ဝၩလဂၩအမူၩဒၩ

ဝၩလဂၩအမူၩဒၩနီၪ မွဲဒၪလၧ ပထၪ့ၡါထၬ ပမၫနီၪ ပကဘၪအဲၪနီၪလီၫႉ ၦၡၩအမူ အီၪအၪမၬအဖၧၩ့ ပရွ့န့ထၬ ပမၫယီၩ့နီၪပကဘၪ ယၫ့ၥၭ အဲၪကွံၩလီၫႉ ပထၪ့ၡါ အထိးဒၪအိၩ ပအုၩ့လၩ့အီၪလၩ့ၥၭ လဖၪနီၪ ပကဘၪ ပၧၩ့ထၬဝ့ၫထၧၫ့ ပၥံၫနီၪလီၫႉ ကနၧၩ့နၧၩ့ ဝၩလဖၪနီၪ မၩနၧၩ့မၩဆၪ အမၫအၪမၬနီၪလီၫႉ ပမၫနီၪ ပကယၫ့ၥၭဂီၩ့ ပကထုးဆၧၫ့ ဂ့ၩဂ့ၩအဂးနီၪ ယိလါဝ့ၫလၧ အဝၩအီၪနီၪလီၫႉ ၦၡၩလၧအမံၩ့ဎိၩၥၪဖျီၪ ကွ့ၩလံၬ ဆရၪ Thomas ကားလိုင်း နီၪ အမၫအဖၫ့ခိၪ ဖ့ၪလၧဝ့ၫ ဆၧအဲၪဆၧကွ့ၩအ့ၬ ဖ့ၪလၧဝ့ၫ အခံၪ့အ့ၬ ဆၧနီၪအကၠီၩ့ အမၫၥံၫဒၪကကၠၪ န့ထးဘၪ ဆၧနီၪ့ယါနီၪလီၫႉ အ့ၪမွဲဒၪထဲၩ့အမၫန့ဒံၭစွါဘဲၪ ကမိဒၪထဲၩ့ အမၫဂီၩ့ ကမိလီၩ့ထဲၩ့ အမၫ အဲၪအမၫ အကၠီၩ့ ကမိယိထဲၩ့အမၫအကၠီၩ့နီၪလီၫႉ လါနၧၫ့ဂ့ၩ့ အမၫနီၪ လအီၪလၩ့ဘၪအကၠီၩ့ ဒၪထဲၩ့ဝ့ၫလန့လၩ့ဘၪနီၪလီၫႉ ဆၧနီၪအကၠီၩ့ ပထၧၫ့မၫဝၩ ၥံၪယီၩ့ ပမၧၫ့ဒံၭအထီးယီၩ့နီၪ ကဘၪအဲၪကွံၩ့လိၬၥၭဂီၩ့ ကဘၪယိထဲၩ့ခွါထဲၩ့လိၬၥၭနီၪလီၫႉ ပမၫနီၪ အၥၭလၩ့အခံၪ့ အီၪလမုၬဘၪအခံၪ့ ကမိအီၪလၧ အဝၩၥံၪ အဂူၪလၬ ဂီၩ့ ကမိမၩန့ဆၧယိထဲၩ့ခွါထဲၩ့လၧ အဝၩအီၪ နီၪလီၫႉ ဆၧနီၪအကၠီၩ့ ပမၫ မၧၫ့ဒံၭအထီး ပကဖ့ၪလၧ ဆၧအဲၪဆၧကွံၩ့ဂီၩ့ ပကဘၪယိထဲၩ့ခွါထဲၩ့နီၪလီၫႉ ပမၫၥံၫဒၪပၩကကၠၪ ဘဲၫၥိၭဆၧနီၪ့ယါ လအီၪထးဘၪအဂး ထၧၫ့မၫဝၩ ၥံၪအဲၪကွံၩ့လိၬၥၭလီၫႉ