လၧအမ့ၬယၫအိၩ ထီလၧယၫလၧအဖဲးထၪ့အီၪဝ့ၫလီၫ

ပကဲၪၦၡၩကိၭဂၩဒ့ၭနီၪ မွဲလၧဆၧကမံၩ့မံၩ့အကၠီၩ့ မွဲလၧဆၧအစၪလဖၪအကၠီၩ့ မွဲပၥုၪ့ပၥၭအဂဲးလၩ့ဆါၥ့ၪဝ့ၫဒၪနီၪ လီၫႉ ၦၡၩကနၩ့နၩ့အၥုၪ့ၥၭလၩ့ဆါဂီၩ့ မၩၥံၫလၩ့အၥၭဘဲၫနီၪအၥိၭ အီၪဝ့ၫဆ့နီၪ ပဒၪယံၩယါပနါဂၧၫ့ယံၩယါနီၪလီၫႉ ကနံၩယီၩ ယအဲၪဒိၭလီၩၥ့ၪယၫအ့ၪဘၪနၥံၪနီၪ အထီဘဲၫယီၩနီၪ ထီးပဒၪဘၪဆၧအအၧၩ့ ဆၧအစၪနးမံၩ့နီၪ ၥၭအုၭဘၪနၭနၭလဂ့ၩႉ ဘၪန့လဲၪနီၪဘိၭ လၧအမ့ၬယၫအိၩ ပဂးထီလၧယၫလၧအဖဲးထၪ့နီၪ အီၪခိၭထၬပၧၩအဂဲး ပမိလီၩၥ့ၪယၫအ့ၪဘၪနၥံၪနီၪလီၫႉ ပအီၪက့ၪထၬ ပဖီၫထုၪ့ယီၩ ပကမၩထၪ့ဖျီၪအဂး ပအီၪယီၩဂဲးစီၩ့အီၪဝ့ၫဒၪအဂဲး ဆူနဲၩထၬလါဆံၭႉ နဖီၫထုၪ့ကဖျီၫ့ထၪ့ အဂးနီၪ ဆုးထဲၩ့ကျ့ၭစၨၭလါဆံၭႉ ဂီၩ့နီၪအီၪက့ၪထၬနၥၭလၧအဂ့ၩကကဲၩ့ခီၫဂီၩ့ ဆီၫ့မီၪ့စိၩထၬနၥၭနီၪ လၧအမ့ၬယၫအိၩ ယဂးထီလၧယၫလၧအဖဲးထၪ့နီၪ အီၪခိၭထၬယၧၩ အဂဲးနီၪလါဆံၭႉ ၦၡၩလၧအကျ့ၭစၨၭဝ့ၫဒၪလဖၪအဂး ထီလၧယၫအဂ့ၩဒိၪ ထုၬအီၪခိၭထၬနီၪ ယဆူနဲၩဝ့ၫဒၪတၡါၡါနီၪလီၫႉ