မိဖါလဖၪလဂၩဒဲလဂၩၥီၪ့ၥၪ့ဖိၪဒံၪလမီၪ့ဎီၩ့ဘၪအဂဲးနီၪလီၫႉ

ဘဲၫယီၩယမိလီၩ့ၥ့ၪယၪအ့ၪဘၪနၥံၪနီၪ မွဲဒၪလၧမိဖါၥံၪ ၥီၪ့ၥၪ့အဖိၪအဒံၪလမီၪ့ဎီၩ့ဘၪလဖၪနီၪလီၫႉ လနၧၩ့နၧၩ့မိဖါလဖၪ အၪ့မၧၫ့အဖိၪအခၫ ချဲၩ့ဝ့ၫလၧ အလူ ဆီၪ့ဆီၪ့နီၪလီၫႉ အ့ၪဖိၪဒံၪၥံၪ မၩဘၪဆၧမၪစွါဘဲၫအဲၪလိၬဝ့ၫ ဒိၪဝ့ၫ ထးဝ့ၫ အၪမၬလီၫႉလကၭဒံၭဘၪအ့ၪဖိၪဒံၪလမိမၩဘၪဆၧမၩနီၪ ဖ့ၪဝ့ၫဂဲးဆၪ့လၩ့ဂီၩ့အၪ့မၧၫ့မၩဝ့ၫနီၪလီၫႉ လနၧၩ့နၧၩ့မိဖါနီၪ ဖိၪဒံၪၥံၪ အ့ၪမၩဘၪဆၧမၪစွါဘဲၫချဲၩ့ဆၧၫ့ထဲၩ့ဝံၫ ဂံၩဂံၩဘၪဘၪနီၪလီၫႉ လၧခဲၫ့ ဘဲၫၥိၭလမၩလၩ့ဘၪဆၧမၪအဂးၥီၪ့ၥၪ့ဝံၫ ဂံၩဂံၩ ဆၧချဲၩ့မုၬမုၬနီၪလီၫႉ ဖိၪဒံၪၥံၪလမိမၩဘၪဆၧအလးနီၪ ဖ့့ၪဝ့ၫ ဂဲးဆၪ့လၩ့အ့ၬႉ ဘဲၫၥိၭပကကဲၪ မိဖါအဂံၩကဂၩအဂး ပကဘၪၥီၪ့ၥၪ့ပဖိၪပဒံၪလၧ ဖၧၩ့ၥၭအတီၩ့အလီၩ့ အဖၧၩ့ဂံၩဂံၩဘၪဘၪနီၪလီၫႉ