ဘိၪ့ဆၧအၧၩ့နီၪ ကချဲၩ့ထၪ့ဒၪဝ့ၫလီၫ

         လၧပကဲၪထၪ့ၦၡၩကဎုၬယီၩ အ့ၪနဘၪထိးအၪ့လီၫအခၫႇ အ့ၪနဘၪထိးမၩတရီၩတပၩအခၫႇ လၧနဖၫ့ခိၪအ့ၪမွဲ ၦၡၩ ဂဲၫအၧၩ့လၩ့ၥၭလိၪစွါဘဲၫ နံမွံၫထၪ့လါဆံၭႉ

         မွဲလၧပၥုၪ့လဲၥၭလဲနီၪမွဲအ့ၬႉ ဆၧလၧဘိၪ့ဆၧအၧၩ့ကမံၩ့ အ့ၪမွဲဂဲၫထဲၩ့ခ့ၬလၫ့ထဲၩ့နီၪ ထံလၩ့ထီၩ့လၩ့ဝ့ၫဒၪ ဂ့ၩဘၪစဲၪအ ကၠီၩ့နီၪလီၫႉ ဆၧလၧဘိၪ့ဆၧအၧၩ့နီၪ မၩဆၧၥ့ၪထ့ၬထ့ၬလီၫႉ ယိမ့ၬနၪဎိၩဆံၭၥ့ၪအ့ၬႉ ပအၪ့ယၫထၪ့အဝ့ၫန့ဧၪအ့ၬႉ ပဖ့ၪလၫ့ အဝ့ၫထီးဂီၩ့ ပအၪ့မၧၫ့ ဖုၫဖၬခွံၬပၧၩမန့ဧၪအ့ၬႉ ကယဲပမၩထၬဆၧအအၧၩ့လဖၪအဂး ကနံၩကကၠၪကိ ဘဲၫပမၩထၬအၥိၭ ပဘၪထိးထဲၩ့နီၪ ပကိၭဝ့ၫလၧ ဘိၪ့ဆၧအၧၩ့ဂဲၫထဲၩ့ဘၪထဲၩ့ပၧၩလီၫႉ

         ယၧၩယီၩ ဆၧလဂ့ၩဘၪ ယမၩကိၭမံၩ့ ယန့ဘၪဆၧအနၧၩ့ကိၭဘျၩ့ စီၪဎိၩလၩ့ၥၭဘဲၫနီၪလဂ့ၩႉ ဆၧကိၭမံၩ့နီၪ အလ့ၩဒဲ အဂဲၫထဲၩ့အီၪဝ့ၫဒၪလီၫႉ ဘဲၫပမၩအၧၩ့ထၬအၥိၭ ဎိၩဎိၩဆံၭဆံၭနီၪ အ့ၪအခံၫ့ဘၪ မွဲပကဘၪထဲၩ့ထိးထဲၩ့လီၫႉ ဆၧနီၪအကၠီၩ့ ဘဲၫပမိမၩအၥိၭနီၪမၩ အ့ၪအခံၫ့ဘၪနီၪဘိၭထိးထဲၩ့ဒၪလီၫႉ  အ့ၪမွဲပလမိထိးဘၪ ဘိၪ့ဆၧအၧၩ့နီၪဘိၭ အီၪမၧၫ့ကၠၭလၧ ဆၧဂ့ၩ ဆၧဘွၩဖၧၩ့လါဆံၭႉ (ရသစာပေပျိုးခင်းပေ့ချ်မှ ကောက်နုတ်ချက်)