ပကလ့ၩထၪ့လ့ၩထီၫအဂး လိၪဝ့ၫဒၪမနီၪလဲၪ?

 ပကဲၪၥၭဘၪ့လဖၪ ကလ့ၩထၪ့လ့ၩထီၫအဂး ဆၧလိၪဝ့ၫဒၪ လံမံၩ့နီၪလီၫႉ ဆၧလဖၪနီၪမွဲဝ့ၫဒၪလၧ ဆၧဘိၪ့ႇ ခိၪနူၬႇ ၥၭလိၭဖၭ ဒဲ ဂံၪ့ဒီၪ့အဆၧမၩဆၧၩ့ (ကျိၪစ့ၩ) လဖၪနီၪလီၫႉ

ၥၭဘၪ့ကနၩ့နၩ့အခိၪနူၬဂ့ၩဝ့ၫအၪမၬဒ့ၭ ၥၭလိၭဖၭဆ့မွဲအီၪအၪမၬ လါနၫ့အဆၧဘိၪ့လဂ့ၩဘၪဒဲ ဂံၪ့ဒီၪ့အဆၧမၩဆၧၩ့ (ကျိၪစ့ၩ)လအီၪဘၪအကၠီၩ့ လ့ၩထၪ့လ့ၩထီၫလန့ဘၪ အီၪဝ့ၫဒၪအၪမၬနီၪလီၫႉ ပဆၧဘိၪ့ဂ့ၩႇလဂ့ၩနီၪ ဆၧဘၪထွ့ၪအီၪဒၪလၧ ပၧၩနီၪလီၫႉ အကၧၩ့ဒိၪထုၬနီၪဘိၭ ပကဘၪရွံထၪ့ဆၧလၧအဂ့ၩထုၬလၧပဂး ကဘၪႇဘၪဝ့ၫဒၪနီၪလီၫႉ အ့ၪမွဲ ပရွံထၪ့ဆၧဘၪမၪ နီၪဘိၭ ပဆၧဘိၪ့ကဂ့ၩနီၪ ကအီၪဒၪၡၩၡၩဖိၪနီၪလီၫႉ ဘဲၫပရွံထၪ့ဆၧကဘၪလၧအဂ့ၩထုၬအဂးနီၪဆ့ အဆိၪထုၬ လိၪဒံၭလၧ ဆၧၥ့ၪယၫနၪၥ့ၪ ဆၧကိၪ့ဘၪကိၪ့ၥ့ၪလဖၪဒံၭနီၪလီၫႉ အ့ၪမွဲပဆၧၥ့ၪယၫနၪၥ့ၪလၧၫ့ဎွ့ၩမၬ ပရွံထၪ့ဆၧကဘၪလၧ အဂ့ၩထုၬ လဖၪနီၪလီၫႉ

ဘဲၫနီၪအၥိၭ ပဆၧဘိၪ့နီၪဂ့ၩယူၭႇ ပခိၪနူၬမွဲဂ့ၩယူၭႇ ပၥၭလိၭဖၭဆ့ မွဲအီၪယူၭလါနၫ့ အ့ၪမွဲကျိၪစ့ၩလီၩ့လန့ဘၪစွါဘဲၫ ပကလ့ၩထၪ့လ့ၩထီၫကန့အဂးနီၪကကၪဂဲၩနီၪလီၫႉ ဆၧလံမံၩ့ယီၩအ့ၪမွဲကအီၪထီးလူၬမၬ ပလ့ၩထၪ့လ့ၩထီၫကန့အကၠီၩ့ လၧ ပထီယီၩ ပမိပဖါၥံၪအ့ၪမွဲမၩဆၧၩ့ပၧၩထၧၩ့အထီၩ့စိၩဘဲၫနီၪ လန့ဘၪစွါဘဲၫ အ့ၪမွဲကထီးထဲၩ့လၧ ပဖိၪပဒံၪအထီ ထီးလကဲၪဒီၩ့ ဘၪပၧၩအဂးနီၪ စၭထၪ့လၧအထီဘဲၫယီၩ မွဲပကဘၪကျ့ၭစၨၭကဲၪဒိၪကဲၪမုကလိၪဝ့ၫတၡါၡါအဂဲး မုကနံၩယီၩယအၪ့နၩ့ဖ့ၪၥ့ၪ ယၫစိၩဘၪနၥံၪဆၧအဂဲးယီၩနီၪလီၫႉ ဆၧအဂဲးယီၩနီၪ မွဲယနါဂၧၫ့ထၬဘၪလၧ ဖြိုးဖြိုးအောင် အဆၧလီၩ့လၩ့လၭလၩ့လဖၪ အဖၧၩ့နီၪလီၫႉ

နးအဲၪဖီၫဘွၩ