ရွံန့ဘၪပဂံၪ့ဒီၪ့ဖိၪလၧ ၦလၧအဲၪကဆါယ့ၫၡူလဖၪနီၪလီၫ

အ့ၪပန့ဘၪပဂံၪ့ဒီၪ့ဖိၪ ဝၩလဂၩနီၪ အ့ၪမွဲအီၪလၧ ကဆါယ့ၫၡူကၠၧၫ့ကၠၧၫ့ အီၪလၧဆၧဘၩဆိၪဖၪဖၧၩ့စွါဘဲၫ အဂ့ၩထုၬနီၪလီၫႉ ဘၪနီၪလဲၫစွါဘဲၫ အဝ့ၫၥံၪနီၪ အ့ၪနမၩဘၪ ဆၧဘၪမၪစွါဘဲၫ ကကွဲၪဖျါခွံၬနဆၧမၪနီၪလီၫႉ နၥၭၡၪ့အခၫကဖ့ၪဂဲးဖ့ၪဘၭနၧၩနီၪလီၫႉ နလၩ့ထံၩဖါအခၫ ကကၠူၭဂဲထုၪ့နၧၩနီၪလီၫႉ နဘၪဂၪ့အခံၫ့ကကံၭဒူၭအ့ၪနၧၩ နမ့ၬထံၫနီၪလီၫႉ နမၩလဘၪဘၪဆၧလဖၪနီၪ ကၥီၪ့လိၪဖ့ၪနဲၪအ့ၪနၧၩလီၫႉ ဘဲၫအဲၪအဝ့ၫအမိအဖါအၥိၭ ကအဲၪနမိနဖါနီၪလီၫႉ အ့ၪပရွံထၪ့ ပမၫပဝၩအခၫ ပကဘၪရွံန့ဝ့ၫလၧ ၦလၧဆၧဆူၩနဲၩအီၪလၧ ကဆါယ့ၫၡူအဖၫ့ခိၪ ၦၡၩလဖၪနီၪလီၫႉ အ့ၪမွဲဘဲၪနီၪစွါဘဲၫ ဂံၪ့ဒီၪ့ကဖျိၪ့နီၪ အခိၫ့ပယိၫကအီၪအၪမၬနီၪလီၫႉ လကၭဒံၭဘၪ အဝ့ၫၥံၪအဂံၪ့ဒီၪ့ဖၧၩ့ ပကနါဂၧၫ့ဘၪ ဆၧအၪ့ကံၩ့ဘၩဆိၪဖၪဆၧ ကိၭမုနံၩ ကိၭမုနၩနီၪလီၫႉ