ပဆၧၥၭမၧၫ့အဖၧၩ့ ကြၨၭပထုၪ့ပၥၭဆၧအဂဲးလဖၪ

လၧၦၡၩအဆၧၥၭမၧၫ့အဖၧၩ့ လၩ့ၥၭမဲၪထုၬၥၭထၪ့ထီၫနီၪ မွဲလၧဆၧကိၪ့ဘၪကိၪ့ၥ့ၪၥၭထၪ့ထီၫႇ လၩ့ၥၭမဲၪထုၬ ဆၧၥၭနၪ့ နီၪ မွဲဝ့ၫဒၪလၧ ၥၭနၪ့ခွံၬ ဆၧၥၭမၧၫ့ႇ လၩ့ၥၭမဲၪထုၬဆၧလၩ့ဖၭနီၪ မွဲဝ့ၫလၧၥၭလၩ့ဖၭလိၭၥၭႇ ဆၧအခိထုၬနီၪ ဆၧၥၭၡၪ့ႇ  ဆၧအ ချံၫ့ထုၬနီၪ ဆၧအဲၪဆၧကွံၩႇ အ့ၪမွဲပအီၪယီၩ ဆၧအဲၪဆၧကွံၩလၩ့ၡၩနီၪ ဆၧၥၭထၪ့လဖၪကဂဲၫအၪထၪ့ႉ အ့ၪမွဲဆၧၥၭထၪ့ လဖၪဆၧမ့ၬလဲၩၥၭဂဲၫ့လဖၪအီၪထၪ့ယူၭနီၪ ဆၧဘၪမၪလဖၪ မွဲကထုၬန့လၧၩ့အ့ၬႉ

လၧပဆၧၥၭမၧၫ့အဖၧၩ့ ပချဲၩ့ဝ့ၫဒၪကိနံၩဂီၩ့ ပလၥ့ၪဘၪနီၪ မွဲဆၧချဲၩ့ႇ ပယိထၪ့ဂီၩ့လူၬခွံၬဒၪပၧၩနီၪ မွွဲအခံၫ့ႇ ပလမိ မၩဘၪဂီၩ့ ပန့ဘၪနီၪ မွဲလၧၥၭၡါထၪ့ႇ ပအီၪဒၪပၧၩဂီၩ့ ပန့ထၪ့ဘၪနီၪ မွဲလၧအဘိၪ့အၧၩ့ႇ ကိနံၩဒ့ၭ ပၥၭနၪ့ဝ့ၫဒၪနီၪ ဆၧၥံၫအဂဲးႇ ဘဲၫပမိမၩဆၧအၪအၥိၭ ပၥၭဆ့မွဲကဘၪလၩ့ပွံၭလၩ့ထၩ့အၪအၪလီၫႉ ပနၪလၥ့ၪဘၪအၪအၪ ပၥၭကဘၪဘံၪဘူၪအၪအၪႇ  ဘဲၫ ပမိစီၪအၥိၭ အ့ၪမွဲပကစီၪဆီၫ့မီၪ့စွါဘဲၫ ဆၧအဂဲးအၧၩ့လဖၪ ကကဲၪထၪ့အၪအၪလီၫႉ ဆၧလၧပၥၭကမံၩ့နီၪ အၪ့ဎၬထၪ့ဆၧ အအၧၩ့အဂဲးနီၪ အၪနဲၪ့ဆၧအဂ့ၩအဂဲးဒံၭလီၫႉ အၪ့ဎၬထၪ့ဆၧၥၭအုၭအဂဲးလဖၪအၪနဲၪ့ ဆၧၥၭမုၬအဂဲးဒံၭအကၠီၩ့ ၦအအီၪလၧ ၥၭဆၧအၪ့ဎၬဖၧၩ့လဖၪနီၪ မွဲအၥၭကဘၪၡၪ့ဝ့ၫဒၪအၪအၪနီၪလီၫႉ

ဆၧအဂဲးယီၩနီၪ မွဲယဖီထၬဘၪလၧSawtoetoenaing အဆၧကွ့ၭထၬအဖၧၩ့နီၪလီၫႉ