လံၬအလူဒိၪဎွ့ၩဒိၪလဖၪ

၁ႉ ဆၧၥၭမၧၫ့ကမံၩ့နီၪ မွဲဘဲၫဆၧဒုၭၥုၭၥိၭအကၠီၩ့ အ့ၪပလၩ့ထံၩဖါစွါဘဲၫ ပကဘၪကျ့ၭစၨၭဂဲထုၪ့လၫ့ထဲၩ့လီၫႉ

၂ႉ ၦၡၩကိၭဂၩဒ့ၭ ကဘၪမၩပျၩ့ခွံၬအဆၧကၪဆၧဂဲၩလဖၪအီၪဝ့ၫဒၪကိၭဂၩနီၪလီၫႉ လါနၫ့ ကမၩပျၩ့ခွံၬဝ့ၫဘဲၫၥ့ၪလဲၪနီၪ မွဲအကၧၩ့ဒိၪဝ့ၫဒၪလီၫႉ

၃ႉ ဘၪကကၠၪကၠၪ ပလမိကဲၪထၪ့ဘၪလဖၪ အ့ၪဂဲၫကဲၪထၪ့စွါဘဲၫ ယိဆၧၫ့ခွံၬအဂ့ၩထုၬဆံၭႉ

၄ႉ ပကမိမၩဝ့ၫဒၪဒဲ ပကြၨၭမၩဝ့ၫဒၪအကျၩ ပဖ့ၪဆိၫမၩအကြၨၭမၩနီၪ မွဲအဂ့ၩထုၬလီၫႉ

၅ႉ အ့ၪမွဲပမၩဘၪမၪဆၧကမံၩ့မံၩ့စွါဘဲၫ ပကဘၪအုၩ့လၩ့ပၥၭထၧၫ့အဘၧၫ့နီၪလီၫႉ

၆ႉ ပဆၧၥၭမၧၫ့အဂး အ့ၪမွဲပဘၪခွံၬလၩ့ ၥၭဆၧခွံၬလၩ့အခၫ အၪ့ယိၫခဲၫ့ကံၭလၧ ကဘၪမၪနီၪလဂ့ၩႉ ဆၧဘၪၥူၭဘၪ မၪလဖၪနီၪ မွဲလၧဆရၫလဖၪလီၫႉ

၇ႉ တခၩနဘၪမၩ ဆၧမၩနးမံၩ့ အီၪက့ၪဒိၪနဆၧမၩနီၪ မွဲအ့ၪၥ့ၪလါဆံၭႉ

၈ႉ ပကဘၪလီၩ့ဎွါဆၧကိၪ့ဘၪကိၪ့ၥ့ၪအခံၫ့နီၪလီၩ့ဎွါဂီၩ့ ပကဘၪလီၩ့ဎွါပဆၧအဲၪတၩ့အခံၫ့နီၪ လီၩ့ဎွါလါဆံၭႉ ပလီၩ့ ဎွါဆၧကိၪ့ဘၪကိၪ့ၥ့ၪအခၫနီၪ ထီးလီၩ့ဎွါဘၪဆၧအဲၪလဂ့ၩႉ ဆၧအဲၪဆၧကွံၩကမံၩ့လီၫနီၪ မွဲပၥုၪ့ထၪ့ဆၧၥၭမၧၫ့က ဖျိၪ့လန့ဘၪလီၫႉ

၉ႉ ဆၧကိၪ့ဘၪကိၪ့ၥ့ၪကန့အဂးနီၪ ထီးမ့ၬမဲဘၪလဂ့ၩႉ

၁၀ႉ လၧနနဲၩ့နဎီၩ့နီၪအ့ၪမွဲ နန့ဘၪဆၧအနၧၩ့စွါဘဲၫ မွဲလထိးဆၧၫ့ဘၪနၧၩဒဲ အ့ၪမွဲနစၪခွံၬအခံၫ့နီၪ မွဲကဝၩ့ဆ့ၭကၠၭ နၧၩလၧအစူၪနိၩ့နီၪလီၫႉ