ၦမုၪလဂၩနီၪ အဆၧမၩဒၪအဝ့ၫ ကြၨၭအီၪဝ့ၫဒၪနးမံၩ့လီၫႉ

ၦမုၪလဂၩနီၪ အဆၧမၩဒၪအဝ့ၫ ကြၨၭအီၪဝ့ၫဒၪကမံၩ့လီၫႉဆၧထုၬဖျီၪ့ထၪ့ထၬလၧခီၫ့နီၪ တခၩကကဲၪနးမံၩ့ နဂံၪ့ဒီၪ့နီၪ ကဲၪဒၪကဲၪမုဒၪဝ့ၫ နအီၪနီၪ ဆၧမၩကြၨၭအီၪကမံၩ့ဒဲ နထီးဒၪနၧၩ ကြၨၭအီၪဝ့ၫလီၫႉ နထီးလလိၪဘၪမွဲဂ့ၩႇ နန့ထၬဘၪၦၥထံၫကဂၩမွဲဂ့ၩႇ ၦၡၩအီၪက့ၪထၬနၧၩ ခိၭနးဎွၩမုၪအၥိၭမွဲဂ့ၩႇဆၧဖံၭဆၧမၩကမံၩ့နီၪ ဖ့ၪလၫ့အ့ၪနၧၩထီးန့ လကၭဘၪ ဖ့ၪလၫ့အ့ၪနၧၩ ၥၭလၧအဒိၭနဲၩ့လၩ့ၥၭ ၥၭလၧလမိလီၩ့ဒိၭနဲၩ့ဘၪအၥၭလၧၦဂူၫဂၩအဖၫ့ခိၪ န့နီၪလီၫႉ

နထီးဂဲၫနုၬလၩ့နီၪ ၡၩမွဲဂ့ၩ အၪမွဲဂ့ၩ အၡၩထုၬနဂးနီၪ နထံၩၥိၭကဂဲၫအီၪထၪ့လီၫႉ ကိၭနံၩဒ့ၭ နဆၧမၩကအၪဒၪလၧ နဖိၪနဝၩအဂးစွါဘဲၫ ယံၭထၪ့ကဆံၭ နၧၩဒၪနၧၩ နကလၩ့မါ ထၪ့ကဆံၭနီၪလီၫႉ အ့ၪယံၭထၪ့ယူၭစွါဘဲၫ နကဖျါလၧ နဲၩ့ဎီၩ့လးဝၩ့ဖၧၩ့ဒဲ ဂၪ့ခိၪချိၫ့ဖၧၩ့နီၪလီၫႉ

ဆၧၥၭမၧၫ့လၧ အဒိၭနဲၩ့ၥၭဖီၩ့ဖျ့ၭဝ့ၫဒၪနီၪမၬ မွဲလၧၦမုၪအခိၪနုၬဂ့ၩလဖၪအဆၧရွံထၪ့ လီၫႉပမ့ၬဎံၪယၪဘွၩအလးနီၪ ပအီၪမၧၫ့ပၥၭန့ ဆၧၥၭမၧၫ့ဂ့ၩဂ့ၩဘွၩဘွၩမၬ အယီၩကမွဲလၧ ပဂဲးစီၩ့တၡါလီၫႉ ၦမုၪလၧ အဒိၭနဲၩ့လၩ့ဒၪအၥၭန့ဝ့ၫလဂၩနီၪ ဂၪ့ခိၪချိၫ့အဖၧၩ့ ၦမုၪလၧအဎံၪ လၩထုၬနီၪလီၫႉ