လၧခဲၫ့ ဖိၪလံၩၥံၪအဂး ဂၪ့ခိၪဘဲၫယီၩ လအီၪဘၪ (၁)

ဂၪ့ခိၪခိဆၧၩ့ချံၪ့အၪ့လဲၩ့ထၪ့အၥၭ ထံၫဎိၩလၩ့ ၡၬလဲး လံၩမုလဖုၬဂဲၫ ဆၧခိဂဲၫဆီၪ့ထၪ့နီၪ မွဲဂၪ့ခိၪထၧၫ့ ဘံၪ့ယၫဘၪထိးဝ့ၫ အနံၪ့ဂဲၫအၪထၪ့ယူၭနီၪလီၫႉ ဆၧအယီၩ မွဲၦၡၩအၪဒၪဆၧ ဂဲၫထုၪ့ၥုၪ့ထုၪ့ၥၭထၪ့ဂီၩ့ ဆၧအ ဆၧၫ့အထီယီၩ ဘဲၫပပဒၩ့ယိထွ့ၫကန့အဂး ဂၪ့ခိၪထၧၫ့ဘံၪ့ယၫ ပၧၩလၧအဂဲၩဝၬလၧ နဲၩ့ဎီၩ့အဂးမွဲဝ့ၫ ခးအ့ၩၡၩ ခးအၫဖရံကၭ ခးအုရီၩပၭ ထံၫခးအၪမၬလၧဝံးဖၭဒိၪလဖၪ အၪ့ကံၩ့လီၩဖျီၪ့ထၪ့ဝ့ၫဆၧထံၫလၩ့ဒီၪလၩ့လဖၪ မၩထၪ့ဝ့ၫလီၫႉ လၩ့ဆၫ့ဝ့ၫဒၪကမံၩ့နီၪ လၧဆၧဂဲၩဝၬထၪ့ယီၩအဖၧၩ့ အၪဒၪဆၧနီၪမွဲ ၥၭဘၪ့ၥံၪ ဆၧမၩလိၪဖိၪၥံၪ ပၫဝ့ၫဒၪအအၪထုၬနီၪလီၫႉ ဆၧဂဲၩဝၬယီၩအဖၧၩ့ ဆၧကိၭၡၭထၪ့နီၪ မွဲ လၧခဲၫဖိၪလံၩၥံၪအဂး ဂၪ့ခိၪဘဲၫယီၩလအီၪ ဘၪ နီၪလီၫႉ

ဂၪ့ခိၪချိၫ့ ခိဆၧၩ့ချံၪ့အၪ့လဲၩ့ထၪ့အၥၭယီၩ ပမၩဆၧၩ့ထၪ့ကန့ အခံၫ့ကအီၪထးဒၪ (၁၁)နံၪ့လီၫ အကၠီၩ့ လၧ ကုလသမဂ္ဂ ညီလာခံနီၪ ဂၪ့ခိၪ ခိၪနါဒိၪၥံၪလဖၪ လီၩဖ့ၪလၫ့ထၬ ဆၧထုၪ့ၥုၪ့ထုၪ့ၥၭနီၪလီၫႉ (၁၁)နံၪ့ယီၩအဖၧၩ့ ပယိထွ့ၫပဒၩ့လန့ဘၪ ပဂၪ့ခိၪချိၫ့ယီၩ ကဂဲၫကဲၪထၪ့ဘဲၫၥ့ၪလဲၪႉ ဂၪ့ခိၪ ဆၧခိကဂဲၫဆီၪ့ထၪ့ ပၫ့လဲၪထံၫအမ့ၬပၫကဂဲၫထီၪ့ထၪ့ ထံၫလၧပအီၩကဂဲၫလၩ့ၡၩ အ့ၩဆဲၭဆၧဖိၪဆၧဎါၥံၪကၥံၫ ဆၧၥုၪ့ဆၧဖျါ အဆၧမၩကဂဲၫကၪဂဲၩထၪ့အကၠီၩ့ ပကိၪ့ၥ့ၪလဖၪ လီၩနဲၪထၬဝ့ၫယူၭနီၪလီၫႉ

ခိဆၧၩ့ချံၪ့ယီၩ ဘၪအၪ့လဲၩ့ထၪ့အၥၭဘဲၫယီၩၥိၭနီၪ ပပၫလဲၪၥံၪအကၠီၩ့ ဘၪအၧၩ့နၭထၪ့ဘယီၩလဲၪနီၪ လၧခဲၫ့မုနွ့ၫမၬ ယကဆုးအၪ့နၩ့လီၩဖ့ၪနဲၪဘၪနၥံၪနဲၪႉ