မိဖါအဆၧအဲၪနီၪအဎိၩဒိၪထုၬလီၫ

မိဖါၥံၪအၥၭဆၫပၧၩအီၪ ချဲၩ့ဘၪလဂ့ၩႉ ပဆၧမၩလခီၫဘၪလါနၧၫ့ ခွံၭၡိၭထၬဘၪမိဖါၥံၪလဂ့ၩႉ မိဖါၥံၪအမ့ၬထံၪလၩ့အီၪ ထီၩ့မၩဘၪလဂ့ၩႉ ဖိၪဒံၪၥံၪ ဆၧအဂံၩဆၧအအၧၩ့လဖၪ ခိၭနါဝ့ၫ ကိၭမုနံၩနီၪ မွဲဝ့ၫဒၪ မိဖါၥံၪနီၪလီၫႉ မိဖါၥံၪနီၪ အ့ၪအဖိၪၥံၪ ဒၪဘၪဆၧကဲၪဆၧဂဲၩစွါဘဲၫအီၪဝ့ၫလၥ့ၪဘၪနီၪ ဖိၪဒံၪၥံၪလနၧၩ့နၧၩ့ လၥ့ၪယၪဘၪနီၪလီၫႉ မိဖါၥံၪနီၪ မိဒၪအဖိၪၥံၪ လ့ၩထၪ့လ့ၩထီၪနီၪလီၫႉ အ့ၪအဖိၪအဒံၪ ဘၪမၩဆၧမၩလၧဆၧၡၪ့့ဆၧနါ ဖၧၩ့စွါဘဲၫဒၪဝ့ၫလန့ အီၪဝ့ၫလၥ့ၪဘၪနီၪမွဲဒၪမိဖါနီၪလီၫႉ ဂၪ့ခိၪချိၫ့ယီၩ့ အဎိၩဒိၪထုၬဆၧအဲၪနီၪ မွဲဒၪမိဖါအဆၧအဲၪလီၫႉ မိဖါၥံၪအဆၧအဲၪ ဎိၩဒိၪဝ့ၫ ဘဲၫၥံၪလဲၪနီၪ ပကဲၪဖိၪဒံၪၥံၪဘၪၥ့ၪယၪဂီၩ့ ဘၪအၪ့ဎၬထဲၩ့နီၪလီၫႉ