ဂၪ့ခိၪလုၫလါအနဲၩ့အဎီၩ့ (၁)

၁၉၆၉နံၪ့ လၩ ဂုၫလဲၫ့အထီ လၧအၫကၫၥၭ အပိၫလိၫ ၁၁ကၠၧၫ့ကၠၧၫ့ အဆိၫထုၬထီၩ့ဝ့ၫလၧ လၩအဖၫ့ခိၪအထီ နံၩအၪ့စထရီၩ့နီၪ ယိထၪ့ထဲၩဘၪဂၪ့ခိၪချိၫ့နီၪလီၫႉ အနီၪကကၠၪ အဝ့ၫစံၭထၪ့ဝ့ၫ အိၩ ဎံၫလၩဝ့ၫအၪမၬ ဆၧဘယီၩ ယလဒၪယံၩယါဘၪနးကၠၪလီၫႉ ဆၧထီၫမံၫထီၫမၪ အီၪဝ့ၫအၪမၬ ကၩ့ယူၩဖၭဒိၪနီၪအကၠီၩ့  စံၭထၪ့ဝ့ၫဘဲၫနီၪၥိၭလီၫႉ

ဆၧအနီၪ အဆီၩဆုၩယဲၩ့ဝ့ၫမံၫလၬ နံၫကုၭဘျဲၪ မွဲၦဂၪ့ခိၪချိၫ့နီၪလီၫႉ အဝ့ၫနီၪ လၧဆၧၥုၪ့ဎွံၫၥၭထိၬအဖၧၩ့အလွ့အယ့ၫ အလၪ ဆၧလုၭဘံၭထၬဆၧ ဂၪ့ခိၪချိၫ့နီၪ ယိထၪ့ဝ့ၫဂီၩ့ အီၪက့ၪဒိၪလၩ့ၥၭနီၪလီၫႉ

ဂၪ့ခိၪချိၫ့အဂုခိၪထုၬအဂဲးနီၪ အဲၪဒိၭဆုးလီၩ့ထၪ့ဘၪဝ့ၫလီၫႉ ဂၪ့ခိၪချိၫ့နီၪ ချံၪ့ခိလီၫ့ထၪ့ဝ့ၫလါနၫ့ လၧအဖၧၩ့ဖၧၩ့ လၩ့ထဲၩ့ဝ့ၫဂီၩ့  အထံၫဖံထၪ့ဝ့ၫအၪမၬလီၫႉ လၧအချိၫ့ ပကိၭဝ့ၫဒၪလၧ  လံၩအထုၪ့ဖၭဒိၪအီၪဝ့ၫနီၪလီၫႉ လံၩအထုၪ့ဖၭဒိၪနီၪ လၩ့ထဲၩ့ထၪ့ဝ့ၫဒံၭနီၪလီၫႉ အနီၪအခၫတၭ ဆၧဆၧၩ့ထၪ့ဝ့ၫနီၪလီၫႉ

ဆၧနီၪအကၠီၩ့ ဂၪ့ခိၪချိၫ့နီၪ ထံၫဎိၩထၪ့ဝ့ၫနီၪလီၫႉ ထံၫဎိၩထၪ့ဝ့ၫ ပ့ၫ ၂၀ ဘျဲၪနီၪလီၫႉဂၪ့ခိၪထၧၫ့ဘံၪ့ယၫ ထံၫဎိၩထၪ့ဝ့ၫတၭ  ဖံၫဆၧဂုဆ့ ကဲၪထၪ့ဝ့ၫလီၫႉ အလးလနၩ့နၩ့ မ့ၪခိၪလီၩ့ဖီးဖၭထၪ့ဝ့ၫလီၫႉ လၫ့မ့ၫ လၫ့ဖျါဆ့ ကဲၪထၪ့ဝ့ၫလီၫႉ ဂၪ့ခိၪထၧၫ့ဘံၪ့ယၫ ထံၫလုဘံၭထၪ့ဝ့ၫလီၫႉ