ပကဘၪပၧၩ့ဆုၬထၬပၥၭနီၪလီၫ

ထၧၫ့ဖုဝဲၥံၪဧ့ လၧဂၪ့ခိၪချိၫ့ဖၧၩ့ယီၩ ပဘၪပၧၩ့ဆုၬထၬအကၪဂဲၩထုၬနီၪ မွဲဒၪပနၫ့ဆါနီၪလီၫႉ ၦလၧအပၧၩ့လၩ့ၥၭ လန့ ဘၪလဂၩနီၪ ဖျါလူအၥၭဂီၩ့ ချဲၩ့ထၧဆၧၥ့ၪႇ မၩဆၧၥ့ၪႇ မၩခၬၥနိၫ့ၥ့ၪနီၪလီၫႉ စံၭမၬချၭ ပၧၩ့ထၬအၥၭလန့ဘၪအကၠီၩ့ ကၠူၭအခံၫ့ ဂီၩ့ အဆၧဖံၭဆၧမၩဘၪလၩ့ထ့ၬထး ဆၧဘဲၫနီၪၥိၭလဖၪကဲၪထၪ့ၥ့ၪနီၪလီၫႉ

အနီၪဘိၭ အ့ၪမွဲပပၧၩ့လၩ့ပၥၭလန့ဘၪနၬနၬစွါဘဲၫ မွဲပကဂၭဂီၩ့ယီၫယီၫနီၪလီၫႉ ပဘၪဆုးကျိၭလိၬၥၭလၧၦဂူၫဂၩ ပဘၪအီၪလၧၦဂူၫဂၩအကၠီၩ့ အ့ၪပပၧၩ့လၩ့ပၥၭလန့ဘၪနၬနၬနီၪ မွဲဆၧကၪဆၧဂဲၩကအီၪဝ့ၫဒၪအၪမၬနီၪလီၫႉ ပဘၪအီၪလၧၦဂူၫ ဂၩအခၫ လၧဆၧအထၧးအလၧးကမံၩ့ဘၪကမံၩ့အဖၫ့ခိၪ အ့ၪပပၧၩ့လၩ့ပၥၭန့မၬ မွဲကအီၪဘၪကဆံၭနီၪလီၫႉ

ဆၧနီၪအကၠီၩ့ လၧပဂးမွဲဂ့ၩ ပနဲၩ့ဎီၩ့အဂးမွဲဂ့ၩ ပကဘၪပၧၩ့ဆုၬထၬပၥၭနီၪ မွဲလၧဆၧအလိၪဝ့ၫဒၪတၡါနီၪလီၫႉ  အနော်