ပကဘၪယိခံၫ့လၩ့ပၥၭအဂဲး

အ့ၪမွဲပဘၪဒၪဆၧၫ့ယၫလၧဆၧၥၭအုၭလဖၪအခၫ ထီးၥၭလၩ့ဆ့ၭလၩ့ယွၩဘၪ အၪမၬလဂ့ၩနဲၪႉ ပကဘၪကျ့ၭစၨၭပၨၩ့ ထၬပၥၭနီၪ လၧပခိၪနုၬလီၫႉ အ့ၪအခံၫ့ဘၪနီၪ ဆၧအဂဲးလဖၪယီၩ ကအီၪဘၪထၪ့ထဲၩ့လီၫ ပကဘၪအီၪက့ၪထၬပၥၭဘဲၫနီၪဂီၩ့ ပကဘၪခၫ့ဂၬခွံၬနီၪလီၫႉ

အ့ၪမွဲပဘၪဒၪဆၧၫ့ယၫလၧ ဆၧထၪ့ဒုၪထၪ့ဒၩအခၫ ထီးကဲၪထၪ့ဘၪထၧၩ့ ပကမိထိးစၪခွံၬပဆၧၥၭမၧၫ့နီၪလဂ့ၩနဲၪႉ ပဘၪထိးစၪကဆံၭနီၪ မွဲပလၩ့လၧရၬဖၧၩ့ဒံၭအ့ၬအဂဲး ပကဘၪစံၭလၩ့ပၥၭဘဲၫနီၪဂီၩ့ ပကဘၪဖ့ၪဂဲးဖ့ၪဘၭလၩ့ပၥၭနီၪလီၫႉ ပထံၩဖါဂီၩ့ ပကဂဲထုၪ့လၫ့ထဲၩ့ႇ လၧဆၧစၪအဖၧၩ့ ပကနံမွံၫထၪ့ထဲၩဂီၩ့ ပကဘၪၥိၩ့ထၪ့ထဲၩ့ဆၧအစၪနီၪ လၧပဂးဘဲၫဆၧဆၫ့ ထွ့ၪ ကမံၩ့အၥိၭနီၪလီၫႉ

အ့ၪမွဲပဘၪထိးအၪ့ကီၪပၥၭအခၫ ၥၭကဲၩ့လၫ့ဘၪလဂ့ၩႉ လအိၭဘၪပၧၩအကၠီၩ့ ချဲၩ့ခဲၪပၧၩနီၪ ပဘၪၥၭအုၭလလိၪဘၪ လီၫႉ ပကဘၪကျ့ၭစၨၭအီၪဒၪပၧၩ တီၩတီၩနီၪလီၫႉ ပဘၪထိးအၪ့အူၭပၥၭအခၫ ထီၩ့စီၪဎိၩလၩ့ၥၭနၭနၭလဂ့ၩႉ ကနံၩကကၠၪနီၪ ၦလၧအအၪ့အူၭပၧၩလဖၪယီၩ မွဲအၪ့ကီၪထဲၩ့ပၧၩၥ့ၪဆ့နီၪ ပကဘၪၥ့ၪယၫထၬနီၪလီၫႉ ဆၧထံၪဆၭဝ့ၫဒၪကမံၩ့နီၪ ဆၧၥၭမၧၫ့ ကမံၩ့နီၪ မွဲလထံၪဆၭဘၪလီၫႉ ဆၧဎံၪဆၧလၩဆ့ မွဲလဂုးခၧၫ့ဘၪလီၫႉ ပစူၪလးခၪ့ခိၪလဖၪဆ့ မွဲလဂုးခၧၫ့ဘၪလီၫႉ မွဲဆၧဘဲၫနီၪတၭ ဆၧနီၪအကၠီၩ့ ကနံၩယီၩနီၪ မွဲလၧပဆၧၥၭမၧၫ့တၡါအကၠီၩ့ ဆၧကိမံၩ့အဖၫ့ခိၪ မွဲပကဘၪယိခံၫ့လၩ့ပၥၭဂီၩ့ ပကဘၪ ကျ့ၭစၨၭအီၪမၧၫ့ပၥၭနီၪလီၫႉ

Add new comment

1 + 0 =