အီၪစၭထၪ့လၧဝၩ့ဖျိၪ့နီၪလါဆံၭ

ဆရၫကဂၩလီၩယံၩယါဝ့ၫ ၦၡၩလၧၥ့ၪယၫဆၧကဆံၭလီၫဂီၩ့ စီၪလၩ့အၥၭၥ့ၪယၫဆၧထီးအလူၬ ထီးလခီၫၥ့ၪယၫ ဆၧနးမံၩ့အ့ၬ ၦၡၩဘဲၫယီၩၥိၭလဖၪနီၪ လၧဂၪ့ခိၪချိၫ့ဖၧၩ့ ပဘၪၥီၪ့အကၪထုၬဒ့ၭစွါဘဲၫႉ မွဲလီၫႉ ဘၪကကၠၪကၠၪ ပဝ့ၫၥံၪယီၩ ပၥ့ၪယၫထၬဆၧ န့ၫၥၪ ဒံၪ့ကဖျိၪ့လီၫလါနၫ့ ပစီၪလၩ့ဘၪပၥၭ ပၥ့ၪယၫဆၧထီးအလူၬဂီၩ့ ပလီၩ့လီၩအ့ၪၦၡၩႇ ပလီၩဖ့ၪလၫ့အ့ၪ ၦၡၩဆၧကိၪ့ဆၧတဲၩ့ႇ ပလီၩၥီၪ့ၦၡၩႇ အ့ၪၦၡၩၥီၪ့ၥၫ့ထဲၩ့ပၧၩအခၫ ပမိခိၭနၪလၧၩ့ၦၡၩလၧၩ့အ့ၬႉ ပကဲၪယံၩယါဝ့ၫဘဲၫနီၪလီၫႉ

အ့ၪကဲၪထၪ့ဘဲၫနီၪအခၫ ဆၧလၧပကြၨၭန့ဘၪလဖၪ ပလန့လၧၩ့ဘၪဂီၩ့ ပနၫ့ဆါဒၪပၧၩ ကဲၪထၪ့ဘဲၫ ပမၩဂၭဂီၩ့ခွံၬ အခွးအယၬလဖၪနီၪလီၫႉ ဆၧနီၪအကၠီၩ့ အ့ၪမွဲပထိးၥီၪ့လိၪပၥၭ ဆၧကမံၩ့မံၩ့စွါဘဲၫ ပကဘၪအီၪဝ့ၫဒၪခိၭၥိၭ ယၧၩယီၩ ယၥ့ၪယၫဆၧနးမံၩ့ဒံၭအ့ၬ ဘဲၫနီၪဂီၩ့ ပကဘၪအီၪစၭထၪ့မၩလိၪဝ့ၫဒၪလၧဝၩ့ဖျိၪ့နီၪလီၫႉ အ့ၪမွဲပကအီၪစၭထၪ့ဘဲၫယီၩၥိၭစွါဘဲၫ ကယဲပမၩလိၪဝ့ၫဒၪလဖၪနီၪ မွဲပထီးနဲၪ့ထၬ ကန့ဝ့ၫဒၪဂ့ၩဂ့ၩဘၪဘၪနီၪလီၫႉ