ပကြၨၭၥ့ၪယၫ ဘၪထွ့ၫလၧ ဖံၬယၪထံၫ့ အဂဲးလဖၪ (၁)

၁ႉ ၦၡၩၥံၪလဖၪ အၪ့လဲၩမၩဂ့ၩထၪ့ ဖံၬယၪထံၫ့ န့ဧၪႉ

            ထၧၫ့ဖုဝဲမုၪခွၫၥံၪဧ့ လၧနၥံၪအကျိၭဖၧၩ့နီၪ ဖံၭအအိၪအကျၪ လမွဲဘၪ ပထံၭလၩ့အ့ၪ ဆၧဖိၪဆၧဎါ အအ့ၪလဖၪစွါဘဲၫ လၧကျိၭဖၧၩ့  ဖံၬယၪထံၫ့အဂဲးကအၪထၪ့ဒဲ မီၪ့ဎီၩ့နမၩဆီၪ့ချဲၫ့ထၪ့ ဖံၬနီၪလီၫႉ ၦခမျၧးလဖၪ ပခုၪ့ထၪ့ခွံၬဖံၬယၪထံၫ့လဖၪမွဲဂ့ၩ ပၥိၩ့ထၪ့ ၥံၭၥံၫၥံၪ့ဎွံၪလဖၪ အၪအၪဂီဂီစွါဘဲၫ မီၪ့ဎီၩ့ ပမၩဂၭဂီၩ့ဂၭစၪ ဖံၬယၪထံၫ့လဖၪနီၪလီၫႉ

၂ႉ ဆၧလၧဖံၭယၪထံၫ့နီၪ ဖိၭလိၭထၬဝ့ၫလၧ မီၫ အဆၧကိၪ့ဘၪကိၪ့ၥ့ၪဧၪႉ

            ဆၧလၧဖံၭယၪထံၫ့နီၪ မွဲတဲၩ့လၩ့ထၬဝ့ၫလၧ မီၫ အဆၧကိၪ့ဘၪကိၪ့ၥ့ၪမွဲအ့ၬႉ မီၫဆရၫဝ့ၫဝၬထၪ့ အၥံၪ့ဎွံၪနိၪထိၬဂီၩ့ ကဲၪထၪ့ ဖံၭယၪထံၫ့မွဲအ့ၬႉ ဆၧထုၭထၪ့ဆၧစဲၭဒုၭလးလဖၪ  ထုၭထၪ့ဝ့ၫမွဲနးဆ့အ့ၬႉ လိးလဲၫ့ လိးခိလီၫ့လဖၪ ခၭလၩ့ဘျ့ၭႇ ၥံၪ့လၪလဖၪ ၥံၪ့အထဲၩ့လဖၪ ၥံၭဖိၪၥံၪလဖၪ ၥံၫဂၭဂီၩ့ဂၭစၪထၪ့နီၪ ကဲၪထၪ့ ဖံၬယၪထံၫ့နီၪလီၫႉ

၃ႉ ဆၧလၧ ဖံၭယၪထံၫ့နီၪ အမိအဖါအီၪဧၪႉ

            ဆၧလၧဖံၭယၪထံၫ့နီၪ အမိအဖါအီၪအ့ၬ လါနၫ့ ဖံၭယၪထံၪ့ကဂဲၫကဲၪထၪ့အဂး ဆၧပိၭဆၧလၫ့ အခၪ့ထံၭခၪ့ဎၧၩ့လဖၪ လိၫဝ့ၫဒၪလီၫႉ ဆၧလဖၪၥံၪနီၪ ဘဲၫဖံၬယၪထံၫ့ကကဲၪထၪ့အဂး လိၫဝ့ၫဒၪဆၧပိၭဆၧလၫ့ လဖၪ ကိၭဝ့ၫဒၪလၧ Parent materials နီၪလီၫႉ