လကြၨၭလတီၩဘၪလီၫ

ထၧၫ့ဖုဝဲၥံၪဧ့ လၧပဆၧၥၭမၧၫ့မုကိၭနံၩဒ့ၭအဖၧၩ့ မွဲပကဒၪဘၪၦၡၩအၪမံၩ့အၪမၠိၩ့နီၪလီၫႉ ပကဒၪဘၪ ၦၡၩအၥုၪ့ဂ့ၩၥၭဘွၩအီၪလဖၪႇ ၦၡၩအယၪ့ၥၭဆၧၥ့ၪလဖၪႇ ၦၡၩအစီၪဒီၩ့ဘၪဎီၩ့ဆၧၥ့ၪလဖၪႇ ၦၡၩလၧအၥုၪ့အၥၭ လၩ့အုၪလၩ့အီၩ့လဖၪႇ ၦၡၩလၧအမ့ၬလဲၩ့ၥၭဂဲၫ့ဆၧလဖၪႇ ဒဲ ၦၡၩလၧကမိမၩနၧၩ့မၩစၪဆၧလဖၪနီၪလီၫႉ

ၦၡၩကနၩ့နၩ့ လၧအဝ့ၫၥံၪအဆၧကိၪ့ဘၪကိၪ့ၥ့ၪအဖၫ့ခိၪ အၪ့န့အခွးအယၬဂီၩ့ အ့ၪၦၡၩအဆၧကိၪ့ဘၪ ကိၪ့ၥ့ၪလအီၪဘၪခိၭအဝ့ၫၥံၪစွါဘဲၫ စီၪဆံၭဝ့ၫဒၪႇ ၦၡၩကနၩ့နၩ့ဒီၭ အီၩၥံၭထံၫဂၬထံၫ အ့ၪမၧၩ့လၫ့စွါဘဲၫ နၪၦၡၩၥ့ၪ လၧၩ့အ့ၬ ဘၪထံၭဘၪနဲၪ့လိၬၥၭ အစူၪပၫခၪ့ပၫလၧၦၡၩအဖၫ့ခိၪႇ ၦၡၩကနၩ့နၩ့ဒီၭ ကဲၪဒိၪကဲၪမုအကၠီၩ့ ၦၡၪ့ဖိၪယၬ ဖိၪၥံၪစွါဘဲၫ စီၪဝ့ၫလၧၦၡၩအ့ၬႉ ၦၡၩဘဲၫယီၩၥိၭလဖၪ လၧပနဲၩ့ပဎီၩ့ဖၧၩ့ မွဲပကဒၪဘၪ ကဘျၩ့လမွဲဘၪကဘျၩ့နီၪ လီၫႉ

ဘၪထွ့ၫလၧၦၡၩဘဲၫယီၩၥိၭလဖၪအဂး ၦကွ့ၭလံၬဆရၫ ဆရၫအီၫ့ၥ့ၩစံၭဝ့ၫဒၪနီၪ ၦၡၩကဂၩနီၪ အီၩဂၬထံၫ ကခွၭဂီၩ့ မၧၩ့လၫ့ လီၩ့ချဲၩ့ကြၩ့ၦၡၩစွါဘဲၫ ၦၡၩအနီၪ မွဲၦၡၩလၧ လကြၨၭဘၪလၧဂၬထံၫလီၫႉ

ၦၡၩကဂၩနီၪ အထီးဂဲၫအီၪထၪ့ကကုၬအထီ အ့ၪမွဲအီၪက့ၪထၪ့ထီၫအၥၭယူၭစွါဘဲၫ ၦၡၩနီၪ မွဲၦၡၩလၧ လကြၨၭဘၪလၧ ထီးကကုၬနီၪလီၫႉ

ဘဲၫနီၪအၥိၭ ၦၡၩကဂၩနီၪ ၥ့ၪထၪ့ဘၪထၪ့ ဆၧကိၪ့ဘၪကိၪ့ၥ့ၪကမံၩ့တၭ အ့ၪမွဲမၩဎိၩမၩဒိၪထၪ့အၥၭယူၭ စွါဘဲၫ ၦၡၩအနီၪ မွဲၦလၧလကြၨၭဘၪလၧ ဆၧကိၪ့ဘၪကိၪ့ၥ့ၪ နးၥံၭဖိၪနီၪလီၫႉ

ကဲမွဲယူၭ ထၧၫ့ဖုဝဲၥံၪဧ့ ပဆၧၥၭမၧၫ့ယီၩ ပကဘၪကျ့ၭစၨၭအီၪ ဘဲၫပကကြၨၭလၧ ပန့ထၬဘၪဆၧလဖၪ အဂဲး မုကနံၩယီၩ ယအဲၪဒိၭရၩလၩ့စိၩအ့ၪနၥံၪ လၧဆၧအဂဲးဖိၪယီၩနီၪလီၫႉ

ဆရၫအီၫ့ၥ့ၩ