စီၩ့ဂဲး

ဆၧလၧ စီၩ့ဂဲးနီၪ မၩဆၧၩ့ထၪ့ ၦလၧဘၪဖီၪ့ထၪ့ဖံၭထၪ့ဆၧမၩလဖၪနီၪလီၫႉ ဖ့ၪလၪ့ပၧၩ ဆၧဖၩ့လီၫႉ လကၭဒံၭဘၪ မိၡါခံးဂၩ့ဒဲ ဂံၪ့လဖၪ မၩလၧၩ့ထၪ့ဝ့ၫလီၫႉ ဘဲၫအၪ့ဎိၪထၪ့ကိၪခံၭလဖၪန့အၥိၭ မၩချံၪ့ထၬ ဆၧမံၩ့နုထံၫန့ဝ့ၫဒၪလီၫႉ မၩဂဲၫ လူၥီၫ့ဂၩ့ဖျီၪ့န့အၥိၭ လဲၪ့ၥိၪလဖၪနးဆ့ စီၩ့ဂဲးအကၠီၩ့ လ့ၩထဲၩ့န့နီၪလီၫႉ

ဆၧနီၪအကၠီၩ့ ဆၧလၧ စီၩ့ဂဲးနီၪ မွဲဆၧအၪ့လဲၩ့ထၪ့ဆၧကမံၩ့လီၫႉ မၩထၪ့ဆၧဖံၭဆၧမၩန့ဝ့ၫဒၪလီၫႉ

မုမ့ၬနီၪ မွဲဝ့ၫ စီၩ့ဂဲးအဆိၪထုၬ အခၪ့ထံၭခၪ့ဎၧၩ့ကမံၩ့နီၪလီၫႉ ဆၧလၧမုမ့ၬနီၪ အဆိၪထုၬ ဖ့ၪလၪ့အ့ၪၦခမျၧးလဖၪ        ဆၧခိနီၪလီၫႉ မုဆၫအခံၫ့နီၪ ၦခမျၧးလဖၪ လီၩ့ဎွါအၪ့ဆၧအၪ့ဆၧအီၩ့နီၪလီၫႉ ဖံၫဖူၫၥံၪလၧ အၥၫ့ခၪ့ထံၭအိၩလဖၪ မွဲအီၪအဂံၪ့အဎၪ့လအီၪဘၪတၭ လၧမုနၩခီၫ ဆၧခံၭလၩ့အခၫ လီၩ့ဎွါကၠၭ ဆၧပဒၩ့နီၪလီၫႉ

မုမ့ၬနုၬအခၫ ဆၧဂဲၫချံၪ့လၪ့ဝ့ၫဒၪဒဲ ၡၪဒဲလၩလဖၪ ဖ့ၪလၪ့ဆၧဖၩ့လၧ မုနၩခီၫနီၪလီၫႉ ဖံၫဖူၫၥံၪလၧအၥၫ့ခၪ့ထံၭအိၩ လၧမုနၩခီၫလိၪဝ့ၫဆၧအလၧၩ့အကၠီၩ့ ဘဲၫၥိၭဆၧခိအခူၪကန့အဂး စူၭကီၪ့အီၪကၠၠၭဝ့ၫကၠၧၫ့ကၠၧၫ့လီၫႉ