ဂၪ့ခိၪချိၫ့ထၪ့ထီၫ့ဆၧၫ့ထီ နဲၩ့ဎီၩ့ဆၧလၩ့အၪ့ယိၫလဖၪ (၁)

ဂၪ့ခိၪချိၫ့အဒိၪထၪ့ထီၫထၪ့အဂး မပၧၩလဲၪမၩလဲၪ

ဆၧအၪ့စၪ့ယီၩ ယအၪ့စၪ့လၩ့ဒၪယၥၭ ဆၧအၪ့စၪ့လီၫႉ

ဆၧဒိၪထၪ့ထီၫ့ထၪ့ဆၧၫ့ထီနီၪ ပထိလၧ မန့လဲၪႉ လၧပဆံၭဆံၭဒံၭအထီအိၩ တဝၫ့လဖၪ ၥိၩ့ထၪ့လဲၪ့ မုဆၫကနံၩယီၩ ကဲၪထၪ့ထဲၩ့လၧ ထီၫလၪဂၠံၫလီၫႉ

ထံၫခးလၧ အဒိၪထၪ့ထီၫ့ထၪ့လဖၪ ၦမၩဆံၬဖိၪၥံၪနီၪ လၧ double cab လဲၪ့ၥိၪၥံၪလၥၨၩႉ ဆၧလၧ double cab လဲၪ့ၥိၪၥံၪနီၪ ဂ့ၩမွဲဂ့ၩ ထိးမွဲထိးဆ့ဘီၩႉ အနီၭမွဲ ဆၧဒိၪထၪ့ထီၫ့ထၪ့ႉ   စဲၭဆၧမၩ အဆၧဒိၪထၪ့ထီၫ့ထၪ့နီၪ ဒိၪထၪ့ထီၫ့ထၪ့ဝ့ၫ ဒၪတၡါလီၫႉ

ဂၪ့ခိၪထၧၫ့ဖျိၪ့ယၫ ၥၭထုဆၧပိၭဆၧလၫ့လဖၪ လကၭဘၪ ပလၭစတ့ၭဆၧပိၭဆၧလၫ့လဖၪနးဆ့ ဂဲၫကဲၪထၪ့ဒိၪဒိၪအၪအၪလီၫႉ မၩဆံၫ့ဖျ့ၪထၪ့ ၥၭထၪ့န့ထၪ့ ၦစဲၩ့ယၫ့ကိၪ့ၥ့ၪလဖၪ ခီၫလၧ နၧၩ့ထၪ့ထၭအခံၫ့အိၩ ဂၪ့ခိၪထၧၫ့ဖျိၪ့ယၫ ထီၩ့လဖၪ ဆၧၥုၪ့ဆၧဒီၩ့အထီၫ့လဖၪ ဂဲၫအီၪထၪ့နီၪလီၫႉ

လၧဖျိၩ့ဖျိၩ့အိၩ မၩဆံၫ့ဖျ့ၪထၪ့ ထီၫ့န့ယီၫယီၫဖိၪလီၫႉ ဆၧၥိၩ့ထၪ့မွဲအၪ လါနၫ့ဂ့ၩ ထီၫ့နီၪၡၩဝ့ၫဒၪလီၫႉ

လခဲၫ အလူၫမံၫနံၫယၫ့ ဂဲၫဖုၬလၫ့ အဝ့ၫနီၪအလယၧးဎွံၪဒဲ ဆၧၥိၩ့ထၪ့အၪ လါနၫ့ ဘၪမၩဆံၫ့ဖျ့ၪထၪ့ကၪႉ ဆၧၫ့ထီးအနီၭဒံၭဒၪအိၩ အလူၫမံၫနံၫယၫ့နီၪ  အနံၪ့အၪန့ထီၫ့ဒံၭႉ မွဲဆၧဘဲၫနီၪ  ပၠ့ၫၥ့ၭအ့ၫကရ့ၭနပိၫလံၫယၫ့နီၪ အဝ့ၫ အနိၪထိၩ့ႇ ဘဲၪ့ၥုၪ့လဖၪနီၪ ၥိၩ့ထၪ့ဝ့ၫဒၪလၧ ဆၧဖိၭလိၬထၪ့ထၭလၧ အလူၫမံၫနံၫယၫ့လီၫႉ အီၪက့ၪလူၫဒိၪဎွ့ၩႉဒိၪဝ့ၫဒၪ နၭန့ထီၫ့ဒံၭစွါဘဲၫႉ ဆၧၫ့ထီဘဲၫယီၩနီၪဘိၭ လၩ့ဆၧနံလၥၨၩႉ  လခဲၫ အလူၫမံၫနံၫယၫ့နီၪ ၦၡၩမၩဆံၫ့ဖျ့ၪထၪ့ၥ့ၪထဲၩ့ယီၫယီၫဖိၪလီၫအခၫ အလူၫမံၫနံၫယၫ့လဖၪ အနံၪ့ဂဲၫဘၪထၪ့ နီၪလီၫႉ