ဂၪ့ခိၪလုၫလါအနဲၩ့အဎီၩ့ (၂)

လၧဖျိၩ့ဖျိၩ့အိၩ မၫဆမံၭနီၪ ဎိၩဒိၪဝ့ၫအၪမၬအကၠီၩ့ ပစံၭထၪ့န့နီၪလီၫႉ ပွ့ၫခိၪပွ့ၫနၭဖၭဒိၪနီၪ မွဲဝ့ၫဒၪ မၫဆမံၭနီၪလီၫႉ ပခးပယၩ့ဆ့ မွဲဒၪလၧ ထံၫထီၩ့လန့ဘၪလီၫႉ အထီဘဲၫယီၩ ခၠ့ၩတီၫအလးနီၪ ထီကကၠၪဒၪအိၩ မၫဆမံၭအလးနီၪအကၠီၩ့ အဆဲၩ့နဲၪ့အီၪဝ့ၫလီၫႉ

ထီၩ့အထီဘဲၫယီၩကကၠၪဂၪ့ခိၪချိၫ့နီၪ မၫဆမံၭလုဘံၭထၬ ယၩဒူၩဖိၭဘိၭ (၇၀) ဒံၭမွဲအ့ၬယၩ ခီၩ့ခီၩ့အိၩ ထံၫအီၪဝ့ၫဎံၩ့ဎံၩ့ဒ့ၭနီၪ မွဲတၡါလီၫႉ

လၩ့ဆၫ့လၩ့မဲၩဝ့ၫဆၧဖိၪဆၧဎါၥံၪလဖၪဆ့ အီၪဖျီၪထၪ့ဝ့ၫဒၪလၧ ထံၫအဖၧၩ့နီၪလီၫႉ ဆၧထံၭဆၧဘီၩ့ဒဲ ဆၧဖိၪဆၧဎါ လမီၪ့ဎီၩ့ဘၪလိၬၥၭ လမံၩ့နီၪ ဆၧထံၭဆၧဘီၩ့နီၪ ၥွံၭထၪ့ ကၫဘိၫ့ဒဲၫ့အီၭစဲၭဂီၩ့ ထုၬထၪ့ထဲၩ့ အီၭစံၫဂၠ့ၫ့နီၪလီၫႉ ဆၧထံၭဆၧဘီၩ့ဒဲ ဆၧဖိၪဆၧဎါနီၪ ဖ့ၪခိးဖ့ၪတၩလိၬၥၭ လဒီၪ့ဘၪလဒီၪ့နီၪလီၫႉ