ဆၧဒၪအအၧၩ့အီၪၦလဖၪ ဒဲ ဆၧဒၪအဂ့ၩအီၪၦလဖၪ လမီၪ့ဎီၩ့ဘၪလိၬၥၭလဖၪ

၁ႉ ဆၧဒၪအအၧၩ့အီၪၦလဖၪနီၪ ၥၭမဲၪဆၧအၪ့လဲၩထၪ့လဖၪနီၪလီၫႉ ဆၧဒၪအဂ့ၩအီၪၦလဖၪနီၪ ကမိလီၩ့ဎွါထၪ့ ဆၧဒၪခီၩ့ခၫ့ဖျီၪ့အၥၫ့လဖၪအကၠီၩ့ လီၩ့မၩယိ ဆၧအၪ့လဲၩထၪ့လဖၪနီၪလီၫႉ ၂ႉ ဆၧဒၪအအၧၩ့အီၪၦလဖၪနီၪ ယကဘၪကဲၪဘဲၫယီၩအဂး ယဆၧဘိၪ့ဂဲၫပၫထဲးဘိၭ ယမၩ ကၥ့ၪနးမံၩ့ဧၪ စီၪဝ့ၫဘဲၫနီၪအခံၫ့ ၦအဒၪဆၧအဂ့ၩလဖၪနီၪ ယထဲၩ့အီၪဘဲၫယီၩနီၪန့အ့ၬ ယက ဘၪ အၪ့လဲၩထၪ့ယၥၭမၬ ကအီၪဘၪမၬဆံၭ စီၪဝ့ၫဘဲၫနီၪဂီၩ့ စၭထၪ့ကျ့ၭစၨၭဝ့ၫလီၫႉ ၃ႉ ၦဒၪဆၧအအၧၩ့လဖၪနီၪ ကဘၪအၪ့အူၭၦၡၩအဂး အၥၭဎၧၫ့ဝ့ၫဒၪနီၪလီၫႉ ၦဒၪဆၧအဂ့ၩ လဖၪနီၪ လီၩ့အၪ့အူၭအၪ့ဎၧၩ့ၦၡၩနီၪလီၫႉ ၄ႉ ၦဒၪဆၧအအၧၩ့လဖၪနီၪ စီၪလၩ့အၥၭ အဝ့ၫနီၪအရ့ၩဒိၪထုၬဂီၩ့ ၦဂူၫဂၩနီၪဘိၭ ထံၭလၩ့ဝ့ၫလၧ အဆၧအၪ့ဎၬဖၧၩ့အ့ၬႉ ၦဒၪဆၧအဂ့ၩလဖၪနီၪ အၪ့ဎူၫအၪ့ဎၬအ့ၪၦဂူၫဂၩအဂဲးအဖးလဖၪဂီၩ့ ကမၩဆၧၩ့ဝ့ၫအဂးဆ့ အီၪတဲၩ့ဝဲၩဆိၫထၬအၥၭနီၪလီၫႉ ၅ႉ ၦဒၪဆၧအအၧၩ့လဖၪနီၪ အဝ့ၫၥံၪအဆၧဘၪမၪအဂး လီၩ့ထံၭလၫ့ဆၧမၪလၧၦဂူၫဂၩအဖၫ့ ခိၪဂီၩ့ မၩထၬဆၧဘၪမၪလါနၫ့ လအၪ့ယၫထဲၩ့ဘၪၦၡၩလီၫႉ ၦဒၪဆၧအဂ့ၩလဖၪနီၪ လၧအဝ့ၫၥံၪ အဆၧဘၪမၪအဖၫ့ခိၪ အၪ့န့ထၪ့မူၩဒၩဘၧၫ့ အလၧၫ့အဎွ့ၩနီၪလီၫႉ မွဲလၧအဝ့ၫၥံၪအကၠီၩ့ အ့ၪမွဲ ၦၡၩဘၪဒၪဆၧကၪစွါဘဲၫ အၪ့ယၫထဲၩ့ၦၡၩနီၪလီၫႉ ၆ႉ ၦအဒၪဆၧအအၧၩ့လဖၪနီၪ အဝ့ၫအခံးအဂးကန့အဂး ယဲလၩ့ဘၧၩ့ၦဂူၫဂၩနီၪလီၫႉ ၦအဒၪ ဆၧအဂ့ၩလဖၪနီၪ ဘဲၫလဘၪထံၭဘၪနဲၪ့ဘၪ ၦဂူၫဂၩအဂး ကျ့ၭစၨၭဝ့ၫဒၪလီၫႉ ၇ႉ ၦအဒၪဆၧအအၧၩ့လဖၪနီၪ ခိၭယိလါၦဂူၫဂၩကစၪအဂးနီၪလီၫႉ ၦအဒၪဆၧအဂ့ၩလဖၪနီၪ မုလါၦဂူၫဂၩလ့ၩထၪ့လ့ၩထီၫနီၪလီၫႉ ၈ႉ ၦအဒၪဆၧအအၧၩ့လဖၪနီၪ စီၪလၩ့ကၠၭအၥၭၥ့ၪယၫဆၧကိၭမံၩ့ မၩဆၧၥ့ၪကိၭမံၩ့နီၪလီၫႉ ၦအဒၪဆၧအဂ့ၩလဖၪနီၪ ကထိးၥီၪ့လိၪအၥၭဆၧအၥၫ့ကမံၩ့မံၩ့အဂး အၪ့ဎၬထၪ့ဝ့ၫကိၭဆၧၫ့ ထီနီၪလီၫႉ