ဆၧကၪဆၧဂဲၩ

မုကနံၩယီၩ့ ယမိအဲၪဒိၭ လီၩၥ့ၪယၪဘၪနၥံၪနီၪ  မွဲဝ့ၫဒၪလၧ  အ့ၪပအီၪဎုၬလိၬၥၭဂီၩ့စွါဘဲၫ  ဆၧအဂံၩမွဲဂ့ၩ ဆၧအအၧၩ့မွဲဂ့ၩ  ပထုၬဆၧၫ့ကဘၪန့ဝ့ၫနီၪလီၫႉ  ဘၪနီၪလဲၪစွါဘဲၫ  လၧပနဲၩထံၭ ပဒၪဘၪလနၧၩ့နၧၩ့ အီၪဎုၬလိၬၥၭဂီၩ့ အ့ၪအဖိၪအီၪကကၠၪ  ဒၪဘၪဆၧကၪဆၧဂဲၩစွါဘဲၫ ဂံၪ့ဒီၪ့ဖၧၩ့ အမၫလမွဲဘၪ အဝၩနီၪ စၭထၪ့လီၩ့ဎွါ မၩကဲၪထၪ့ဆၧဒဲၩဘၭဂီၩ့ အဝ့ၫၥ့ၪထၧၫ့မၫဝၩနံၩဂၩနီၪ ကဘၪထံၭလိၬၥၭနီၪလီၫႉ အ့ၪပထၧၫ့မၫဝၩနံၩဂၩ ပဘၪထံၭလိၬၥၭအခံၫ့ ပဖိၪၥ့ၪဂဲၪဒၪဘၪစွါဘဲၫ  အဝ့ၫၥ့ၪအၥၭခံဖၧၩ့နီၪ ၥၭဆၧဆၫ ကအီၪထးဝ့ၫနီၪလီၫႉ လကၭဒံၭဘၪ ထၧၫ့မၫဝၩနံၪဂၩ အဂံၪ့ဒီၪ့နီၪ လၩ့ဖၭၥ့ၪဝ့ၫနီၪလီၫႉ မွဲဆၧနီၪအကၠီၩ့ ထၧၫ့မၫဝၩနံၩဂၩအကျၩအ့ၪဒၪဘၪ ဆၧကၪဆၧဂဲၩစွါဘဲၫ  လဂၩဒဲလဂၩနီၪ လလီၩ့ဎွါလိၬၥၭဘၪဆၧမၪဒဲ ကဘၪမၩနၧၩ့ခၫ့ဖျီၫ့ ဆၧကၪဆၧဂဲၩလဖၪနီၪလီၫႉ အနီၪစွါဘဲၫ ဂံၪ့ဒီၪ့ကဂုးခၧၫ့ဒဲ ဆၧမုဆၧလၩကအီၪဝ့ၫလီၫႉ