ယွၩအဆၧဖ့ၪလၫ့လၬဆီၪ့

ပၥၭဘၪ့ဖိၪၥံၪလဖၪယီၩနီၪ မွဲဖျ့ၭထၪ့လၧဆၧအဲၪဆၧကွံၩဖၧၩ့လန့ဘၪနီၪလီၫႉ ဆၧနီၪအကၠီၩ့ ၦၡၩအၪဒၪဆၧနီၪ အဲၪဒိၭ န့ဘၪဆၧအဲၪဆၧကွံၩ အဲၪဒိၭန့ဘၪဆၧယိဂ့ၩယိဘၪလဖၪနီၪလီၫႉ

အ့ၪမွဲနဂၪ့အခၫ ၦအအီၪလၧနနဲၩ့ထံၭႇ အ့ၪမွဲနၥၭဘဲၩအခၫ ၦလၧအမၩအ့ၪနၧၩဆၫအၪ့ဆၫအီၩႇ နအီၪလမုၬဘၪအခၫ ၦလၧအဘုၩရူၫဘုၩဆူၫနၧၩႇ ဆၧမုၬနၥၭအခံၫ့ ၦလၧမံၪ့ၥၭအ့ၪနၧၩႇ နန့ဘၪဆၧမၩနၧၩ့ခၫ့ဖျီၫ့အခၫ ၦလၧဖ့ၪလၩဖ့ၪဖၩ့နၧၩႇ နထဲၩ့လၧဂံၪ့အခံၫ့ ၦလၧအၥၭခိအ့ၪနၧၩႇ နၥၭထၪ့အခံၫ့ နၥၭထၪ့ထီၫအခံၫ့ ၦလၧအနၪၥ့ၪဖျါခွံၬအ့ၪနၧၩ ၦဘဲၫယီၩၥိၭနီၪ မွဲလၧနဆၧၥၭမၧၫ့ထၧၫ့ဖျီၩ့ယၫအဂး အဂ့ၩထုၬ ဆၧအဲၪတၩ့ကဂၩနီၪလီၫႉ

ဆၧပွံၩဆၧထၩ့နၥၭအထီ နကဒိၭနဲၩ့နၥၭအဂးၦၡၩအီၪဧၪႇ ထၧၫ့ဆၧဂၩ့မၧၫ့ဘၪနံလဖၪလလိၪလၧၩ့ဘၪ ၦၡၩမၩနံနၧၩ ဘဲၫနီၪအီၪယူၭဧၪႇ နဆၧၥၭမၧၫ့ဆၧခိဆၧဝီၩလဖၪနီၪကဒၩ့ထၬအ့ၪနၧၩခိၭစီၩ့အၥိၭၦၡၩအီၪယူၭဧၪႇ အဝ့ၫအီၪနီၪ လၧနဂးဆၧဒူၩ ဆၧယးအီၪ ၦၡၩဘဲၫနီၪလၧနအီၪနီၪမအီၪယူၭဧၪႇ အ့ၪမွဲ နန့ဘၪထၬ ၦၡၩဘဲၫနီၪယူၭစွါဘဲၫ အနီၪမွဲလၧနၧၩလဂၩအဂး ယွၩဖ့ၪလၫ့ထၬ လၬဆီၪ့နီၪလီၫႉ ဆၧနီၪအကၠီၩ့ အီၪက့ၪလူဒိၪဎွ့ၩဒိၪအဝ့ၫနီၪလါဆံၭႉ