ဖါဖါအဆၧမၪလူၬ

ထၪ့ၡါလၩ့ဖၭဂီၩ့ထၧၫ့မၫဝၫနံၩဂၩနီၪ ထဲၩ့ကလိထၪ့ အမိအဖါ ကိၭနံၪ့နီၪလီၫႉ ကလိထၪ့အမိအဖါဂီၩ့ကကၠၪ ဖါကဂၩနီၪ ၥီၪ့ချဲၩ့အဝ့ၫၥံၪ ဘဲၫယီၩ့အၥိၭနီၪလီၫႉ ဖိၪမုၪဒဲဖိၪခွၫဧ့ ဖါဖါကလီၩ့ဆၧချဲၩ့ဘဲၫယီၩ့နီၪ ထီးန့ထၬလၧ နၥံၪ အၥၭနံၩဖျိၪ့ဖၧၩ့လီၫႉ စၭထၪ့လၧ မုကနံၩ့ယီၩ့နီၪ ဖိၪမုၪဖိၪခွၫ နံၩဂၩယီၩ့ ကဲၪ့ထၪ့ ထၧၫ့မၫဝၩယူၭ ဆၧနီၪအကၠီၩ့ နၥံၪ အီၪဘဲၫ အဖျဲး အမုၪနၩ့ ၥိၭလန့လၩ့ဘၪနီၪလီၫႉ မွဲယူၭ ဖိၪမုၪဖိၪခွၫ ၥံၪဧ့ ထီးန့ထၬ ဆၧချဲၩ့ ၥၧၫ့ ဖျိၪ့ယီၩ့နီၪလီၫႉ

ထၪ့ၡါနီၪ လၧပယၩ့ခိၫ အိမ်ထောင်ပြု

အိမ် နီၪ မွဲဒၪလၧ ပၡၩထီးအလူအီၪအလး ဆၧအီၪဆၧၫ့ထုၪ့နီၪလီၫႉ

ထောင် နီၪ မွဲဒၪလၧ ဆၧၥုၪ့ထၪ့ ဆၧဂုးခၧၫ့ ဆၧမၩတီၩထဲၩဝ့ၫနီၪလီၫႉ

ပြု နီၪ မွဲဝ့ၫဒၪလၧ ဆၧဖိၭလိၬဖိၭဆံၫ့ ဆၧအၪ့လဲၩၥၭ နီၪလီၫႉ မွဲယူၭဖိၪမုၪဖိၪခွၫၥံၪဧ့ ထီးန့ထၬဖါဖါ အဆၧချဲၩ့လဖၪယီၩ့နီၪလီၫႉ

မွဲယူၭထၧၫ့ဖုဝဲ မုၪခွၫဂံၪ့ဒီၪ့ဖိၪၥံၪထီးအလူ မွဲဒိၭန့ဘၪဆၧမုၬဆၧလၩကိၭဂၩဒ့လါဆံၭႉ