ဖၫ့လိၪ့ဂံၪ့ စီၩ့အခူၫအရ့ၩဒိၪအီၪဝ့ၫအဂဲး (၁)

ထံၫအခူၫနီၪ ကမၩထၪ့ ဖၫ့လိၪ့ဂံၪ့ အလးကဆီၪ့ကဆါထၪ့အဂး အရ့ၩဒိၪထုၬ ဖၫ့လိၪ့ဂံၪ့စီၩ့အခူၫနီၪအကၠီၩ့ ထိဆၧၫ့ထၬဝ့ၫဘဲၫနီၪၥိၭလါနၫ့ဂ့ၩ ဆၧနီၪဂၪ့ခိၪလံၩအထုၪ့အဖၧၩ့ ပၫထၪ့ဝ့ၫအဂဲးနီၪ ၦၡၩၥံၪမၩထၪ့ဆၧအဂဲးနီၪအကၠီၩ့ ဆၧအၪ့လဲၩထၪ့ဆၧလထံၪဎး လအီၪဘၪနီၪလီၫႉ မွဲအထံၪအလဲၪနီၪအကၠီၩ့ ထံအခၫစီၩ့နီၪ အဆၧဆၧၫ့အထီ ကအၪ့လဲၪထၪ့ဆၧအဂး ဆၧဂဲးလိၬတ့ၭလိၭဆၧအကျၩ ဘဲၫအဂူၫဂၩ ဖၫ့လိၪ့ဂံၪ့ အခူၫအစီၩ့လဖၪနီၪအၥိၭ ထုၩ့ဖျိၪ့ထၪ့ဝ့ၫအခၧၩ့ဒိၪထုၬအနိၪ့ဖၧၩ့လပၫလၧၩ့ဘၪနီၪလီၫႉ

ဆၧၥၭဆုးလၩ့ဝ့ၫနီၪ အကၧၩ့ဒိၪထုၬဘဲၫ ကၫပိၫဒဲၫ့အီၭစဲၭ မံၫၥ့ၩ့ နဲၭထရဲၭအီၭစဲၭ အိၫဇိၩ့ဒဲ ကလိၫရိၫဖလူအိၫရိၫဂီၩပိၫ (စီအက်ဖ်စီ) နီၪအၥိၭ အဝ့ၫၥံၪပၫထၪ့ဝ့ၫလၧ ဂၪ့ခိၪလံၩအထုၪ့ဖၧၩ့ အယၩဒူၩနီၪ မွဲၦၡၩၥံၪအဆၧဂဲၩဝၬထၪ့ဆၧနီၪအကၠၩ့ အၪထၪ့ဒိၪထၪ့ဝ့ၫဂီၩ့ ဆၧလဖၪနီၪ ဘဲၫ ဖၫ့လိၪ့ဂံၪ့ စီၩ့အခူၩဆၧကဲၪထၪ့အဂဲးကဒိၪထၪ့အဂဲးကဆီၪ့ထၪ့အဂး ဖ့ၪဂဲးဖ့ၪဘၭထၪ့ဆၧနီၪလီၫႉ ဆၧၥုၪ့ဆုးလၩ့ၥၭဆုးလၩ့အီၪဝ့ၫဒၪလၧ ဖၫ့လိၪ့ဂံၪ့ စီၩ့အခူၫဖၫ့ခိၪနီၪလီၫႉ