ဘၪနီၫလဲၪ ဘၪၥုၪ့လၩ့ၥံၪ့ထံၭ (၁)

ဘၪနီၫလဲၪ ဘၪၥုၪ့လၩ့ၥံၪ့ထံၭနီၪစွါဘဲၫ အဆိၪထုၬကထုၪ ဆၧလၧၥံၪ့ထံၭနီၪ ခိဆၧၩ့ချံၫ့အၪ့လဲၩထၪ့အၥၭအဂး ပဒၩ့ထၬဝ့ၫန့လီၫႉ ဆၧလၧၥံၪ့ထံၭလဖၪနီၪ စူၭကီၪ့ထၬ ကၫဘိၫ့ဒဲၫ့အီၭစဲၭဂီၩ့ ထူၭထၪ့ထဲၩ့ အီၭစံၫဂၠ့ၫ နီၪလီၫႉ
နံၫထုၪကထုၪနီၪဘိၭ ဆၧလၧၥံၪ့ထံၭၥံၪနီၪ မၩဆံၫ့ဖျ့ၪထၪ့ လံၩအထုၪ့န့ စီၩ့ဂဲးလၧလဂ့ၩဘၪလဖၪနီၪ အဝ့ၫၥံၪအလၪဒဲအထံၭၥံၪနီၪ စွံၭထၪ့ခွံၬဝ့ၫန့လီၫႉ လၩ့ဆၫ့ဒၪဆၧ အမိုနီးယား၊ ဆာလဖာဒိုင်အောက်ဆိုက်, နိုက်ထရိုဂျင်အောက်ဆိုက် ဒဲ အိုဇုန်း လဖၪ စီၩ့ဂဲးၥံၪနီၪ စွံၭထၪ့ဝ့ၫဒၪအကၠီၩ့ လံၩအထုၪ့ဖၧၩ့ ဆံၫ့ဖျ့ၪထၪ့ဂီၩ့ ကဆံၫ့ဖျ့ၪထၪ့အဂးဆ့ မၩထၪ့ဝ့ၫန့နီၪလီၫႉ
လခဲၫကထုၪနီၪ ၥံၪထံၭလဖၪၥံၪနီၪ မၩဒုၩ့ထၬ ဖၧၩ့ၥၭၥံၪ ဂံၪ့ၥံၪလဖၪ ပဒၩ့ထၬအ့ၪဝ့ၫဆၧခိန့နီၪလီၫႉ ၥံၪ့အလၪၥံၪလဖၪကဆၫ့ လၧလံၩအထုၪ့ဖၧၩ့နီၪ ထူၭထၪ့ ထံၫအခူၪနီၪလီၫႉ
ဂီၩ့ လံထံၪကထံၪနီၪ ၥံၪ့ထံၭလဖၪအကၠီၩ့ ဖၧၩ့ၥၭၥံၪ ဂံၪ့ၥံၪ ဆၧခိဘၪလၩ့ၡၩနီၪလီၫႉ ယဲထုၪကထုၪနီၪဘိၭ ဆၧလၧၥံၪ့ထံၭၥံၪလဖၪနီၪ ထံၫကလူၬအဂး ပဒၩ့ထၬဝ့ၫန့နီၪလီၫႉ ၥံၪ့ထံၭလဖၪ အဆၧဒူၩအကၠီၩ့ ထံၫလိၫဝ့ၫဒၪနၫ့လဖၪ ထံၫအခူၪစဲၪ့လၫ့လၩ့ၡၩဂီၩ့ ထံၫကၠီၪ့ ထံၫဖၧၩ့လဖၪ ထံၫအခူၪစဲၪ့ထၪ့လၩ့ၡၩဝ့ၫဒၪလီၫႉ ၥံၪ့ၥံၪလဖၪ ထူၭထၪ့ထဲၩ့ ထံၫအခူၪအကၠီၩ့ လံၩအထုၪ့နီၪ ဂဲၫစီၪ့ထၪ့ထဲၩ့နီၪလီၫႉ