘၩဘၩလါနၫ့ဂ့ၩႇ လ့ၩထၪ့လ့ၩထီၫ အဆၧၫ့အထီယီၩ ဘၪၥွံၭထၪ့အဆုၫအဖျါစွါဘဲၫ ဆၧၥ့ၪယၫနၪၥ့ၪအီၪဝ့ၫ ၦခမျၧးၥံၪအဂး လၩ့မ့ၬမဲအၪမၬလီၫႉ မွဲတၡါ စၭထၪ့လၧအဂုခိၪထုၬအိၩ ၦခမျၧးၥံၪဒဲ ဆၧဖိၪဆၧဎါၥံၪအဂး  ဂၪ့ခိၪလုၫလါအနဲၩ့အဎီၩ့နီၪ ဘၪဂဲၫထဲၩ့လုအၪ့လုအီၩထၪ့ဝ့ၫနီၪလီၫႉ အထီကကၠၪၥၪအိၩ ဘၪယိထွ့ၫယိခွါထၪ့ဆၧ ဂၪ့ခိၪလုၫလါအနဲၩ့အဎီၩ့နီၪ ၡူၪ ဘၩဝ့ၫနီၪအကၠီၩ့  ဆၧဖိၪဆၧလံၩၥံၪအီၪၥၭမၧၫ့ဝ့ၫန့ ၡူၪၡူၪဘၩဘၩလီၫႉ

လါနၫ့ဂ့ၩ အလၩဒူၩလၩ့ၡၩဂီၩ့ အဆုၫအဖျါအၪထၪ့ထဲၩ့အခၫ ဂၪ့ခိၪလုၫလါမိၥၭဘီၩ့နီၪ အနၫ့ဆါန့ဆ့  ဆၧအခိထၪ့ဝ့ၫနီၪအကၠီၩ့ ဖ့ၪထၪ့အဖိၪအလံၩၥံၪချံၪ့ၡူၩလန့လၧၩ့ဘၪလီၫႉ ဆၧဖိၪဆၧလံၩၥံၪနီၪ ဘၪၥၪထၪ့ကၭဒဲ ဘၪထိးဝ့ၫဆၧခိဒၫ့နီၪလီၫႉ

မွဲတၡါ အလၩဒူၩဒဲ အဆုၫအဖျါနီၪ လၧဆၧဒုၭဆၧယၩအဖၧၩ့ တုၩ့ထၪ့တုၩ့လၩ့လိၬၥၭဒံၭလီၫႉ အ့ၪအလၩဒူၩစၪဝ့ၫနီၪ  အဆုၫအဖျါနီၪ ကအၪ့န့ထၪ့အနၧၩ့နီၪလီၫႉ အ့ၪအစုၪ့အဖျါအၪ့န့ထၪ့အနၧၩ့နီၪ ၦဘၪအီၪၥၭမၧၫ့လၧအလၩဒူၩအဝံၪလၬလဖၪ  ထီးအလူၬ ဆၧဒူၩဆၧယၫ့လအီၪလၧၩ့ဘၪလီၫႉ အနီၪတၭ နကမၩထၪ့မနီၫလဲၪႉ