ပဂၪ့ခိၪချိၫ့ကဎံၪလၩထၪ့အဂး ဖီၪ့ဂုးထၬနဲၩ့ဎီၩ့ဆံၭ (၅)

ပဂၪ့ခိၪနဲၩ့ဎီၩ့ယီၩ ဆၧအၥၭမၧၫ့လဖၪအီၪဝ့ၫအၪမၬဒဲ ၥိၩ့ထၪ့ လၧနဲၩ့ဎီၩ့ လံၩႇ ထံၫႇ ဖံၬယၪထံၫ့အဂ့ၩ လဖၪၥံၪနီၪလီၫႉ နဲၩ့ဎီၩ့ဖ့ၪလၫ့ပၧၩ လံၩနီၪ ပကအီၪၥၭမၧၫ့အဂး ပၥွံၭထၪ့န့အၥိၭ လၧထံၫချိၬဖၧၩ့ထံၫလဖၪနီၪ ဆၧၥုၪ့ဆၧဖျါႇ ပအီၩ့ႇ ပၥိၩ့ထၪ့န့နီၪလီၫႉ လၧဆၧၥုၪ့ဆၧဖျါအနိၪ့နီၪ ဆၧယိထွ့ၫနဲၩ့ဎီၩ့မွဲဝ့ၫ ၥံၪ့ကျိၭလဖၪလိၫဝ့ၫ အၪမၬဒဲ ၥံၪ့ကျိၭနီၪ ဖီၪ့ဂုးခၧၫ့ ဖံၭအၥိၪအဆီးႇ စူၭကီၪ့ထၪ့ ကၫဘိၫႇ ဆၧဖိၪဆၧဎါလၧအီၪၡိၬကျၩလဖၪ အီၪအလးကဒုၩနီၪလီၫႉ ဆၧလၧနဲၩ့ဎီၩ့အဂ့ၩနီၪ ကိၭနံၩဒ့ၭပဆၧၥၭမၧၫ့အဂး လိၫဝ့ၫဒၪ လအီၪလမငါဘၪနီၪလီၫႉ နဲၩ့ဎီၩ့အဎံၪအလၩနီၪ န့ခိးန့တၩဝ့ၫ ပမိၡါခံးဂၩ့ဎိၩထၪ့ဒိၪထၪ့ႇ ဘၪထွ့ၫလၧပၥုၪ့ပၥၭဒိၪထၪ့ထီၫ့ဒဲ မၩဂ့ၩထၪ့ ပဆၧဆီၪ့ဆၧချဲၫ့အၪမၬနီၪလီၫႉ

လါနၫ့ဂ့ၩ ၦၡၩဒဲ ဆၧအၥၭမၧၫ့ဆၧဖိၪဆၧဎါလဖၪ အထီလၧယၫ ဂၪ့ခိၪကဎံၪလၩထၪ့ႇ ခိဆၧၩ့ချံၪ့ ဆၧအၪ့လဲၩ့ထၪ့အၥၭကလၩ့ၡၩအဂး ဆၧဖိၪဆၧဎါၥံၪလဖၪ လဘၪၥံၫဂီၩ့ၥံၪစၪဘၪ ဖံၭအယၪလဂၭဂီၩ့ဘၪႇ လၧနဲၩ့ဎီၩ့ဒဲ ကဆုးအီၪဂုးဆၧၫ့လဆိၩၡၩအဂး ကအၪ့လဲၩထၪ့ထဲၩ့အၥၭလၧ ချံၪ့မုၬၡူၪဘၩဝ့ၫဒၪ ဆၧအၪ့ဆၧအီၪ အၥၫ့အဂး ဆၧယိထွ့ၫဖီၪ့ဂုးထၬနဲၩ့ဎီၩ့ဆၧမၩလဖၪ ၦခမျၧးၥံၪလဖၪထီးလူၬ လၧပမၩဆၧၩ့န့ အနိၪ့လဖၪ ကြၨၭမၩဆၧၩ့ကၠၭဂၪ့ခိၪချိၫ့အကၠီၩ့ ယအဲၪဒိၭဘၪပဂၨၪထၪ့ဘၪနၥံၪလၧ ပချံၪ့မုၬၡူၪဘၩနဲၩ့ဎီၩ့အဎံၫလၩ ဆၧထံၫလၩ့ဒီၪ လၩ့ဖၧၩ့ယီၩနီၪလီၫႉ