ပအၪ့ကံၩဘၩဆိၪဖၪအ့ၪ ပဝၩၥ့ၪ ပမၪၥ့ၪ ပဂံၪ့ဒီၪ့ဖိၪၥံၪအဂးနီၪပအီၪပထုၬလန့ဘၪလီၫ

ဆၧလၧပအၪ့ကံၩဘၪဆိၪ့ဖၪဆၧနီၪ အစီၩ့အမၩ့ဎိၩဒိၪဝ့ၫအၪမၬလီၫႉ ပထၧၫ့မၫဝၩနံၩဂၩနီၪ ဆၧအဲၪဆၧကွံၩကအီၪအဂး ဆၧဖံၭဆၧမၩကမုၬအဂး ဆၧအီၪဆီၪ့အီၪချဲၫ့ကအီၪအဂး ထီးအလူၬနီၪ ပကဘၪအၪ့ကံၩဘၩဆိၪဖၪလၧ ကဆါယွၩအီၪနီၪလီၫႉ လကၭဒံၭဘၪထၧၫ့မၪဝၩနံၩဂၩ ဘဲၫကထုၬဆၧလိၬၥၭအဂံၩကန့အဂး ပဆၧမၪယဆၧမၪပကဖျါခွံၬလိၬၥၭကန့အဂး ပကဘၪအၪ့ကံၩအခိးအတၩလၧ ကဆါယွၩအီၪနီၪလီၫႉ ပဂံၪ့ဒီၪ့နီၪ ပကဘၪအၪ့ကံၩဘၪဆိၪဖၪကိၭနံၩနီၪလီၫႉ အနီၪစွါဘဲၫလၧပဂံၪ့ဒီၪ့ဖၧၩ့ ဆၧၡၪ့ဆၧနၭမွဲဂံၩ ဆၧကၪဆၧဂဲၩမွဲဂံၩ ကဖီၩ့ခွံၬဝ့ၫလီၫႉ လကၭဒံၭဘၪပဖိၪၥံၪ ဘဲၫၥိၭ ကခိၭနါ မိဖါအဆၧချဲၩ့အဂး လ့ၩဖၧၩ့ၥၭ ကတီၩလီၩ့အဂး ပကဘၪအၪ့ကံၩဘၪဆိၪဖၪလၧ ကဆၧယွၩအီၪနီၪလီၫႉ ၦၡၩမၩလန့ဘၪဆၧထီၩ့အလူၬနီၪ ကဆါယွၩမၩန့နီၪလီၫႉ မွဲဆၧနီၪအကၠီၩ့ ဂံၪ့ဒီၪ့ဖၧၩ့ ဆၧအၪ့ကံၩဘၩဆိၪဖၪနီၪ အကၧၩ့ဒိၪထုၬ ဆၧအၪ့ကံၩဘၪဆိၪဖၪနီၪ ပအီၪပထုၭလန့ဘၪနီၪလီၫႉ အ့ၪပဂံၪ့ဒီၪ့ဖၧၩ့ ဆၧအၪ့ကံၩ့ဘၪဆိၪဖၪလအီၪဘၪစွါဘဲၫပကဒၪခီၩ့လၧဆၧနိၫ့ဆၧနၭနီၪလီၫႉ

Add new comment

1 + 1 =