ပကျ့ၭစၨၭမၩဆၧမၩလါနၫ့ ပကဲၪဒိၪထၪ့လန့ဘၪလီၫႉ

ၥၭဘၪ့ခွၫကဂၩနီၪ ဆၧၫ့နၩ့အီၪလၧဆၧၥၭအုၭဖၧၩ့အကၠီၩ့ ဖူၫလဂၩနီၪ လ့ၩအၪ့စၪ့ ဖိၪၥၪခွၫဧ့ နမုၬဎံၪအ့ၬနီၪ နဘၪ မန့လဲၪ နဘၪၥၭအုၭအဂဲး အီၪကမံၩ့မံၩ့ဧၪ အၪ့စၪ့ၥၭဘၪ့နီၪဘဲၫနီၪအခၫ ၥၭဘၪ့နီၪစံၭဆၧၫ့ထဲၩ့ မွဲဖူၫဧ့ ယၧၩယီၩခီၫနးမုၪယီၩ ကကၠၪ ယကဲၪဒိၪလၫ့န့နၧၩ့ကၠၪဒ့ၭအ့ၬအကၠီၩ့ ယၥၭဂၭဂီၩ့လၩ့ယၥၭလီၫဖူၫဧ့ ပကျ့ၭစၨၭမၩဆၧမၩလါနၫ့ ပကဲၪဒိၪထၪ့န့အ့ၬဘ့ၩ ဖူၫဧၪ စံၭဆၧၫ့ထဲၩ့ဝ့ၫဘဲၫနီၪလီၫႉ အနီၪအခၫ ဖူၫနီၪအၪ့စၪ့ထဲၩ့အဝ့ၫ ဧ့နမိကဲၪဒိၪဘဲၫဧၪ နမိကဲၪဒိၪနီၪမွဲယူၭ ဘဲၫယီၩနမၩ ဆၧမၩကမံၩ့မံၩ့ဧၪအိၩ ဖူၫနီၪအၪ့စၪ့အဝ့ၫဘဲၫနီၪအခၫ ၥၭဘၪ့နီၪစံၭဆၧၫ့ မွဲဖူၫဧ့ ဘဲၫယီၩယမၩဆၧမၩလၧ ကၫ့မနံၫကဖျိၪ့ဖၧၩ့ ဘီၪႉ ယမၩဆၧမၩအခၫ ယကျ့ၭစၨၭမၩဆၧမၩဂ့ၩဘၪစဲၪလါနၫ့ ယကဲၪဒိၪလၫ့န့နးကၠၪအ့ၬႉ စံၭဝ့ၫဘနီၪအခၫ ဖူၫနီၪနံမွံၫထၪ့ဂီၩ့ အၪ့စၪ့အဝ့ၫ အနီၪဘိၭ ဘဲၫယီၩနမၩဆၧမၩနီၪမပၩလဲၪအဂးလဲၪအိၩအခၫ ၥၭဘၪ့နီၪစံၭဆၧၫ့ထဲၩ့ ယမၩဆၧမၩလၧကၫ့ပနံၫမၬနီၪ မွဲကၫ့ပနံၫကလ့ၩထၪ့လ့ၩထီၫအဂးလၥၨၩယါ စံၭဆၧၫ့ဝ့ၫဘဲၫနီၪအခၫ ဖူၫနီၪစံၭဆၧၫ့ထဲၩ့ အဝ့ၫ အၨၫဘီၪနမၩဆၧမၩနီၪမမွဲနဂး အ့ၬဘိၭ မွဲဒၪလၧကၫ့ပနံၫအဂးလီၫဘိၭ နကကဲၪဒိၪလၫ့ဧၪ ကၫ့ပနံၫနီၪကကဲၪဒိၪလၫ့ဧၪ အီၪဒၪခလူၬ နမၩဆၧမၩကနၩရံၫနီၪ ထီးန့ဎွ့ပၥ့ၪလဲၪအိၩ ယမၩဆၧမၩကနၩရံၫနီၪထီးန့၁၅၀၀ဘီၪ အ့ၪမွဲဘနီၪစွါဘဲၫ ကနံၩနီၪ နဘၪမၩဆၧမၩဎွ့နၩရံၫလဲၪအိၩ ကနံၩနီၪယဘၪမၩဆၧမၩ၁၀နၩရံၫဘီၪႉ အနီၪဘိၭ ကနံၩနီၪအ့ၪမွဲနကမိမၩထီး၃လၬစွါဘဲၫ နကဘၪမၩဆၧမၩ နၩရံၫ၂၀လၥၨၩ ပကျ့ၭစၨၭမၩဆၧမၩလါနၫ့ ပကဲၪဒိၪထၪ့န့အ့ၬ နမၩဆၧမၩနၩရံၫ၂၀မၬ နလီၩ့ဎွါန့ ထီးအဆၧဝံဆၧနၬနီၪ ၦၡၩကနၩ့နၩ့ မၩဝ့ၫ ကနၩရံၫလီၫဂီၩ့ လီၩ့ဎွါဝ့ၫန့ယူၭႉ အနီၪဘၪနီၪလဲၪနအၪ့ဎၬယံၩယါအ့ၬဧၪ ပကျ့ၭစၨၭမၩဆၧမၩကမံၩ့လီၫနီၪ ပကဲၪဒိၪလၫ့န့အ့ၬ ဖိၪၥၪဧ့ လိၪဒံၭလၧ ပရွံထၪ့ဆၧကဘၪတီၩအဂးႇ ပဆၧၥ့ၪယၫနၪၥ့ၪကအီၪအဂးႇ ပမၩဆၧမၩကၠီၪ့ဖျီၩ့ကဘၪၥ့ၪအဂးဆ့ လိၪဝ့ၫဒံၭႉ အဂဲးစံၭဆၧၫ့ထဲၩ့ၥၭဘၪ့နီၪလီၫႉ

        မွဲလီၫႉ ပကျ့ၭစၨၩမၩဆၧမၩကမံၩ့လီၫနီၪ မွဲပကဲၪဒိၪလၫ့လန့ဘၪလီၫႉ ပကကဲၪဒိၪလၫ့အဂး ဘဲၫပရွံထၪ့ဖၧၩ့ၥၭ ကဘၪ တီၩအဂး ပကဘၪမၩပၥ့ၪလဲၪႇ ဘဲၫပကကဲၪဒိၪလၫ့အဂးဆၧၥ့ၪယၫနၪၥ့ၪလိၪမန့လဲၪႇ လၧကၠီၪ့ဖျီၩ့အတီၩအဘၪအဖၧၩ့ ပက ကိၪ့လီၩ့ဎွါထီးပၥ့ၪလဲၪ ဆၧလဖၪယီၩလိၪဝ့ၫဒၪတၡါလီၫႉ ဆၧနီၪအကၠီၩ့ ကြၨၭပမၩမန့လဲၪႇ ကြၨၩပမၩပၥ့ၪလဲၪနီၪ ပကဘၪရွံ ထၪ့ထၧၫ့အဘၪနီၪလီၫႉ

Add new comment

6 + 7 =