ပကြၨၭၥ့ၪယၫ ဘၪထွ့ၫလၧ ဖံၬယၪထံၫ့ အဂဲးလဖၪ (၂)

ဆၧလၧဖံၭယၪထံၫ့နီၪ အလွ့အီၪအမံၩ့မံၩ့ဧၪႉ

            မွဲ ဆၧလၧဖံၬယၪထံၫ့နီၪအလွ့အီၪဝ့ၫအမံၩ့မံၩ့လီၫႉ လနၩ့နၩ့အၥၧၫ့ လနၩ့နၩ့အဝီၩ့ လနၩ့နၩ့အဘၩ့ လနၩ့နၩ့အလုၭဒဲ လနၩ့နၩ့ မ့ၪခူၪလွ့နီၪလီၫႉ

 ထံၫနီၪ လ့ၩနုၬလၩ့န့လၧ ဖံၭယၪထံၫ့ဖၧၩ့ ပၥ့ၪလဲၪႉ

            မွဲ ထံၫနီၪ လ့ၩနုၬလၩ့လၧ ဖံၬယၪထံၫ့ဖၧၩ့အခၫ လၧဖံၭယၪထံၫ့အကျၩ နုၬလၩ့ဝ့ၫလၧ ဖံၭယၪထံၫ့အဎဲၩ့လးလဖၪနီၪလီၫႉ ဎဲၩ့ထၪ့အလးလဲနီၪ ထံၫနုၬလၩ့န့အၪဝ့ၫလီၫႉ

 လံၩနီၪဧီၪ လ့ၩနုၬလၩ့န့လၧ ဖံၬယၪထံၫ့ဖၧၩ့ပၥ့ၪလဲၪႉ

            လံၩနီၪနးဆ့ လ့ၩနုၬလၩ့န့လၧ ဖံၬယၪထံၫ့အကျၩလၧ ဎဲၩ့ထးအလးလဖၪနီၪလီၫႉ လံၩနုၬလၩ့ဝ့ၫဘဲၫယီၩၥိၭနီၪ မငါဝ့ၫအၪမၬလီၫႉ ဘၪန့လဲၪစွါဘဲၫ ဆၧဖိၪဆၧဎါအီၪ ၥၭမၧၫ့လၧ ဖံၬဖၫ့လၬလဖၪ လိၫဝ့ၫဒၪ လံၩအကၠီၩ့နီၪလီၫႉ စံၭမၬချၭ- ဆၫ့ကလ့ၭၥံၪအဂး လိၫဝ့ၫဒၪလီၫႉ ဆၧလၧ ဆၫ့ကလ့ၬၥံၪနီၪ ဘၪၥွံၭထၪ့လံၩလၧ အဝ့ၫၥံၪအဖံၭခိၪလီၫႉ ကဘၪၥၪအဂး ဆၫ့ကလ့ၭၥံၪနီၪ မွဲအပိၬၥိၭ (အဆူၭ)  လပၫဘၪလီၫႉ