ဆလေးရှင်းခရၧၫ့ခိၪနါဒိၪ ၥၫ့ခၫ Fr.Alfred Maravilla (SDB) ဂဲၫစိၩလၧခးပယၩ့အဂဲး

ဆလေးရှင်းခရၧၫ့ခိၪနါဒိၪ ၥၫ့ခၫ Fr.Alfred Maravilla (SDB) ဂဲၫစိၩလၧခးပယၩ့အဂဲး

နံၪ့ ၂၀၂၄နံၪ့ လၩအီဂၭ၄ၥၫ့ ထီၩ့စိၩလၧ ၇ၥၫ့အထီနီၪ  ဆလေးရှင်းခရၧၫ့ခိၪနါ ဒိၪ ၥၫ့ခၫ Fr.Alfred Maravilla (SDB) ဂဲၫစိၩလၧခးပယၩ့အဂဲး ပၥ့ၪယၫဘၪနီၪလီၫႉ

အဝ့ၫဂဲၫထီၩ့အခံၫ့ အဂၫလၩ့၆နၩရံၫအထီနီၪ ဆလေးရှင်းဖိၪၥံၪလဖၪ အီၪခိၭ အၪ့ဂၬထိးဆၧၫ့အဝ့ၫလၧ ဝံးပြင်ဦးလွင် အနီးစခန်း နာဇရက်ကၠီးဝးဖၧၩ့နီၪလီၫႉ ဆၧအၪ့ဂၬထိးဆၧၫ့အဝ့ၫ ဆၧထံၪလၩ့ဒီၪလၩ့ဖၧၩ့နီၪ ခးပယၩ့ဆလ့ၩၡ့ၩခိၪနါ ၥၫ့ခၫ Fr.Bosco Nyi Nyi အၪ့ဂၬထိးဆၧၫ့အဝ့ၫလၧ ဆၧထိးဆၧၫ့မုၬဆၧချဲၩ့လဖၪနီၪလီၫႉ ဂီၩ့ ဆလ့ၩၡ့ၩခရၧၫ့ဖိၪလဖၪ ၥၭအွံၪလၩ့ဎိၭ ဆၧၥၭအွံၪကယွ့နီၪလီၫႉ လကၭဒံၭဘၪ ဆုးထဲၩ့ ဂဲထုၪ့လံ ဆၨၩဆၬဆၧဂဲထုၪ့လံကယွ့ဒံၭနီၪလီၫႉ ဂီၩ့နီၪ Fr.Alfred Maravilla (SDB) ချဲၩ့လၩ့ထဲၩ့ ဆၧစံၭခိးစံၭတၩဆၧချဲၩ့အခၫ အဝ့ၫစံၭဝ့ၫဒၪ Find a friend, Be a friend of Jesus & Tell your friend about Jesus ပကဘၪအီၪမၧၫ့ပၥၭလၧ ဆၧချဲၩ့၃မီၪ့ ယီၩအဂဲး ဖ့ၪဂဲးဖ့ၪဘၭအခရၧၫ့ဖိၪၥံၪလဖၪနီၪလီၫႉ

ဂီၩ့နီၪ ဒိၪကၠၭခရၧၫ့ဆၧဂၩ့ဂီၩ့ အီၪပထုၬခွံၬ ဆၧအၪ့ဂၬထိးဆၧၫ့ ဆၧထံၪလၩ့ဒီၪ လၩ့နီၪဂ့ၩဂ့ၩဘၪဘၪလီၫႉ

 လၩအီဂၭ၅ၥၫ့နီၪ လ့ၩဂၭကွ့ၩစိၩလၧ ဝံးပြင်ဦးလွင် ဆလေးရှင်းကၠီးနီၪဂီၩ့ လၩအီဂၭ ၆ၥၫ့ လဂီၩ့ ၉နၩရံၫ ထီၩ့စိၩလၧ အဂၫလၩ့ ၅နၩရံၫအခံၫ့နီၪ Fr.Alfred Maravilla (SDB) ယီၩ လ့ၩခိၪလ့ၩနါ Mission Animation ဆၧအီၪကီၪ့လၩ့ဎိၭ နီၪလီၫႉ ဆၧအီၪကီၪ့လၩ့ဎိၭနီၪအဖၧၩ့ ဆလ့ၩၡ့ၩခရၧၫ့ဖိၪၥံၪလဖၪ ဂဲၫထၪ့ကၠၭဝ့ၫဒၪနီၪ လီၫႉ လၧဆၧအီၪကီၪ့အဖၧၩ့ အဝ့ၫယီၩ အၪ့နၩ့လၩ့ Mission Vocation & Mission Spirit အဂဲးလဖၪဂီၩ့ ခရၧၫ့ဖိၪၥံၪလဖၪ ဘၪကၩ့ကၩဎိၭလၩ့ကၠၭဝ့ၫနီၪလီၫႉ

လၧခဲၫ့ကနံၩနီၪ အဝ့ၫယီၩ လ့ၩဂၭကွ့ၩစိၩလၧ ဝံးမၫ့တၨၭ ဆလ့ၩၡ့ၩကၠီးဒဲ  ချမ်း သာတဝၫ ့ဆလ့ၩၡ့ၩမံၭထၭမုၪၥံၪအကၠီးဒံၭနီၪလီၫႉ  

ထံၫခးဖၧၩ့ ဆၧဒုၭဆၧခၬကဲၪထၪ့အထီ Fr.Alfred Maravilla (SDB)ယီၩ လၧကဆါယွၩအမံၩ့ အဝ့ၫဂဲၫဂၭကွ့ၩစိၩလၧ ခးပယၩ့ဆလ့ၩၡ့ၩခရၧၫ့ဖိၪၥံၪအအီၪ အကၠီၩ့ ပအီၪက့ၪဖိၫလိၪဘၪအဝ့ၫဒဲ အဝ့ၫယီၩအၥၭမၧၫ့ ထၧၫ့ဖျီၩ့ယၫ ဘဲၫကထဲၩ့ ဖီၪ့ထၪ့ဖံၭထၪ့ဘၪ ယွၩအဆၧဖံၭဆၧမၩ ဂ့ၩဂ့ၩဘၪဘၪအဂးနီၪ ပကအၪ့ကံၩ့ဘၩဆိၪဖၪ အ့ၪ အဝ့ၫအဂးလါဆံၭႉ

နးအဲၪဖီၫဘွၩ