ဝၩၥၭဘီၩ့လဖၪကအီၪလၧပအီၪကကဲၩ့ယီၩအဂးအဂဲး

ၥၭထၪ့အဝၩနၬမၭဂံၪ့ဒီၪ့ဆါပမူၪလဂၩနီၪလ့ၩလၧဆရၫလၧဖ့ၪကိၪ့ဂံၪ့ဒီၪ့အဂဲးလဂၩအီၪဂီၩ့စၭထၪ့လီၩ့ဝ့ၫယမ့ၬလဲၩ့ယဝၩနၬမၭလီၫႉဂီၩ့ဆုးထဲၩ့လီၩ့ဝ့ၫနဆါနီၪမၩထၪ့ယ

ဆၧဒဲၭဘၭအၪမၬလီၫယမိလၩ့ဖၭလၧအနၧဆါလီၫနကဖ့ၪယၩဆၧကိၪ့ပၥံၪလဲၫႉ ၦဖ့ၪကိၪ့ဆရၫလဂၩစံၭဝ့ၫဒၪစၭထၪ့လၧမုကနံၩယီၩ့နဆါမၩဆၧအဂ့ၩလဖၪနီၪနဘၪၥၭအကၠီၩ့နကဘၪနဲၪအ့ၪလီၫႉနဆါကမိမၩဆၧနီၪလီၩ့ဘၪအၥၭလီၫႉနမၩဘဲၫနီၪဂီၩ့နဆၭအဂးနၩဝ့ၫအလိၪအီၪနဆါဝ့ၫမိအီၪယဲၩ့လၧနၩအ့ၬနၥ့ၪယၫမၬနမိၬလၩ့ဖၭလၧနဆါနီၪစၭထၪ့မၩဘၪအကၠီၩ့ဆၧဖ့ၪကိၪ့ဆရၫလီၩ့ဝ့ၫလီၫႉပမူၪလဂၩခိၭနၪၦဖ့ၪကိၪ့ဆရၫဆၧချဲၩ့ဂီၩ့ထဲၩ့မၩဝ့ၫနီၪလီၫႉလၧခဲၪ့လၩ၆ဘံၪ့အခၪဆရၫလၧဖ့ၪ့ကိၪ့ဂံၪ့ဒီၪ့အဂဲးဒဲပမူနီၪဒၪခီၩ့လိၬၥၭလၧဖၧၩ့ၥၭလီၫႉဂီၩ့ဆရၫအၪ့စၪ့ဝ့ၫနကၡၩ့ယၬအီၪဎုၬလံၬစၧၩ့ဆံၭလဲၪႉနဂီၩ့ဂၪနဖ့ၪပၧၩဆၧကိၪနီၪပထဲၩ့မၩအကၠီၩ့ပအီၪဘၪမုၬမုၬလၩလၩယူၭဘၪၥၭမဲၪပကလၩ့ဖၭအကၠီၩ့လီၩ့ထဲၩ့ဆရၫနီၪလီၫႉမွဲယူၭဂံၪ့ဒီၪ့ကဖျိၪ့နီၪလဂၩအလိၪနီၪလဂၩလီၩ့ဘၪအၥၭလဂၩဘၪလဂၩကွဲၪဖျါလိၬၥၭအဆၧဒဲၭဘၭစွါဘဲၫဂံၪ့ဒီၪ့ကဖျိၪ့နီၪကန့ဘၪဆၧမုၬဆၧလၩဒဲဆၧအနၧၩနီၪလီၫႉ