ပၥၭအတရၫ့ဖိး(၅)ဖၧၩ့

 ၁ႉ မ့ၬထံၫလၩ့အထီ ခွံၬလၩ့ဘၪ ၥၭအဆၧစ့ၩရၫ့လဂ့ၩႉ အခံၫ့အနီၪ ထၧၫ့ချဲၩ့ထၪ့ဘၪ ဆၧချဲၩ့အအၧၩ့လဖၪလဂ့ၩႉ

၂ႉ ဆၧကၪဆၧဂဲၩကဒုၩကမံၩ့အဂဲးနီၪ ထီၩ့အၪ့ဎၬထၪ့ဘၪကဘျၩ့ဂီၩ့ကဘျၩ့လဂ့ၩႉ ဆၧကိအမံၩ့နီၪ ထံၭလၩ့ထၬလၧနၥၭဖၧၩ့လ ဂ့ၩႉ လၧနအီၪနီၪ နကချဲၩ့ဎိၭလၩ့အဂး နမိနဖါဒဲ နထံၩၥိၭၥံၪအီၪဒံၭအဂဲး နၪ့ထၪ့ထဲၩ့လါဆံၭႉ

၃ႉ ထီးၥၭမဲၪဘၪလၧကဘၪမၪနီၪလဂ့ၩႉ အ့ၪမွဲနဘၪမၪဒၪခလူၬ ထီၩ့မၩဎဲၫ့ထၬနခိၪနူၬလဂ့ၩႉ ဆၧလၧၡၩအဆၧၥၭမၧၫ့နီၪ အဂ့ၩဒဲ အအၧၩ့ အမွဲဒဲအဘၪမၪအီၪဎုၬထၬ ကၠၧၫ့ကၠၧၫ့အကၠီၩ့နီၪလီၫႉ တခၩကမွဲဆၧအဂဲးနးမံၩ့ လခဲၫ့အ့ၪမွဲပအၪ့ဎၬယိထဲၩ့နီၪ ဂီၩ့ခွံၬဝ့ၫ ဒၪ ဆၧဘၪမၪလဖၪနီၪ မွဲအရ့ၩလဒိၪလၧၩ့ဘၪနီၪ ပကဒၪထၪ့ထဲၩ့နီၪလီၫႉ

၄ႉ ဆၧဒၪအအၧၩ့နီၪ ၦၡၩလဖၪအအီၪ အီၪၥ့ၪဝ့ၫဒၪလီၫႉ လါနၫ့ ဆၧဒၪအအၧၩ့နီၪ မွဲဒၪလၧ ပဆၧၥၭမၧၫ့ဖၧၩ့ ဆၧအကုၬအကျၩ့ လဖၪလီၫအဂဲး ပကဘၪနၪၥ့ၪထၬလီၫႉ အၡါမၪလၧဆၧဒၪအအၧၩ့အလးနီၪ ပအၪ့ဎၬထဲၩ့လၧဆၧဘၪလိၬဎွ့ၪဎီၩ့ဂီၩ့ ပအၪ့လဲၩ ထၪ့ထဲၩ့ ဘဲၫဆၧဒၪအဂ့ၩအၥိၭ န့ဝ့ၫနီၪလီၫႉ

၅ႉ ၦလဂၩဂၩနီၪ အ့ၪမွဲဆုးကျိၭပၧၩမွဲဂ့ၩ လဆုးကျိၭဘၪပၧၩမွဲဂ့ၩႇ ချဲၩ့ဒုၪ့ပၧၩမွဲဂ့ၩႇ လချဲၩ့ဒုၪ့ဘၪပၧၩမွဲဂ့ၩႇ ဆၧအယီၩနီၪဆၧမွဲနး မံၩ့အ့ၬႉ ဆၧနီၪအကၠီၩ့ ဆၧအဂဲးယီၩ ပဘၪမၩဎိၩထၪ့လိၪအ့ၬႉ ပအၪ့ဎၬထၪ့ဂီၩ့ ပဘၪၥၭအုၭမလိၪဧၪအ့ၬႉ